Vətəndaş məktubundan: “Əziz Prezidentim, mən Sizinlə fəxr edirəm”

Zöhrə Həsənovadan, 

Əziz və dəyərli Prezidentimiz!

Mən ahıl yaşlı insanam, 45 il müəllim işləmişəm, hazırda təqaüddəyəm. Ziyalı bir ailədə tərbiyə alıb, ziyalı bir ailədə gəlin olmuşam. Təvazökarlıqdan uzaq olaraq deyə bilərəm ki, çox şeyi dərindən anlayan, görüb-qavrayan bir ana və nənəyəm.

Əziz Prezidentim, mən Sizinlə fəxr edirəm. Siz çox dəyərli Ata və Ananın övladısınız. Siz öz ailə üzvlərinizlə birgə Azərbaycanı dünya miqyasında tanıdır və nüfuzunu yüksəldirsiniz. Bu təlatümlü dünyada uzun ömür sürən biri kimi deyə bilərəm ki, mənim Sizə və ailə üzvlərinizə olan minnətdalığım sonsuzdur.

Ölkəmizin dörd bir yanı kimi, bizim doğma Qazax rayonu da Sizin ölkəmizə rərbərliyiniz dövründə abadlaşdırılmışdır. Yollar yaxşı təmir olunmuş, əhalinin təbii qaz, içməli su və işıq təminatı xeyli yaxşılaşdırılmış, binaların həyətləri səliqə-səhmana salınmış, biz yaşlılar və uşaqlar üçün burada səmərəli vaxt keçirmək üçün lazımi şərait yaradılmışdır.

Əziz Prezidentim, Sizə və Mehriban xanıma, övlad və nəvələrinizə Uca Tanrıdan daimi sağlamlıq arzulayıram. Allah Sizin kölgənizi Azərbaycanın üzərindən əskik etməsin. Səsiniz daim ucalardan gəlsin, “dəmir yumruğunuz” hər zaman möhkəm olsun.

Hörmətlə,

Zöhrə Həsənova

Azərbaycan Respublikası, Qazax şəhəri.

24 noyabr 2025-ci il

https://president.az/az/articles/view/70635