"Gəncdən gəncə" silsilə fəaliyyətləri davam edir

Gənclərin İnkişaf və Karyera Mərkəzinin Qazax nümayəndəliyinin "Gəncdən gəncə" silsilə fəaliyyətləri davam edir. 

Bu dəfə 10 dekabr - Beynəlxalq İnsan Hüquqları Günü ilə əlaqədar Bakı Dövlət Universitetinin Qazax filialının tələbəsi, mərkəzin fəal gənci Rahib Alıyev tərəfindən "İnsan hüquqlarının tarixi" mövzusunda təqdimat həyata keçirilib.

Təqdimat aşağıdakı başlıqları əhatə edib: 

 - "İnsan hüquqları" dedikdə nə nəzərdə tutulur?;

 - İnsan hüquqlarının tarixi və qəbul olunmuş əsas qanunlar;

 - Gənclər və insan hüquqları;

 - Qarşılaşacağımız hüquq pozuntuları zamanı nə etməli?;

 - İnsan hüquqlarının müdafiəsi mexanizmləri. 

Diskussiya şəraitində keçən təqdimatda gənclərin sualları cavablandırılıb.