Qazaxda şair-publisist Güləmail Muradın 75 illik yubileyi qeyd olunub

Dekabrın 4-də Qazax Rayon İcra Hakimiyyəti və Azərbaycan Yazıçılar Birliyi (AYB) Qazax Bölməsinin birgə təşkilatçılığı ilə Pre­zi­dent tə­qa­üd­çü­sü­, Azərbaycan Yazıçılar Birliyinin üzvü və əməkdaşı,şair-publisist Güləmail Muradın (İsayeva Gü­lə­ma­yıl Novruzəli qı­zının) anadan olmasının 75 illik yubileyinə həsr edilmiş tədbir keçirilib.

Qazax Ədəbiyyat Muzeyində keçirilən tədbirdə Qazax Rayon İcra Hakimiyyətinin başçısı Rəcəb Babaşov, icra aparatının məsul şəxsləri, Azərbaycan Yazıçılar Birliyi Qazax Bölməsinin sədri, Əməkdar incəsənət xadimi, şair Barat Vüsal, AYB üzvləri, ziyalılar, şəhid ailələri, Bakı Dövlət Universitetinin Qazax filialının, Qazax Dövlət Sosial-İqtisadi Kollecin müəllim və tələbələri, təhsil, mədəniyyət işçiləri, Qazax Rayon İcra Hakimiyyəti yanında Gənclərin Yerli Məşvərət Şurasının üzvləri, gənclər, KİV nümayəndələri iştirak ediblər.

Tədbirdə Azərbaycan xalqının Ümummilli Lideri Heydər Əliyevin və respublikamızın ərazi bütövlüyü, suverenliyi uğrunda canlarını fəda etmiş şəhidlərin əziz xatirəsi birdəqiqəlik sükutla yad edilib.

Tədbirdə Güləmail Muradın qələmə aldığı, musiqisi Arif Mehmandosta məxsus olan və özünün ifa etdiyi “Ali Baş Komandanımız” mahnısının klipi videoçarx şəklində nümayiş etdirilib.

Tədbirin aparıcısı, Azərbaycan Yazıçılar Birliyi Qazax Bölməsinin sədri, Əməkdar incəsənət xadimi, şair Barat Vüsal tədbiri açıq elan edərək iştirakçıları salamlayıb, yubilyarın ünvanına xoş sözlərini, təbriklərini səsləndirib. B.Vüsal müstəqil ölkəmizdə şairlərə, saz, söz adamlarına göstərilən diqqətə, qayğıya, hörmət və ehtirama görə ölkə Prezidenti İlham Əliyevə, mədəniyyətimizin, poeziyamızın hamisi olan Birinci vitse-prezident Mehriban xanım Əliyevaya minnətdarlığını bildirib. “Ulu Öndər Heydər Əliyev söyləyirdi ki, mənəvi dəyərləri olmayan xalq xalq, dövlət dövlət deyil. Bugünkü tədbir bir daha onu göstərir ki, Qazaxda milli dəyərlərə çox böyük diqqət göstərilir, böyük ehtiram var. Bugünkü tədbirin keçirilməsi Güləmail Muradın simasında dövləti dövlət edən mənəvi dəyərlərə xidmət edir. Ulu Öndər siyasətinin davam etdirilməsi deməkdir”, - söyləyən şair bu gün Qazax rayonunda həmin qayğını yüksək səviyyədə hiss etdiyini bildirib. B.Vüsal ölkə rəhbərinin ziyalılara olan qayğısının Qazaxda olduğu kimi icra edildiyini, rayon rəhbərliyinin fəaliyyətə başladığı ilk gündən ziyalılara olan hörmətin, səmimi münasibətin şahidi olduğunu dilə gətirib. Bugünkü yubiley tədbirinin yüksək səviyyədə təşkil olunmasına görə Qazax Rayon İcra Hakimiyyətinin başçısı Rəcəb Babaşova öz adından təşəkkürünü bildirib. Yubilyarın yaradıcılığından söz açan B.Vüsal G.Muradın öz sözünü demiş, təvazökar, Vətəninə, xalqına, ölkəsinə olan sevgisini şeirlərinin dili ilə çatdırmış azərbaycanlı, qazaxlı şair olduğunu, bunu Onun haqqında dəyərli ziyalıların söylədikləri fikirlərdən də aydın şəkildə gördüyümüzü bildirib. B.Vüsal qeyd edib ki, Azərbaycan Yazıçılar Birliyinin sədri,Xalq yazıçısı hörmətli Anar müəllimin Güləmail Muradın 75 illik yubileyi münasibətilə Ona ünvanladığı təbrik məktubunda vurğulandığı kimi, “Vətənpərvərlik mövzusunda olan bu şeirlər yazılanda torpaqlarmız hələ işğaldan azad edilməmişdi, zamanın dumanlı-çiskinli vaxtları idi. Bu gün artıq torpaqlarımız düşmən tapdağından azad edilib, amma siz yenə də Qarabağ müharibəsi, şəhidlər, qazilər haqqında şeirlərinizi yazırsınız. Yəni siz öz mövzusu olan şairsiniz və bunu yazıçı, şair üçün önəmli sayıram. Siz şəhid analarnın dilindən yazdığınız şeirlərdə xalqımzın böyük kədəri, eyin zamanda, qüruru, dəyanəti, əyilməzliyinin bədii ifadəsini verirsiniz. Bəzən tədbirlərdə, müxtəlif yazılarda sizə Güləmail Ana deyə müraciət olunduğunu görürəm və haqlıdırlar. Çünki siz öz şeirlərinizdə bütün Azəraycan analarının sözçüsü kimi çıxış edirsiniz. Sizin şeir və poemalarınızın daha bir diqqətçəkən tərəfi ümumtürk dünyasına bağlılığınızdır. Biz gənc olanda ən adi bir türk sözünü işlətmək belə qəti yasaq idi. Hamının başı üstündə pantürkist damğası təhlükəsi var idi. İndi bu qorxulu yasaqlar, qadağalar aradan qaldırılıb və türk xalqlarının vahid mədəni birliyinə qayııdış prosesi başlayıb”.

Qazax Rayon İcra Hakimiyyətinin başçısıRəcəb Babaşovgiriş sözü ilə çıxış edərək iştirakçıları salamlayıb, yubilyarın ünvanına səmimi ürək sözlərini səsləndirib, cansağlığı və yeni yaradıcılıq uğurları arzulayıb. Azərbaycan Yazıçılar Birliyinin rəhbərliyinə qazaxlı şair Güləmail Muradın 75 illik yubiley tədbirinin keçirilməsinə görə razılığını ifadə edib.İcra başçısıAzərbaycanın şairlər və aşıqlar yurdu olan, poeziyamıza dəyərli söz sənəti inciləri bəxş etmiş qədim Qazax elində yubiley tədbirlərinin keçirilməsinin bir ənənə halını aldığını söyləyib. Rayon rəhbəri yubilyarın 2016-cı ilin Aprel döyüşlərinə həsr olunmuş kitabı yazmaqla Vətən həsrətini, doğma torpaqlarımızın niskilini çəkdiyini sözlərin dili ilə oxucularına çatdırdığını vurğulayıb Onlarla kitabın müəllifi olan şairin vətənpərvərlik mövzusunda yazdığı şeirləri, xüsusilə də şəhidlərimizə, Aprel döyüşlərinə, 44 günlük Vətən müharibəsi qəhrəmanlarına yazdığı kitablarla gənc yazarlara örnək olduğunu qeyd edib. Rayon rəhbəri Vətəni bütöv edən qəhrəmanlarımıza, şəhidlərimizə həsr etdiyi şeirlərə, saysız-hesabsız kitablara görə bir daha razılığını ifadə edib, bu cür kitabların davamlı olmasını arzu edib.

Azərbaycan Yazıçılar Birliyinin Qazax bölməsində ədəbi məsləhətçi Mustafa Rasimoğlu, Ağstafadan qonaq gəlmiş AYB üzvü Bəyaz Əliyeva,qazaxlı yazarlardan Gülsənəm Cəlilli, Tamella Poladlı, Səhlədar Hidayətoğlu çıxış edərək tədbir iştirakçılarını salamlayıb, sazın, sözün beşiyi sayılan Qazaxda şair-publisist Güləmail Muradın 75 illik yubiley tədbirində iştirak etməkdən məmnun olduqlarını söyləyib, yubilyara təbriklərini, ürək sözlərini çatdırıblar. Qələmə aldığı şeirlərində, yazılarında hər zaman Vətəni, müstəqil, suveren Azərbaycanı tərənnüm edən şairəyə yeni yaradıcılıq uğurları və cansağlığı arzulayıblar.

Gənc AşıqSamir Cəlaloğlu, Aşıq Saqif Məzəmli Güləmail Muradın qələmə aldığı şeirləri saz havası üstə səsləndirərək yubilyara olan təbriklərini çatdırıblar.

Şair, AYB üzvü, Rüfət Axundlu şairənin “Şəhid anasıyam”, BDU Qazax filialında Turizm fakültəsinin tələbəsi Məhəmməd Aslanbəyli şairənin “Türkü Şuşaya çağırdı”, Azərbaycan dili və ədəbiyyatı fakültəsinin tələbəsi Tərlan Aslanlı şairənin “Baba Heydərim” şeirini səsləndiriblər.

“BABA HEYDƏRİM”

Gözlərin mavidir, sanki bir dəniz,

Bir sonsuz ümmansan, Baba Heydərim

Sənsən millətimə əzizdən əziz,

Doğma, mehribansan, Baba Heydərim!

Qorqud ölkəsinin baharısan sən,

Babəklər, Nəbilər diyarısan sən!

Cavanşir yurdunun vüqarısan sən!

İgid, qəhrəmansan, Baba Heydərim!

Hər şah gedişinə mat qaldı fələk!

Kəsmədi önünü min fitnə, kələk!

Sinəmdə döyünən ürəksən, ürək!

Damarımda qansan, Baba Heydərim!

Sevdin doğmasını, sevdin yadını,

Verdin millətinə könül odunu!

Yazdın tarixlərə xalqın adını,

Tarxisən, zamansan Baba Heydərim!

Haqqın, ədalətin tərəfisən sən,

İlhamtək oğulun sələfisən sən!

Bilgə xaqanların xələfisən sən,

Bilgəsən, xaqansan, Baba Heydərim!

Heykəlin ucalır bu gün hər yanda,

Cismin torpaqdadır, sən asimanda!

Çox şahlar, xaqanlar görən cahanda,

Özün bir cahansan, Baba Heydərim!

Göylərə baş vuran bir qoca dağsan,

Əbədi gül açan bağçasan, bağsan!

Naxçıvan, Qazaxsan, sən Qarabağsan,

Sən Azərbaycansan, Baba Heydərim!

Tədbirdə yubilyara Qazax Rayon İcra Hakimiyyəti başçısının Fəxri Fərmanı təqdim edilib.

Yubilyar Güləmail Murad çıxış edərək ona göstərilən diqqətə, qayğıya, poeziyamıza, ədəbiyyatımıza, şairlərə, yazarlara göstərilən qayğıya, verilən dəyərə görə başda ölkə Prezidenti İlham Əliyev olmaqla, rayon rəhbərliyinə, əziyyəti keçən insanlara öz adından və ailəsi adından minnətdarlığını bildirib. Bugünkü yubiley tədbirinin təşkilinə görə razılığını ifadə edən yubilyar özünün timsalında şairlərə olan qayğı, ayrılan diqqət kimi dəyərləndirib. Ünvanına xoş sözlər söyləyən, onu təbrik edən hər kəsə səmimi arzularını çatdırıb. Doğma Qazaxı ilə qürur duyduğunu söyləyən Güləmail Murad bundan sonra da Vətən, yurd, el-oba ruhlu, şəhidlərimizi, igid Vətən oğullarını vəsf edən şeirləri ilə oxucularının könlünü oxşayacağını söyləyib. Yubilyar qələmə aldığı “Qazaxım” və digər şeirlərini səsləndirməklə onu təbrikə gələnlərə təşəkkürünü ifadə edib.

Məlumat üçün qeyd edək ki, şai­r-pub­li­sist Güləmail Murad(Gü­lə­ma­yıl Nov­ru­zə­li qı­zı İsayeva) 1950-ci ildə Qa­zax ra­yo­nu­nun (in­di­ki Ağs­ta­fa) Sa­dıq­lı kən­din­də dün­­ya­­ya göz açıb. Bö­yük Kə­sik kənd mək­­tə­bi­ni 1968-ci il­də fərq­lən­mə at­tes­ta­tı ilə bi­ti­rib və hə­min il də Neft-Kim­­ya İns­titu­tu­nun (in­diki Az­ər­bay­can Döv­lət Neft və Sə­na­ye Uni­­ver­si­te­ti­nin) neft-mədən fa­kül­tə­si­nə daxil olub. Nümunəvi tələbə kimi Tələbə Elmi Cəmiyyətinə üzv seçilib.

Bə­dii ya­ra­dı­cı­lı­ğa or­ta mək­təb il­lə­­rin­dən baş­la­sa da, ilk mət­bu şei­ri 1969-cu il­in sonlarında Neft-Kim­ya İns­ti­tutunun “Neft kad­rı uğu­run­da” qə­ze­tin­də dərc edi­lib. İlk el­mi mə­qa­lə­si də hə­min qə­zet­də işıq üzü görüb. O mə­qa­lə­yə gö­rə mü­ka­fa­ta la­yiq gö­rü­lüb. İlk qo­na­ra­rı da or­adan alıb. 1973-cü il­də ali təh­si­li­ni ta­mam­la­yıb və əmək fəa­liy­yə­ti­nə baş­la­yıb. Ali də­rə­cə­li mü­hən­­dis-mü­əl­lim­dir.

Uzun müd­dət Gür­cüs­tan Res­pub­li­ka­sında öz ixtisası üzrə iş­lə­yib (1974-1991). Son­ra Ba­kı­ya köçüb və müxtəlif elm-təhsil müəssisələrində ali də­rə­cə­li mü­hən­dis-mü­əl­lim kimi fəaliyyət göstərib. Azərbaycan Dövlət Neft və Sənaye Universiteti nəzdindəki Neft-Energetika Kollecində ixtisas fənnindən dərs deyib (2016-cı ilə).

Gü­lə­ma­il Mu­rad ədə­bi ic­ti­maiy­yə­tin ma­raq­la qar­şı­la­dı­ğı “Gül­düm göy­nə­yə-göy­nə­yə” (2002), “Sən­li-sən­siz” (2006), “Ge­cə­lər ul­­duz­­lar üs­tü­mə tö­kü­lür” (2007), “Qa­ra­bağ ha­ra­yı” (2009), “An­­a­sız­lıq fər­­ya­dı” (2010), “Qə­lə­mim əlim­də lə­lək­dən idi” (2010), “Yaz­ma­dıq­la­rım qa­pı­mı dö­­yür” (2012), “Və­tən sağ ol­sun!” (2012), “Ba­la­ca müd­rik” (2013), “Sevgi dastanı” (fransızca 2013), “Dostluq körpüsü” (ingilis və ərəbcə, 2013), “Dağ­­lar­da şə­hid sə­si” (2014), “Gü­nəş qü­rub edən­də” (2015), “Bir dam­la yaş” (2016), “Ru­hu­mun qa­nad­la­rı” (2016), “Qa­yı­dış” (2017), “Ap­rel dö­yüş­lə­ri” (2018), “Yad­daş­lar­dan gə­lən səs­lər” (2018), “Qəh­rə­man­lıq yük­sək­li­yi” (2018), “Ap­rel dö­yüş­lə­ri” - ti­rilo­gi­ya (2018), “Yaddaşlardan gələn səslər” (2018), “Gün­nüt zə­fə­ri“ (2019), “Ca­nı­nı Və­tə­nə sərhəd elə­di...” (2019), “Zə­ka çı­ra­ğı” (2019), “Mən bu­lud göz­lü, sən ya­ğış “ (hay­ku və va­ka­lar, 2019), “Dö­yüş yol­la­rı” (2020), “”Aku­la” lə­qəb­li kəş­fiy­yat­çı” (2021), “To­vuz döyüş­lə­ri” (2021), “Zə­fər­na­mə” (2021), “Və­tən uğ­run­da” (2021),” Boyevıye doroqi” (2022), “Qü­rur das­ta­nı” (2022), “Nuru Paşa dastanı” (2022), “Cən­nə­tim Şu­şa” (2022), “Ka­dir­li­də 4 gün” (2022), “Də­də Anar das­ta­nı” (2023), “Sən Azərbaycansan”, ”Ağdam kəndi-Qəhrəmanlar diyarı” (2023), “Teymurun səsi” (2023), “5 Ulduz” və seçilmiş əsərləri (2024) ki­tab­la­rı­nın mü­əl­li­fi­dir.

Şe­ir­lə­ri bir ne­çə xa­ri­ci di­lə tər­cü­mə edi­lib və kitab şəkilində çap olunub. “Qa­ra­bağ fərya­dı” (türk­cə, 2010), “Sev­gi das­ta­nı” (fran­sız­ca, 2013), “Dost­luq kör­pü­sü” (in­gi­lis­cə və ərəb­cə, 2013) və “Dö­yüş yol­la­rı” (rus di­lin­də, 2022), “Nuru Paşa dastanı” (dörd dilə tərcümə edilb, 2023)”, ”Sən Azərbaycansan” (2023 (4 dildə), “Dədə Anar dastanı” (2023”, “Kadirlidə 4 gün (özbək və azərbaycanın türkcəsi dilində), ”Teymurun səsi”(2023), “Ağdam kəndi-Qəhrəmanlar diyarı” (2023), “Beş Ulduz” (2024) və “ Seçilmiş əsərlər” (2024) kitabları, müəllifini ölkəmizin hüdudlarından kənarda da tanıtdırıb. Söz­­lə­ri­nə mah­nı­lar, hər­bi marş­lar bəs­tə­lə­nib.

Ən böyük uğurlarından biri hayku və vakalardan ibarət “Mən - bulud gözlü, sən - yağış” kitabıdır. Azərbaycan ədəbiyyatında ilk xanım yazardır ki, yapon janrı olan haykuda - 3 misra və 17 hecada on bəndlik şeirdə söylənə biləcək sözünü deyə bilir. Vakaları, tankaları da eynilə...

Azər­bay­can Ya­zı­çı­lar Birliyi və Jur­na­list­lər İttifaqının, Res­­pub­li­ka Qa­dın­lar və Dünya Türk Qa­dın­ları Cə­miy­yə­ti­nin üz­vü­dür. Dün­ya Azər­­bay­can­lı­la­rı­nın Mədəniyyət Mər­kə­zi­nin İda­rə He­yə­ti­nə üzv və həmin Mərkəzin Qa­dın­lar Şu­­ra­sı­na sədr müa­vi­ni se­çi­lib ( 2007).

Av­ra­si­ya Sa­nat Kül­tür Ede­biy­at və Bi­lim Fe­de­ras­yo­nu­nun, Qa­za­xıs­tan-Azər­bay­can Dost­luq Cə­miy­yə­ti­nin üz­vü­dür.

İran İs­lam Res­pub­li­ka­sı Bey­nəl­xalq şe­ir fes­ti­va­lı­nın lau­rea­tı ol­ub. Fəxri diplom və ödüllərlə təltif olunub. 2006-cı il­də “Sən­li-sən­siz” şe­ir ki­ta­bı “İlin li­ri­ka ki­ta­bı” fəx­ri dip­lo­mu­na, yaradıcılığı “Os­kar-Ozan” Mü­ka­fa­tı Fəx­ri Dip­lo­muna (2009), Es­ki­şe­hir Şairlər Dər­nə­yi­nin “Onur Bel­ge­si” dip­lo­mu­na (2010), “Dost­luq kör­pü­sü” ki­ta­bı­na gö­rə Mi­sir Mə­də­niy­yət Mər­kə­zi tə­rə­fin­dən Fəx­ri Fər­ma­na (2010) və Tə­şək­kür­na­mə­yə (2012), bir çox əsəri Gür­cüs­ta­nın Qar­da­ba­ni şə­hər 3 say­lı mək­tə­bi­nin Fəx­ri Fərmanı­na (2011) və Ağs­­ta­fa ra­yon Mə­də­niy­yət və Tu­rizm şö­bə­si­nin Fəx­ri Fərmanı­na (2012) la­yiq gö­rü­lüb.

17 okt­yabr 2012-ci il­də Azər­bay­can Sər­həd Xidməti­nin 93-cü il­dö­nü­mü­nə həsr olun­muş mü­sa­bi­qə­nin ədə­biy­yat no­mi­na­si­ya­sı üzrə Azər­bay­ca­nın Mil­li Qəh­rə­ma­nı El­dar Ha­run oğ­lu Məm­mə­do­vun xa­ti­rə­si­nə ya­zıl­mış “Qəh­rə­man­lıq dər­si” he­ka­yə­si 2-ci ye­ri tu­tub, müka­fat və Fəx­ri Dip­lom­la təl­tif edil­ib.

Vətənpərvərlik mövzusunda şeir müsabiqəsinin qalibi, ADSO Xidmətinin keçirdiyi müsabiqənin, Az.TV-nin keçirdiyi Vətənpərvərlik mövzusunda ilin ən yaxşı şeiri müsabiqəsinin lauratı olub.

Azər­bay­ca­nın Mil­li Qəh­rə­ma­nı Ra­fiq Alı­ca­no­va həsr edil­miş “Və­tən sağ ol­sun” ki­ta­bı­na gö­rə H.B.Zər­da­bi dip­lo­mu­na la­yiq gö­rü­lüb. Hə­min ki­tab əsa­sın­da çə­kil­miş sə­nəd­li fil­mə gö­rə 2017-ci il­də Azər­bay­can Res­pub­li­ka­sı Ve­te­ran­lar Təş­ki­la­tı tərəfindən “Ge­ne­ral Əlia­ğa Şıx­lins­ki” yu­bi­ley me­da­lı ilə təl­tif olun­muş­dur. “Və­tən­pər­vər­lik işin­də xid­mət­lə­ri­nə gö­rə” me­dala (2018), Azərbaycan Ordusunun yaranmasının 100 illiyi münasibətilə təsis edilmiş “Mil­li Or­du-100” me­da­lına və “Fa­şiz­m üzə­ri­ndə qə­lə­bə­mi­zin 75 il­liyi” me­da­lına layiq görülüb.

Xo­ca­lı soy­qı­rı­mı­nın təb­liğ edil­mə­sin­də və gənc nəs­lin və­tən­­pər­vər ruh­da tər­bi­yə olunma­sın­da fə­al iş­ti­rak et­di­yi­nə gö­rə Fəx­ri Fər­man­la təl­tif olu­­nub (2017).

Ap­rel dö­yüş­lə­ri­nə həsr olun­muş “Qa­yı­dış” ki­ta­bı­na gö­rə Azər­bay­can Ya­zı­çı­lar Bir­li­yi tərəfindən Fəx­ri Fər­ma­na la­yiq görülüb (2017).

AS­KEF-Av­ra­si­ya Sa­nat Kül­tür Ede­bi­yat və Bi­lim Fe­ders­yo­nu­nun üz­vü, ey­ni za­man­da, Fəx­ri dip­lom­çu­su­dur.

“De­mok­ra­tik Cə­miy­yət və Qa­dın Hü­quq­la­rı­nın Mü­da­fiə­si” İc­ti­mai Bir­li­yi Və­tən­pər­vər­lik təb­li­ğa­tın­da fə­al iş­ti­ra­kı­na gö­rə onu Fəx­ri Fər­man təltif (2022) edib. Ulus­larara­sı Ka­dir­li Türk Dün­ya­sı Kül­tür ve Sa­nat Fes­tivalı KA­TIL­MA BEL­GE­Sİ (2022), Kaya Haber Ajansı Okurlarına Görə Yılın “Edebiyat Oskarı” mükafatına layiq görülüb.

Döv­ri mət­bu­at­da xü­su­si olaraq fərq­lən­di­yi­nə gö­rə “Qaf­qaz-Me­dia” İc­ti­mai Bir­li­yi və ASKEF-in Mil­li Mət­bu­at Gü­nü mü­na­si­bə­tilə “Us­tad Qə­ləm Sa­hi­bi” dip­lo­mu ilə (2017), Dün­ya Ozan­lar, Şa­ir­ler və Ya­zar­lar Der­neyinin (Bur­sa) “Onur Bel­ge­si” (2022) ilə təltif olunub.

BMT ya­nın­da Ümum­dün­ya Sülh Fe­de­ra­si­ya­sı­nın üz­vü, Sülh Sə­fi­ri­dir (2017).

Ya­ra­dı­cı­lıq uğur­la­rı­na gö­rə “Xarı­bül­bül” poe­zi­ya dip­lo­mu ilə təl­tif olu­nub.

Türk­men Ede­biy­at­çı və Ya­zar­lar Bir­li­yi­nin (2016)üzvü. İLE­SAM (Tür­ki­ye İlim və Edebiyat Ese­ri Sa­hip­le­ri Mes­lek Bir­li­yi­nin (2017) üzvü. “İrak Türk­mən Edebiy­at­çı­lar Ör­gü­tünün (2018) üz­vü­dür.

Bey­nəl­xalq “Rə­sul Rza” ədə­bi mü­ka­fa­tı­na la­yiq gö­rü­lüb (2013).

İs­tan­bul­da “Şi­ir Fır­tı­na­sı”nın iş­ti­rak­çı­sı ol­ub və “Türk kül­tü­rü­ne, Türk Edebiy­­a­­tı­na ver­miş ol­du­ğu hidzmet­leri­nden dolayı” fəx­ri dip­lomu ilə mü­ka­fat­lan­dı­rı­lıb (2014). Azər­bay­can Sər­həd Xidməti­nin 102-ci ildö­nü­mü mü­na­si­bə­ti­lə “Zə­fər yü­rüş­lü sər­həd­çi­lər” mövzusunda keçirilən müsabiqədə ədə­biy­yat no­mi­na­si­ya­sı üz­rə bi­rin­ci yeri tut­muş və I də­rə­cə­li Dip­lom ilə təl­tif olun­muş­dur.

27 avqust 2023-cü ildə Qala gecəsində ilin peşəkar yazarı nominasiyasında mükafat və “Trend Of The Year” 2023 layihəsində peşakar TREND yazar adı alıb.

Türk Dünyası Araşdırmaları Uluslararası İlimler Akademisi (Ankara) tərəfindən “Türk Dünyası Edebiyatına Üstün Hizmetlerinden Dolayı Altın Madalya” ilə (2023) dəyərləndirilmişdir. Səməd Behhrəngi adına Fəxri Fərmana (2023) layiq görülüb.

37. Uluslararası Türk Dünyası Kültür Sanat Şöləni Bursa katılması münasibətilə təşəkkürnamə (2024) ALIB.

Azərbaycan Yazıçılar Birliyi Hər­bi-Və­tən­pər­vər­lik Ko­mis­si­ya­sı­nın üz­vü­dür. Yeni Azərbaycan Partiyasının üzvüdür. Pre­zi­dent tə­qa­üd­çü­sü­dür. Ha­zır­da Azər­bay­can Yazıçı­lar Bir­li­yi­nin əmək­da­şı­dır.