Əsas Səhifə > Manşet / Rəsmi > Qazaxda vətəndaş qəbulları diqqətdə saxlanılır - FOTOLAR

Qazaxda vətəndaş qəbulları diqqətdə saxlanılır - FOTOLAR

Bu gün, 17:09

Ölkə Prezidenti İlham Əliyevin yerlərdə vətəndaş müraciətlərinə obyektiv şəkildə baxılması və vətəndaş məmnunluğunun təmin edilməsi ilə bağlı müvafiq Sərəncam və tapşırıqlarının icrasına Qazax rayonunda operativ və həssas yanaşılır. Xüsusilə də şəhid ailələri və müharibə iştirakçılarının sosial qayğılarının öyrənilməsi və həlli daim diqqət mərkəzindədir.

Vətəndaş məmnunluğunun təmin olunması məqsədilə rayonun bütün yaşayış məntəqələrində, rayon icra hakimiyyətinin və xidmət sahələrinin məsul əməkdaşlarının, yerli icra nümayəndələri və bələdiyyələrin birgə iştirakı ilə görüşlər keçirilir. Müraciətlər dinlənilir, problem və təkliflər, sosial qayğılar yerində öyrənilir, araşdırılması və həlli nəzarətə götürülür.

Onu da vurğulayaq ki, vətəndaş məmnunluğunun təmin olunması istiqamətində dövlət siyasətini əsas tutaraq, rayon İcra Hakimiyyətinin inzibati binasında və yerlərdə vətəndaşların səyyar qəbulları həyata keçirilir, müraciət və təklifləri dinlənilir.

Keçirilən qəbullardan sonra rayon İcra Hakimiyyətinin və aidiyyəti xidmət sahələrinin məsul əməkdaşları tərəfindən, qəbullar zamanı edilən müraciətlər, vətəndaşların iştirakı ilə yerində araşdırılır, mövcud problemlərin həlli istiqamətində müvafiq əməli tədbirlər həyata keçirilir.

2026-cı ilin sentyabr ayında Qazax Rayon İcra Hakimiyyəti başçısının yerlərdə 5 səyyar görüşü, inzibati binada 15 qəbulu (11-i fərdi, 4-ü ümumi olmaqla) təşkil olunub. Ümumi qəbulda 37 nəfərin, fərdi qəbulda 49 nəfərin müxtəlif məzmunlu müraciətləri dinlənilmişdir. Sentyabr ayı ərzində fərdi qəbulda 49 nəfər tərəfindən 51 məsələ, ümumi qəbula gələn 37 nəfər tərədindən 40 məsələ, ümumilikdə, 86 nəfər tərəfindən 91 məsələ qaldırılmışdır.

2026-cı ilin yanvar-sentyabr aylarındainzibati binada 108 qəbul (73-ü fərdi, 35-i ümumi olmaqla) təşkil olunub. Ümumi qəbulda 279 nəfərin, fərdi qəbulda 240 nəfərin müxtəlif məzmunlu müraciətləri dinlənilmişdir. Yanvar-sentyabr ayları ərzində fərdi qəbulda 240 nəfər tərəfindən 266 məsələ, ümumi qəbulda 279 nəfər tərədindən 308 məsələ, ümumilikdə, 519 nəfər tərəfindən 574 məsələ qaldırılmışdır. Qəbul zamanı vətəndaşlar əsasən işlə təmin olunmasına, mənzil, sığınacaq, torpaq, əlillik dərəcəsinin təyini və ünvanlı sosial yardım, maddi yardım, müalicə olunmasına köməklik göstərilməsi ilə bağlı müraciət etmişdir.

2026-cı ilin sentyabr ayında Qazax şəhəri, rayonun Yuxarı Salahlı, Aslanbəyli, Birinci Şıxlı, Kosalar kəndləri üzrə 5 səyyar görüş keçirilmişdir. Keçirilən səyyar görüşlərdə 520 nəfər vətəndaş iştirak etmişdir. Sözügedən görüşlərdə 11 məsələ qaldırılmışdır.

2026-cı ilin yanvar-sentyabr aylarında Qazax şəhəri, rayonun Daş Salahlı, Hüseynbəyli, Aslanbəyli, Birinci Şıxlı, Qarapapaq, Çaylı, Aşağı Salahlı, Canalı, Dəmirçilər, Qazaxbəyli, Məzəm, İkinci Şıxlı, Xanlıqlar, Alpout, Orta Salahlı, Kəmərli, Ağköynək, Cəfərli, Abbasbəyli, Ürkməzli, Bala Çaylı, Quşçu Ayrım, Bala Cəfərli, Qaymaqlı, Yuxarı Salahlı, Kosalar kəndləri üzrə 36 səyyar görüş keçirilmişdir. Keçirilən səyyar görüşlərdə 3368 nəfər vətəndaş iştirak etmişdir. Sözügedən görüşlərdə 105 nəfər vətəndaş tərəfindən 82 məsələ qaldırılmışdır. Görüşlər zamanı sakinlərin müraciətləri dinlənilib, qaldırılan məsələlərin həlli istiqamətində lazımi addımlar atılıb.

İstər keçirilən fərdi və ümumi qəbullar, istərsə də səyyar görüşlər zamanı səslənən müraciətlərdən bir qismi həll olunmuş, bir qismi icraata götürülmüş, bir qismi ilə əlaqədar aidiyyəti üzrə mərkəzi icra hakimiyyəti orqanlarına müraciət edilmişdir.

Səyyar qəbullarda İcra Hakimiyyətinin başçısı Rəcəb Babaşov, digər rəhbər şəxsləri, rayonun hüquq-mühafizə orqanlarının, xidmət sahələrinin rəhbərləri və bir qrup ictimai fəallar iştirak edib.

Məlumat üçün qeyd edək ki, 2025-ci ilin yanvar-dekabr ayları ərzində inzibati binada 151 qəbul (103-ü fərdi, 48-i ümumi olmaqla) təşkil edilib. Yanvar-dekabr ayı ərzində fərdi qəbulda 228, ümumi qəbulda 324 nəfər iştirak etmişdir. Yanvar-dekabr ayı ərzində fərdi və ümumi qəbula gələn 552 nəfər tərəfindən 611 məsələ dinlənilmişdir. Qəbul zamanı vətəndaşlar əsasən işlə təmin olunmasına, mənzil, sığınacaq, torpaq, əlillik dərəcəsinin təyini və ünvanlı sosial yardım, maddi yardım, müalicə olunmasına köməklik göstərilməsi ilə bağlı müraciət etmişdir.

2025-ci ilin yanvar-dekabr aylarında Qazax şəhəri Zeynalabdin Tağıyev, Səməd Vurğun, Mehdi Hüseyn, Aslan Kəmərli, Məhəmməd Əmin Rəsulzadə, Bakı, Hüseyn Arif (Hərbi şəhərcik), Ə.Şıxlinski küçələri, Bakı 1,2,2A, Nəriman Nərimanov yaşayış massivi, Qazaxbəyli kəndində məcburi köçkünlər üçün salınmış qəsəbə, Ürkməzli, Alpout, Xanlıqlar, Kəmərli, Quşçu Ayrım, Cəfərli, Qaymaqlı, Bala Çaylı, Yuxarı Salahlı, Qazaxbəyli, Fərəhli,Məzəm, Kosalar, Qarapapaq, Orta Salahlı, Abbasbəyli, Hüseynbəyli, Aslanbəyli, Birinci Şıxlı, Aşağı Salahlı, İkinci Şıxlı, Canalı, Daş Salahlı, Çaylı, Dəmirçilər,Ağköynək kəndləri üzrə 48 səyyar görüş keçirilmişdir. Keçirilən səyyar görüşlərdə 4893 nəfər vətəndaş iştirak etmişdir. Sözügedən görüşlərdə 102 məsələ qaldırılmışdır.