Qazaxda "Təhsilim" layihəsinə start verilib

Gənclərin İnkişaf və Karyera Mərkəzinin Qazax nümayəndəliyi və Bakı Dövlət Universitetinin Qazax filialının Tələbə Gənclər Təşkilatının birgə təşkilatçılığı ilə "Təhsilim" layihəsinə start verilib. 
Layihə çərçivəsində ilk onlayn təlim "İnkluziv cəmiyyətə gedən yol inkluziv təhsildən keçir" mövzusunda keçirilib.
Təlim: 
- İnklüziv Təhsil anlayışının təsviri;
- Hüquqi çərçivələr;
- Azərbaycanda əlillik və inklüzivlik;
- İnklüziv dəyərlər;
- Əlillik nədir: Sosial və tibbi yanaşma;
- Uşaqyönümlü pedaqogika kimi mövzuları əhatə edib.
Qeyd edək ki, 40-dan artıq gəncin iştirak etdiyi onlayn təlim Gəncə Dövlət Universitetinin baş müəllimi, pedaqogika üzrə fəlsəfə doktoru Lamiə Hacımuradovanın təqdimatında reallaşıb.
GOYEZEN.AZ