Vətəndaş ölkə başçısına minnətdarlıq edib

Hörmətli cənab Prezident.

Kəndimizin sakinləri adından Sizi salamlayır, bizim üçün gördüyünüz işlərə görə Sizə təşəkkür edir, uzun ömür, cansağlığı arzulayırıq. Sizin məqsədyönlü fəaliyyətiniz nəticəsində bütün Azərbaycan abadlaşıb və gözəlləşib.

Bizim Qazax rayonunun Fərəhli kəndi ucqar sərhəd kəndlərindən biridir. Məktəbimiz, tibb məntəqəmiz, digər infrastruktur obyektləri yenilənib və müasirləşib, yollarımız əsaslı təmir olunub.

Əziz Prezidentimiz, bizim üçün belə gözəl şərait yaratdığınıza görə bir daha Sizə təşəkkür edirəm. Allah ömrünüzü uzun etsin.

Hörmətlə,

Məmmədov Mahmud.

Azərbaycan Respublikası, Qazax rayonu, Fərəhli kəndi.