Agentlik sədri Qazaxda vətəndaşları qəbul edib
19-04-2024, 21:58
Aprelin 19-da Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin İdarə Heyətinin sədri Mustafa Abbasbəyli Qazax rayonunda vətəndaşları qəbul edib.
Qəbulda Qazax və ətraf rayonların sakinlərinin işlə təminat, özünüməşğulluq proqramından yararlanma və qurumun fəaliyyətinə dair digər məsələlərlə bağlı müraciətləri səsləndirilib. M.Abbasbəyli vətəndaşların sosial vəziyyəti ilə maraqlanıb, müraciətlər üzrə sualları cavablandırıb.
Araşdırma tələb edən məsələlərin həll edilməsi ilə bağlı müvafiq tədbirlərin görülməsinə başlanılıb.
Geri qayıt