“Əsas həyat bacarıqları” layihəsi çərçivəsində doqquzuncu təlim təşkil olunub

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı və “Öyrədərək Öyrənirik” Gənclərin İntellektual İnkişafına Dəstək İctimai Birliyinin təşkilatçılığı ilə icra olunan “Əsas həyat bacarıqları” (Basic Life Skills) layihəsi çərçivəsində doqquzuncu təlim təşkil olunub.

Doqquzuncu təlim günündə fasilitator Elmar Rzalının təqdimatında daha bir mövzu keçirilib. Təlimin on beşinci mövzusu "İcraetmə bacarıqları" olub. Bu sessiyada iştirakçılar aşağıdakıları öyrəniblər: 

- etmək istədikləri və etməli olduqları işlər arasında fərqi;

- məhsuldarlığa mane olan 2 ən böyük əngəli – işə başlamaq çətinliyini və perfeksionizmi;
- işi diqqət mərkəzində saxlamaq və icra etmək üçün “Pomidor üsulu”nun tətbiqi yollarını.
Qeyd edək ki, layihənin müddəti iki aydır, 01 sentyabr tarixindən start götürüb və 01 noyabr 2022-ci il tarixdə yekunlaşacaqdır. Layihə müddətində ümumilikdə 10 təlimin keçirilməsi nəzərdə tutulur. Onu da qeyd edək ki, layihədə tərəfdaş qismində Gənclərin İnkişaf və Karyera Mərkəzinin Qazax nümayəndəliyi və “Qazax Gənclər Evi” Sosial Xidmət Müəssisəsi çıxış edir.

Sonuncu təlim 21 oktyabr tarixində Qazax Gənclər Evində təşkil olunacaq.

GOYEZEN.AZ