Qazaxda icra başçısı xidmət sahələrinin rəhbərləri ilə görüşüb

Ölkə Prezidenti İlham Əliyev hər zaman çıxışlarında bir fikir səsləndirir ki, bu, bütün sahələrdə vətəndaş amilinin əsas götürülməsidir. O vətəndaş amili ki, dövlət başçısının rəhbərliyi altında həyata keçirilən dövlət siyasətinin əsasını təşkil edir. Dövlət başçısının söylədiyi “Siyasətimizin mərkəzində Azərbaycan vətəndaşı dayanır. Bu, həmişə bizim siyasətimizin ana xəttini müəyyən edən istiqamətdir. Çünki mən uzun illərdir deyirəm və bunu əməli işlərdə də biz görürük ki, siyasətimizin mərkəzində Azərbaycan vətəndaşı dayanır. Bu, sadəcə olaraq, şüar deyil. Bizim bütün siyasətimiz həm sosialyönümlüdür, həm də ki, investisiyayönümlüdür” sözləri bu gün hər bir dövlət məmuru üçün iş fəaliyyətlərində bir yol xəritəsidir. Bu, ölkə başçısı və Birinci vitse-prezident Mehriban xanım Əliyeva tərəfindən vətəndaşlara göstərilən qayğıda hər zaman hiss edilir. Ən əsası isə bu, hər bir dövlət məmuruna nümunə olmalıdır.

Dövlət başçısının yerlərdə vətəndaş müraciətlərinə obyektiv şəkildə baxılması, vətəndaş məmnunluğunun təmin edilməsi ilə bağlı müvafiq sərəncam və tapşırıqlarının icrasına Qazax rayonunda hər zaman operativ və həssaslıqla yanaşılır.

Vətəndaş məmnunluğunun təmin olunması istiqamətində dövlət siyasətini əsas tutaraq, Rayon İcra Hakimiyyətinin inzibati binasında vətəndaşların fərdi və ümumi qəbulları, yaşayış məntəqələrində isə səyyar qəbulları həyata keçirilir, müraciət və təklifləri dinlənilir. Rayonda şəhid ailələri və müharibə iştirakçılarının sosial qayğılarının öyrənilməsi və həlli də daim diqqət mərkəzində saxlanılır. Həmçinin, vətəndaşlara göstərilən xidmət sahələri də hər zaman rayon rəhbərliyinin diqqət ayırdığı sahələrdəndir.

İyunun 17-də Qazax Rayon İcra Hakimiyyətinin başçısı Rəcəb Babaşov rayonda fəaliyyət göstərən xidmət sahələrinin rəhbərləri ilə görüşüb.

Görüşdə icra aparatının məsul əməkdaşları, Qazax Elektrik Şəbəkəsinin rəisiŞövqi Gözəlov, “Aztelekom” MMC-nin Qərb RegionalFilialının Qazax Şöbəsinin rəisiNicat Vəliyev, Şəmkir Regional Qaz İstismar İdarəsi Qazax Xidmət Sahəsinin rəis müaviniAnar Qocayev, “CityNet”in region nümayəndəsiTurxan Əsgərov, “Sellnet”in Qazax rayonu üzrə sahə rəisiHəsənəli Yaqubov iştirak ediblər.

Görüş zamanı icra başçısı Rəcəb Babaşov istehlakçıların keyfiyyətli elektrik enerjisi, təbii qaz və yüksək sürətli internetlə təmin olunması istiqamətində fikirlərini bölüşüb. Əhaliyə daha yüksək xidmətlərin göstərilməsi, enerji təchizatında, qaz təminatda, eləcə də internet sahəsində yarana biləcək hər hansı çatışmazlıqların vaxtında aradan qaldırılması üçün qabaqlayıcı tədbirlərin görülməsi ilə bağlı müvafiq tapşırıq və tövsiyələrini verib.