Əsas Səhifə > Səhiyyə > Qazaxda aktiv koronavirus xəstələrinin karantin qaydalarını pozması hallarına qarşı mübarizə tədbirləri davam etdirilir

Qazaxda aktiv koronavirus xəstələrinin karantin qaydalarını pozması hallarına qarşı mübarizə tədbirləri davam etdirilir


5-12-2020, 14:59


Respublikamızın hər yerində olduğu kimi, Qazaxda da koronavirus infeksiyasının yayılmasının qarşısının alınması məqsədilə Azərbaycan Respublikası Nazirlər Kabinetinin - 451 nömrəli, 19 noyabr 2020-ci il tarixli qərarına əsasən elan edilmiş xüsusi karantin rejiminin tələblərinə ciddi əməl olunması istiqamətində mübarizə tədbirləri davam etdirilir. Qazaxda aktiv koronavirus xəstələrinin karantin qaydalarını pozması hallarına qarşı mübarizə tədbirləri gücləndirilib.
Rayonda daha bir karantin rejiminin pozulması halı müəyyən edilib ki, aidiyyəti orqanlar tərəfindən lazımi tədbirlər görülüb. Belə ki, Qazax rayon sakini Axundov Sabir Cavad oğlu COVID-19 virusu ilə bağlı verdiyi testin nəticəsinin pozitiv olmasını bilə-bilə xüsusi karantin rejiminə əməl edərək həmin müddəti evdə keçirməli olduğu halda, 04.12.2020-ci il tarixdə yaşadığı evi qanunsuz tərk etməklə epidemiya əleyhinə, eləcə də karantin rejimini kobud surətdə pozub yeni növ koronavirus infeksiyasının yayılması üçün real təhlükə yaradıb.
Faktla bağlı Qazax Rayon Prokurorluğunda Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanıb. Cinayət işi istintaqın aparılması üçün aidiyyəti üzrə rayon Polis Şöbəsinə göndərilib. Hazırda qeyd edilən iş üzrə zəruri istintaq hərəkətləri davam etdirilir.
GOYEZEN.AZ


Geri qayıt