Həftə ərzində idarə, müəssisə, təşkilat və xidmət sahələrinə müraciət etmiş vətəndaşların istəkləri dinlənilib

Prezident İlham Əliyevin, Birinci vitse-prezident Mehriban Əliyevanın bütün sahələrdə vətəndaş amilini, vətəndaş məmnunluğunu əsas götürməsi bir daha onu təsdiqləyir ki, bu sahə dövlət siyasətinin prioritet istiqamətidir. Bu, eyni zamanda hər bir dövlət məmuruna nümunədir.  

Qazax Rayon İcra Hakimiyyətinin başçısı Rəcəb Babaşov tərəfindən şəhər və kəndlərdə sakinlərlə keçirilən görüşlər zamanı səslənən müraciətlərə operativ şəkildə baxılması, vətəndaşların yaşadığı ünvandan asılı olmayaraq istəyinə əsasən yerində baxış keçirilməsi, qaldırılan məsələlərin həlli istiqamətində yerindəcə tapşırıq verilməsi, vətəndaşların ərizə və müraciətlərinə əsasən keçirilən qəbullar onu deməyə əsas verir ki, vətəndaş məmnunluğuna hər zaman önəm verilir. Vətəndaşların fərdi və ya ümumi şəkildə qəbul edilməsi bu məqsədə xidmət edir.

Qazaxda ölkə Prezidentinin, eləcə də rayon rəhbərliyinin vətəndaş amilini əsas götürməsi hər bir dövlət məmuruna örnəkdir. Qazax Rayon İcra Hakimiyyəti ilə yanaşı, rayonda fəaliyyət göstərən idarə, müəssisə, təşkilat və xidmət sahələri tərəfindən də vətəndaşlar qəbul olunur, müraciətləri dinlənilir. Ölkə Prezidentinin, rayon rəhbərliyinin vətəndaşlara olan münasibətini əldə rəhbər tutan idarə, müəssisə, təşkilat və xidmət sahələri rəhbərləri öz işlərində dövlət-vətəndaş münasibətlərinin qorunmasını, dövlətin, ölkə rəhbərinin vətəndaşa olan qayğısını olduğu kimi çatdırmağı əsas götürürlər. Bunu həftə ərzində edilən müraciətlərdən və həlli istiqamətində görülmüş işlərdən də aydın şəkildə görmək olur.

Bu həftə ərzində rayon üzrə 20 idarə və müəssisədən 12-nə müxtəlif mövzularla bağlı vətəndaş müraciəti olub. Ümumilikdə, 234 nəfər vətəndaş qəbul edilib. Onlardan 149 nəfərin müraciəti müsbət həll olunub, 85 nəfərin müraciəti isə qanunamüvafiq qaydada cavablandırılıb.

Qazax Rayon Mərkəzi Xəstəxanasına həftə ərzində 9 nəfər vətəndaş müraciət edib. Onlardan 1 nəfər sənədlə, 6 nəfər digər xəstəxanalara göndərişlə, 2 nəfər əllliklə bağlı müraciət etdiyini bildirib. Bütün müraciətlər yerində həll edilib.

Qazax Müalicə Diaqnostika Mərkəzinə həftə ərzində müraciət etmiş 1 nəfərin müayinə, 7 nəfərin xəstəliklə bağlı, ümumilikdə 8 nəfər vətəndaşın istəyi təmin olunub.

Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Publik Hüquqi Şəxsin 1 saylı Qazax-Tovuz Regional Filialının Qazax Rayon Qəbul Şöbəsində həftə ərzində 136 nəfərin müxtəlif səpkili müraciəti dinlənilib. Onlardan 99 nəfərin istəyi müsbət həll edilib, 37 nəfərə isə qanunamüvafiq qaydada izahat verilib.

Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Qazax-Tovuz Regional Məşğulluq filialına həftə ərzində 59 nəfər müxtəlif mövzularla müracət edib ki, onlardan 22 nəfərin istəyi müsbət həll edilib, 37 nəfərə isə qanunamüvafiq qaydada izahat verilib.

"Aztelekom” MMC-nin Qazax Telekommunikasiya Qovşağına həftə ərzində müraciət etmiş 2 nəfər vətəndaşın internet və telefon xəttinin çəkilişi ilə bağlı istəyi müsbət həllini tapıb. 

"Azərpoçt” MMC-nin Qazax Poçt filialına həftə ərzində müraciət edən 2 nəfər vətəndaşın saxlanca düşən maneqramla, 1 nəfər vətəndaşın sifarişli məktubla bağlı istəyi müsbət həll olunub.

8 nömrəli Regional Sukanal İdarəsinin Qazax Sukanal Sahəsinə müraciət etmiş 5 nəfər vətəndaşın kanalizasiya və su xəttindəki qəza, artıq gedən sərfiyyatla bağlı istəkləri müsbət həll edilib.

Qazax-Tovuz Regional Təhsil İdarəsinin Qazax rayonu üzrə Təhsil Sektoruna həftə ərzində müraciət etmiş 5 nəfər vətəndaşın işlə təmin olunma, dərs yükünün az olması, yaş həddi çatdığına görə yenidən müqavilə bağlanması ilə bağlı müraciəti qanunamüvafiq qaydada cavablandırılıb.

Şəmkir Regional Qaz İstismar İdarəsi Qazax Xidmət Sahəsinə debitor borc barədə müraciət etmiş 1 nəfər vətəndaşa qanunamüvafiq qaydada izahat verilib.

Qazax Elektrik Şəbəkəsində həftə ərzində müraciət etmiş 2 nəfər vətəndaşın ad dəyişmə, 1 nəfər vətəndaşın işə qəbul, 1 nəfər vətəndaşın elektrik gərginliyinin zəif olması ilə bağlı istəyinə müvafiq izahat verilib.

Qazax Dövlət Aqrar İnkişaf Mərkəzində 1 nəfər vətəndaşın günəbaxan sahəsinə subsidiya almaq üçün bəyan verilməsi ilə bağlı müraciəti dinlənilərək səbəbi ona qanunamüvafiq qaydada izah olunub.

Qazax Rayon Gənclər və İdman İdarəsinə həftə ərzində müraciət etmiş 1 nəfər vətəndaşın yarışlarda tutduğu yerlər barədə Qazax-Tovuz Regional Təhsil İdarəsinə arayış verilməsi ilə bağlı istəyi müsbət həllini tapıb.

Vətəndaşları dinləmək, həlli mümkün olan məsələlərdə dəstək olmaq, müvafiq izahat vermək, lazım yarandığı halda aidiyyəti təşkilatlar qarşısında məsələ qaldırmaq, bir sözlə, vətəndaş məmnunluğunu təmin etmək hər bir dövlət məmurunun vəzifə borcudur. Bu, Qazaxda həm rayon rəhbərliyi, həm də rayonda fəaliyyət göstərən idarə, müəssisə, təşkilat və xidmət sahələri rəhbərləri tərəfindən birmənalı şəkildə yerinə yetirilir. Bütün bunların arxasında isə dövlətin, ölkə rəhbərinin vətəndaşına olan qayğısı dayanır.

GOYEZEN.AZ