Qazaxda mədəniyyət işçiləri “Qarabağ Azərbaycandır!” Abidə Kompleksini ziyarət ediblər
Dünən, 20:29
2020-ci ilin payızında Azərbaycanın müasir tarixində yeni bir səhifə açıldı -Zəfər salnaməsi. Bu, yalnız hərbi qələbə deyildi – milli qürurun, dövlətçilik ideyalarının, Azərbaycan xalqının haqq səsinin dünyaya bəyanı idi. Biz həmin günləri unutmayacağıq. Çünki bu Zəfərin təməlində canını fəda edən şəhidlərimiz dayanır. Onların fədakarlığı tariximizin ən qürurlu günlərini, 44 günlük Zəfər sevincini bizə bəxş etdi.
Noyabrın 4-də Qazax rayon Mədəniyyət müəssisələrinin rəhbər və əməkdaşları 8 Noyabr – Zəfər Günü ərəfəsində 44 günlük Vətən müharibəsi qəhrəmanlarının xatirəsinə ehtiram əlaməti olaraq yaradılan “Qarabağ Azərbaycandır!” Abidə Kompleksini ziyarət ediblər.
Ziyarətçilər qəhrəman Vətən oğullarının adları, döyüş yolları əks olunan xatirə lövhələrinin önünə tər qərənfillər düzüb, əziz xatirələrini hörmət və ehtiramla anıblar.
Geri qayıt