Əsas Səhifə > Manşet / Sosial > Qazaxda icra başçısı yeni asfalt örtüyü döşənəcək küçələrə baxış keçirib -

Qazaxda icra başçısı yeni asfalt örtüyü döşənəcək küçələrə baxış keçirib -

Dünən, 19:41

Son illər Prezident İlham Əliyevin rəhbərliyi altında "Regionların sosial-iqtisadi inkişafı Dövlət Proqram”larının uğurlu icrası sayəsində ölkəmizin hər yerində genişmiqyaslı abadlıq və quruculuq işləri həyata keçirilməkdədir. Bunun bariz nümunəsini ölkə başçısının tapşırığına əsasən "Azərsu” ASC tərəfindən Qazax şəhərinin içməli su və tullantı su sistemlərinin yenidən qurulması layihəsinin icrasından sonra şəhərin prospekt və küçələrinin asfaltlanmasından, səkilərə yeni tamet, bardür düzülməsindən, qaz, elektrik, rabitə xətlərinin səliqəyə salınmasından aydın şəkildə görmək olur.

Təqdirəlayiq haldır ki, şəhərin Heydər Əliyev prospektində, bir neçə küçədə, eləcə də çoxmənzilli yaşayış binalarının həyətində abadlıq işləri aparılıb, asfalt örtüyü vurularaq "Abad məhəllə” kimi sakinlərin istifadəsinə verilib.

Rayonda aparılan abadlıq işləri uğurla davam etdirilir. Bu gün də şəhərin küçələrində, eləcə də çoxmənzilli yaşayış binalarının həyətində səliqə-sahman yaradılır, nəqliyyat vasitələrinin və vətəndaşların rahatlığını təmin etmək məqsədilə bir sıra işlər görülür.

Hazırda Qazax rayonunda daha 4 küçəyə yeni asfalt örtüyünün vurulması nəzərdə tutulmuşdur. Belə ki, şəhərin Nəsrəddin Tusi, şəhid Yunis Kazımov (Bakı küçəsindən M.Ə.Rəsulzadə küçəsinin kəsişməsinə kimi), Ağköynək kəndində Çərkəz İsmayılov və Cabir Hüseynov (Mehdi Hüseyn küçəsinin kəsişməsindən magistral yola kimi) küçələrinə yeni asfalt örtüyü döşənəcəkdir.

Dekabrın 25-də Qazax Rayon İcra Hakimiyyətinin başçısı Rəcəb Babaşov icra aparatının məsul əməkdaşları və digər aidiyyəti şəxslərlə birlikdə sözügedən küçələrdə olub, asfalt öncəsi hazırlıq işləri ilə bağlı fikirlərini bildirib. Rayon rəhbəri işlərin keyfiyyətlə aparılmasını qeyd edərək aidiyyəti üzrə müvafiq tapşırıqlarını verib.

Sakinlər tərəfindən razılıqla qarşılanan bütün bu işlərə görə ölkə Prezidenti İlham Əliyevə sonsuz minnətdarlıq ifadə olunur.

Nəsrəddin Tusi küçəsinin əvvəlki vəziyyəti