Əsas Səhifə > Təhsil > Qazaxlı məktəblilər “Ölkəmizi tanıyaq” tur-aksiya çərçivəsində
Qazaxlı məktəblilər “Ölkəmizi tanıyaq” tur-aksiya çərçivəsində12-11-2016, 08:02 |
![]() Ölkəmizin tarixinin, mədəniyyətinin, adət-ənənələrinin, müstəqillik illərində əldə edilmiş nailiyyətlərinin dərindən öyrənilməsi məqsədilə respublikamızın müxtəlif şəhər və rayonlarında yaşayan gənclərin digər bölgələrə səyahətlərinin təşkilinə dair Azərbaycan Respublikasının Prezidenti İlham Əliyevin tapşırığına əsasən IX-XI sinif şagirdlərini əhatə edən “Ölkəmizi tanıyaq” devizi altında maarifləndirici tur-aksiyaların keçirilməsinə başlanılıb.
![]() Aksiya çərçivəsində ölkə gəncləri bölgələrin qədim tarixi, mədəniyyət abidələri, regionlarımızın müasir simasını əks etdirən Heydər Əliyev Mərkəzləri, tarix-diyarşünaslıq muzeyləri, gənclər mərkəzləri, Bayraq meydanları, rəsm qalereyaları və s. obyektlərlə tanış olacaqlar. ![]() Bu gəzintilər ölkəmizin tarixini dərindən öyrənməklə yanaşı, gənclərimizə ümummilli lider Heydər Əliyevin rəhbərliyi ilə milli dövlət quruculuğu sahəsində görülmüş işlərlə, Azərbaycan Respublikasının Prezidenti İlham Əliyevin həyata keçirdiyi dinamik sosial-iqtisadi inkişafla hər bir şəhər və rayonun nümunəsində tanış olmaq imkanı yaradıb. ![]() GÖYƏZƏN.AZ saytının verdiyi məlumata görə bu gün məktəblilərin payız tətili ilə əlaqədar şagirdlərin yenidən ölkənin regionlarına səfərləri başlayıb. Tur-aksiya çərçivəsində Qazax məktəbliləri səhər saatlarında Heydər Əliyev adına parka toplaşıblar. Burada onlar ulu öndər Heydər Əliyevin xatirəsini anaraq abidəsi önünə gül-çiçək dəstələri qoyublar. ![]() Sonra məktəblilər parkdan Lənkərana yola düşüblər. Rayonumuzun müxtəlif məktəblərindən olan 40 nəfər şagird Lənkəran, Masallı və Astaranın gəzməli, görməli, tarixi yerlərinə səfər edəcəkdir. Noyabrın 12-dən 15-nə qədər davam edəcək səfər çərçivəsində bölgə ilə əyani tanışlıq, tarixi yerlərə ekskursiya olacaqdır. ![]() Məktəblilər cənub bölgəsi ilə yaxından tanış olmaqla, rayonların sosial, mədəni həyatı barədə əyani şəkildə məlumatlandırılacaqlar. Tur-aksiya şagirdlərə ölkə barədə ətraflı məlumat qazandırmaqla yanaşı, eyni zamanda, məktəblilər arasında əlaqələrin qurulması və dostlar qazanmaq imkanı da yaradır. Məktəblilər bu gün axşam saatlarında cənub regionunda olacaqlar. Geri qayıt |