İcra Başçısı mədəniyyət müəssisələrində yaradılan şəraitlə tanış olub

Bu gün Qazax Rayon İcra Hakimiyyətinin başçısı Rəcəb Babaşovun fəaliyyətə başladığı ilk gündən diqqət və qayğı göstərdiyi sahələrdən biri də mədəniyyət sahəsidir.

Bunu Qazaxda tarixi şəxsiyyətlərin, şairlərin, yazıçıların, saz-söz adamlarının doğum və anım günlərinin keçirilməsindən, tarixi günlərin yüksək səviyyədə qeyd olunmasından da aydın şəkildə görmək olar. Bundan əlavə, rayonda hərbi vətənpərvərlik mövzusunda keçirilən silsilə tədbirlər bunun bariz nümunəsidir.

İcra Başçısının rayonda fəaliyyət göstərən mədəniyyət ocaqlarının əsaslı şəkildə təmir edilməsi, həmin idarə, müəssisə və təşkilatlarda çalışan işçilərin iş şəraitinin yaxşılaşdırılması istiqamətində gördüyü işlər bu sahəyə ayrılan diqqəti əyani şəkildə sübut edir.

İcra Başçısı Rəcəb Babaşov bu gün rayonumuzda fəaliyyət göstərən mədəniyyət ocaqlarının hazırki vəziyyəti, işçilərin iş şəraiti və həmin müəssisələrdə nümayiş olunan əl işləri, rəsm əsərləri, tarixi eksponatlarla maraqlanıb.

Rayon rəhbəri ulu öndər Heydər Əliyevin adını daşıyan Mərkəzdə, Gənclər Mərkəzində, Qazax Dövlət Rəsm Qalereyasında, E.Hüseynov adına Mərkəzi Kitabxananın Uşaq şöbəsində, Ədəbiyyat və Qazax Tarix-Diyarşünaslıq Muzeylərində olub.

Yaradılan səliqə-sahmanla, rayon sakinlərinə göstərilən xidmətlərlə tanış olan rayon rəhbəri lazımi tapşırıq və tövsiyələrini verib, işlərində daha ciddi olmalarını və sakinlərə qayğı ilə yanaşmalarını bildirib.