Qazaxlı şəhid ataları ölkə Prezidentini Zəfər Günü münasibətilə təbrik etdilər

Qədir Əfəndiyev və başqalarından, 

Hörmətli Prezident, Müzəffər Ali Baş Komandan.

Biz şəhid ailələri olaraq Sizi qarşıdan gələn Zəfər Günü münasibətilə səmimi qəlbdən təbrik edir, işlərinizdə yeni uğurlar arzulayırıq.

Sizin və Mehriban xanım Əliyevanın şəhid ailələrinə göstərdiyi diqqət və qayğını biz daim hiss edirik. Siz hər zaman şəhidlərimizin əziz xatirəsini böyük ehtiramla anır, onların xatirəsini uca tutur və bildirirsiniz ki, şəhidlərimiz bizim qürur yerimizdir.

Bizə göstərdiyiniz diqqət və qayğıya görə Sizə daim minnətdarıq. Biz inanırıq ki, Sizin rəhbərliyiniz altında Azərbaycan Respublikası daha da qüdrətlənəcək və yeni-yeni uğurlara imza atacaqdır. Biz şəhid ailələri olaraq daim Sizin yanınızdayıq.

Cənab Prezident, digər rayonlarda olduğu kimi, Qazax rayonunda da şəhidlərimizin xatirəsini əbədiləşdirmək üçün böyük işlər görülmüşdür. Buna nümunə olaraq, “Qarabağ Azərbaycandır!” Abidə Kompleksini, parkı, Tarix-Diyarşünaslıq Muzeyində yaradılmış guşəni və digər işləri göstərmək olar. Bu, bizi çox məmnun edir. Sözün əsl mənasında biz azərbaycanlı olmağımızla qürur duyuruq. Bu qələbəni bizə bəxş etdiyiniz üçün Sizə öz minnətdarlığımızı bildiririk.

Allah Sizi və xalqımızı qorusun.

Qarabağ Azərbaycandır!

Hörmətlə,

Şəhid ataları

Əfəndiyev Qədir Fərid oğlu

Məmmədov Müqabil Fərman oğlu

Abdullayev Elxan Murtuzəli oğlu

Qasımov Afiq Oruc oğlu

Nəsibov Vaqif Xaliddin oğlu

Azərbaycan Respublikası, Qazax şəhəri.

5 noyabr 2022-ci il

https://president.az/az/articles/view/57798