Əsas Səhifə > Manşet / Şəhidlər > Milli Qəhrəman Aqil Musayevin doğum günü qeyd olunub

Milli Qəhrəman Aqil Musayevin doğum günü qeyd olunub


3-11-2017, 16:49
Milli Qəhrəman Aqil Musayevin doğum günü qeyd olunub
Bu gün yaşasaydı Azərbaycanın Milli Qəhrəmanı Aqil Hüseyn oğlu Musayevin 43 yaşı tamam olacaqdı. Qazax rayonunda bununla əlaqədar tədbir keçirilib.

Şəhidlər Xiyabanında keçirilən tədbirdə rayon İcra Hakimiyyəti Aparatının məsul işçiləri, idarə, müəssisə və təşkilat rəhbərləri, Milli Qəhrəmanın doğulduğu Aşağı Əskipara kənd sakinləri, RİHB-nın İnzibati Ərazi Dairələri üzrə nümayəndələri, bələdiyyə sədrləri, Azərbaycan Respublikası Silahlı Qüvvələrinin “Ehtiyatda olan zabitlər” Konfederasiyasının rayon şöbəsinin əməkdaşları, Qarabağ Müharibəsi Əlilləri, Veteranları və Şəhid Ailələri İctimai Birliyinin üzvləri, KİV nümayəndələri iştirak edib.
Milli Qəhrəman Aqil Musayevin doğum günü qeyd olunub
Qazax rayon İcra Hakimiyyətinin başçısı Rəcəb Babaşov tədbirdə iştirak etmək üçün Şəhidlər Xiyabanına gəlib.
Milli Qəhrəman Aqil Musayevin doğum günü qeyd olunub
Aqil Musayevin ruhuna dua oxunduqdan sonra Xiyabandakı şəkli əks olunmuş lövhə önünə gül dəstələri qoyulub, əziz xatirəsi yad edilib.
Milli Qəhrəman Aqil Musayevin doğum günü qeyd olunub
Giriş sözü ilə çıxış edən Qazax rayon İcra Hakimiyyətinin başçısı Rəcəb Babaşov Aqil Musayevin keçdiyi döyüş yolundan danışaraq Ölkə Başçısı İlham Əliyev tərəfindən şəhidlərə, onların ailələrinə göstərilən diqqət və qayğıdan söz açıb. Qeyd edib ki, Vətənin bütövlüyü uğrunda öz canından keçən oğul və qızlarımız hər cür hörmət və diqqətə layiqdirlər. Şəhidlərimizi yad etmək, onların xatirəsini əziz tutmaq hər bir vətəndaşın ən ümdə vəzifəsidir.
Milli Qəhrəman Aqil Musayevin doğum günü qeyd olunub
Azərbaycan Yazıçılar Birliyi Qazax zona filialının sədri, əməkdar incəsənət xadimi, şair Barat Vüsal çıxış edərək bildirib ki, Azərbaycanın Milli Qəhrəmanı Musayev Aqil Hüseyn oğlu 1974-cü il noyabrın 3-də Qazax rayonunun Aşağı Əskipara kəndində anadan olub. 1993-cü il mayın 18-də Milli Ordu sıralarına çağırılan A.Musayev Ağdam, Füzuli və Tərtər bölgələrində erməni işğalçılarına qarşı aparılan əməliyyatlarda fəal iştirak edib. O, 1994-cü il oktyabrın 5-də Gəncə hadisələri zamanı qiyamçı dəstənin zərərsizləşdirilməsində iştirak edərkən qəhrəmancasına həlak olub. Respublika Prezidentinin fərmanı ilə "Azərbaycanın Milli Qəhrəmanı" fəxri adına layiq görülüb.
Milli Qəhrəman Aqil Musayevin doğum günü qeyd olunub
Qarabağ Müharibəsi əlillərindən Vaqif Məmmədov, Namiq Alıyev, Qarabağ Müharibəsi veteranı, şəhid qardaşı Nəsib Nəsibov, şəhidin xalası Arifə Musayeva öz çıxışlarında Aqil Musayev haqqında öz xatirələrini söyləyib, qəhrəmanlığından danışıblar. Rayon rəhbərliyi tərəfindən Şəhidlər Xiyabanlarında aparılan bərpa və abadlıq işlərindən söz açaraq şəhid ailələri, müharibə veteranları adından minnətdarlıq ediblər.

Sonra Aşağı Əskipara kənd tam orta məktəbin şagirdləri Vətənə və şəhidlərimizə həsr olunmuş şeirlər söyləyiblər.

Sonda Milli Qəhrəmanın atası Hüseyn Musayev çıxış edərək onlara göstərilən diqqət və qayğıya görə Ölkə Başçısı İlham Əliyevə şəhid ailələri adından, öz adından dərin minnətdarlığını bildirib.

Elçin İSMAYIL

Milli Qəhrəman Aqil Musayevin doğum günü qeyd olunub
Milli Qəhrəman Aqil Musayevin doğum günü qeyd olunub
Milli Qəhrəman Aqil Musayevin doğum günü qeyd olunub
Milli Qəhrəman Aqil Musayevin doğum günü qeyd olunub
Milli Qəhrəman Aqil Musayevin doğum günü qeyd olunub
Milli Qəhrəman Aqil Musayevin doğum günü qeyd olunub
Milli Qəhrəman Aqil Musayevin doğum günü qeyd olunub
Milli Qəhrəman Aqil Musayevin doğum günü qeyd olunub
Geri qayıt