Litvadan olan nümayəndə heyəti Qazaxda olub

Litvadan olan nümayəndə heyəti Qazax rayonunda olub.

Qonaqlar Heydər Əliyevin abidəsini ziyarət edərək heykəli önünə gül-çiçək dəstələri qoyublar.

Nümayəndə heyətinin Qazax rayon icra Hakimiyyətinin Başçısı Rəcəb Babaşovla keçirdiyi görüşdə qarşılıqlı əməkdaşlığın yolları müzakirə edilib.

Görüşdə Litva Bələdiyyələr İttifaqının prezidenti, Druskininkay şəhərinin meri Rikardas Malinauskas, Litva Bələdiyyələr İttifaqının vitse-prezidenti, Paqeqai əyalətinin meri Virginiyus Komskis, Litva Bələdiyyələr İttifaqının müşaviri, Avropa İttifaqındakı təmsilçisi Lina Sabaitiene, Akmyane əyalətinin icraçı direktoru Aromeda Lausiene və Trakay şəhər bələdiyyəsinin deputatı Yelena Yosioniene iştirak ediblər.

Sonra nümayəndə heyəti Qazax Tarix Diyarşünaslıq Muzeyində rayonun tarixi ilə ətraflı tanış olub.

Milli Məclisin deputatı, Azərbaycan-Litva parlamentlərarası işçi qrupunun rəhbəri Kamran Nəbizadə görüşdə iştirak edib.