"Qonağımız var" layihəsi davam edir

Gənclərin İnkişaf və Karyera Mərkəzinin Qazax nümayəndəliyinin təşkilatçılığı ilə keçirilən "Qonağımız var" layihəsi davam edir. 

Layihə çərçivəsində növbəti onlayn görüşün qonağı Azərbaycan Yazıçılar Birliyinin sədr müavini, "525-ci qəzet"in baş redaktoru Rəşad Məcid olub.

Qonaq görüşdə həyat və yaradıcılığı barədə iştirakçılara ətraflı məlumat verib, eləcə də gənclərlə müasir Azərbaycan ədəbiyyatı barədə fikir mübadiləsi aparıb. Eyni zamanda müxtəlif mövzularda qələmə aldığı şeirlərini səsləndirib. 

R.Məcid bu kimi görüşlərin gənclərin bədii zövqünün formalaşmasında böyük önəm daşıdığını vurğulayıb. O, həmçinin gənclərə mütaliə ilə bağlı tövsiyələr verib, onların suallarını cavablandırıb.

Gənclərdən Sübhan Məbudzadə şairin şeirlərini səsləndirib. 

GOYEZEN.AZ