BDU-nun Qazax filialında “Sosial işin təşkili: dünya təcrübəsi, metodlar, standartlar” mövzusunda tədbir keçirilib
Bakı Dövlət
Universitetinin Qazax filialında "Təmas” Regional İnkişaf İctimai Birliyi Azərbaycan
Respublikasının Prezidenti yanında Qeyri-Hökumət Təşkilatlarına Dövlət Dəstəyi
Şurasının dəstəyi ilə "İnsan
alveri və potensial insan alveri qurbanlarına xidmət göstərən Regional Reabilitasiya-Reinteqrasiya Mərkəzinin dəstəklənməsi”
layihəsi çərçivəsində "Sosial işin təşkili: dünya təcrübəsi, metodlar,
standartlar” mövzusunda tədbir keçirib.
Filialın Heydər
Əliyev auditoriyasında təşkil olunmuş tədbirdə sosial iş ixtisasında təhsil
alan I, II kurs tələbələri və müəllimlər iştirak edib.
Layihə rəhbəri Kubra Ələkbərova giriş sözü ilə çıxış edərək tədbirin
təşkil olunmasında göstərdiyi köməyə görə Qazax Rayon İcra Hakimiyyətinin
və Bakı Dövlət Universiteti Qazax filialının rəhbərliyinə minnətdarlığını
bildirib. İcra olunan layihə, donor təşkilat
və layihə çərçivəsində həyata keçiriləcək fəaliyyətlər haqqında geniş məlumat
verib.
Filialın
sosial iş üzrə müəllimi Gülnar Nəzərova çıxış edərək qeyd edib ki, ölkəmizdə sosial iş ixtisası hələ
gənc olmasına baxmayaraq son illər ərzində bu sahənin
inkişafına dair geniş fəaliyyətlər həyata keçirilir. Sosial iş
insanların onları əhatə edən mühitdə mümkün qədər daha yaxşı fəaliyyət göstərmələri
üçün onlara yardım etməyə istiqamətlənmiş peşədir. Bütün
dünyada humanitar və demokratik ideyalara əsaslanaraq yaranan sosial iş təcrübəsi
insan ehtiyaclarını və potensialını inkişaf etdirmək üzərində fokuslaşıb. İllər
keçdikcə sosial iş özündə səmimilik, vicdanlıq, empatiya, rəhimdillik, peşəkarlıq,
insan münasibətlərinin əhəmiyyətliyi kimi dəyərləri birləşdirdi. Tədbirdə
iştirak edən Qazax Rayon İcra Hakimiyyəti başçısı aparatında aparıcı məsləhətçi-psixoloq
Kəmalə Cəfərova öz çıxışında bildirib ki, sosial
iş elə bir ixtisasdır ki, o insanların rifahı üçün sosial dəyişikliklər edir. İnsanlar
arasındakı münasibətlərdə problemləri həll edir və insanların rifahını yüksəltəmək
üçün onları daxili güclərinə, potensiallarına axralanmağa yönəldir. Qeyd edib
ki, Bakı Dövlət Universitetinin Qazax filialında sosial iş ixtisasının
olması Qərb bölgəsində sosial xidmət sahəsinin inkişafına öz töhfəsini verəcəkdir.
Sonda tələbələrlə mövzu ətrafında müzakirələr aparılıb.
GOYEZEN.AZ
Facebook-da paylaş