Qazaxda səhiyyə işçiləri ümummilli liderin xatirəsini yad ediblər

Qazax rayon Mərkəzi Xəstəxananın və Müalicə Diaqnostika Mərkəzinin kollektivi Heydər Əliyev Mərkəzində ulu öndərin anadan olmasının 94-cü ildönümünə həsr olunmuş “Açıq qapı” günlərində iştirak ediblər.

Tədbir iştirakçıları əvvəlcə ulu öndərin abidəsi önünə gül dəstələri qoyaraq əziz xatirəsini yad ediblər.

Tədbir iştirakçıları mərkəzdə müasir Azərbaycanın qurucusu və memarı olan dahi şəxsiyyətin həyat və siyasi fəaliyyətindən bəhs edən filmə baxıblar.


Sonra tədbir Müalicə Diaqnostika Mərkəzində davam etdirilib. Mərkəzi xəstəxananın baş həkimi Arzu Novruzov, Müalicə Diaqnostika Mərkəzinin baş həkimi Kamandar İbrahimov, "Göyəzən" qəzetinin baş redaktoru Elçin İsmayıl, mərkəzin ilk həmkarlar təşkilatının sədri Arzu Mirzəliyeva çıxış edərək ümummilli liderin səhiyyə sahəsində göstərdiyi misilsiz xidmətlərdən, tibb işçilərinə olan diqqət və qayğısından danışıblar.




Sonda tədbir iştirakçıları ümummilli liderin yubileyi ilə bağlı təşkil olunmuş kitab sərgisi ilə tanış olublar.