Qazaxda ali və orta ixtisas təhsili müəssisələrində, ümmumtəhsil məktəblərində səyyar psixoprofilaktik tədbirlərin keçirilməsinə start verilib
Qazax RİHB aparatı
yanında fəaliyyət göstərən "Narkomanlığa və Narkotik Vasitələrin Qanunsuz
Dövriyyəsinə Qarşı Mübarizə üzrə Komissiyanın və Yetkinlik Yaşına Çatmayanların
İşləri və Hüquqlarının Müdafiəsi üzrə Komissiyanın
2019-cu il üçün iş planı”na müvafiq olaraq 14 oktyabr tarixindən Qazax
rayonu üzrə şəhər, kənd tam orta məktəblərində, eləcə də ali və orta ixtisas təhsil
müəssisələrində səyyar psixoprofilaktik tədbirlərin keçirilməsinə start
verilib. "Narkomanlıqla
bağlı hüquqpozmalara meylli olan yetkinlik yaşına çatmayanların və gənclərin
yaşayış yerləri, işlədiyi və təhsil aldığı inzibati ərazilər üzrə yerli icra
hakimiyyəti, bələdiyyə, polis orqanları, təhsil işçiləri, əmək kollektivləri və
müvafiq komissiyalar arasında əlaqələrin genişləndirilməsi", "Ali və orta
ixtisas təhsil müəssisələrində, narkotiklərin və narkomanlığın cəmiyyətə,
insanların sağlamlığına ziyanı” barədə təbliğat aparılması, tələbələrin və
şagirdlərin antinarkotik dünyagörüşünün formalaşdırılması, "Narkotiklərdən zərər
çəkmiş uşaqların fərdi reabilitasiyasının və cəmiyyətə reinteqrasiyasının həyata
keçirilməsi” ilə bağlı təşkil olunmuş tədbirlərdə qeyd olunan mövzu barədə
geniş maarifləndirici söhbətlər aparılıb. M.Həsənov adına Birinci
Şıxlı, V.Musayev adına İkinci Şıxlı, Ş.Nəsibova adına
Sarıvəlli, Z.Mahmudov adına Yuxarı Salahlı, Aslanbəyli, A.Kəmərli adına Kəmərli, A.Məmmədov
adına Qaymaqlı, A.Bəbirov adına Xanbağı, V.Göşşüyev adına Çaylı kənd 1 nömrəli,
E.Cəfərov adına Çaylı kənd 2 nömrəli tam orta məktəblərində keçirilən tədbirlər
zamanı şagirdlərlə narkomaniya və onun fəsadları, erkən nikah və onun cəmiyyət
üçün yaratdığı fəsadlar, yol hərəkəti qaydaları haqqında, antisosial mühitdən
necə qorunmağın yolları barədə psixoprofilaktik söhbətlər aparılıb. Tədbirdə iştirak
edən Qazax RİHBA-nın aparıcı məsləhətçi-psixoloqu Kəmalə Cəfərova, Rayon Təhsil
şöbəsinin aparıcı məsləhətçisi Təranə Səmədova, Qazax Rayonlararası Psixiatriya
Xəstəxanasının narkoloqu Nahidə Osmanova, Rayon Polis şöbəsinin KPH-nın baş
inspektoru, polis kapitanı Vüsal Hüseynov, müstəntiq Yunis Quliyev, DYPB-nin
inspektoru, polis kapitanı Elxan Əhmədov, yetkinlik yaşına çatmayanların işləri
üzrə inspektor Ramil Sadıqov, ictimai təhlükəsizlik bölməsinin polis sahə və əməliyyat
müvəkkilləri mövzu ətrafında dolğun məlumatlar çatdırıb, dövlət tərəfindən bu
sahə ilə bağlı aparılan mübarizə yollarından danışıblar. Sonda məktəbliləri,
tələbələri maraqlandıran suallar cavablandırılıb. Məktəblilərin narkomaniya və
onun törətdiyi bəlaları özündə əks etdirən əl işlərinə baxılıb. GOYEZEN.AZ
Facebook-da paylaş