Qazaxda Daş Salahlı-Ürkməzli-Dəmirçilər avtomobil yolu yenidən qurulur
Ölkə başçısının
tapşırıq və sərəncamları əsasında yol infrastrukturunun yenidən qurulması ilə
bağlı cari ildə tərtib edilmiş tədbirlər planına uyğun olaraq Qazax rayonunda
uzunluğu 16 km olan yerli əhəmiyyətli Daş Salahlı-Ürkməzli-Dəmirçilər
avtomobil yolunun yenidən qurulması işlərinə başlanılıb.
Sözügedən avtomobil
yolu iki hissə üzrə yenidən qurulur. Bu Bakı-Ələt-Qazax-Gürcüstan
Respublikası ilə dövlət sərhədi avtomobil yolunun 482-ci km-dən ayrılan və 11,5
km uzunluğa malik Daş Salahlı yolu, həmçinin yerli əhəmiyyətli Qazax-Yuxarı
Əskipara avtomobil yolunun 11 km-dən
ayrılan və 4,5 km uzunluğunda olan Ürkməzli-Dəmirçilər
yoludur.
Yerli
əhəmiyyətli Daş Salahlı-Ürkməzli-Dəmirçilər avtomobil yolu IV texniki
dərəcli olmaqla uzun müddət əsaslı təmir olunmadan istismar olunduğundan yol
geyimi və yolun əsası, həmçinin, torpaq yatağı sel sularının təsirindən
yuyulmuş, hərəkət hissəsində, qabarmalar, çalalar əmələ gəlmiş, asfalt-beton
örtüklü hissələrdə çoxlu sayda torlar və çalalar yaranmışdır.
Layihəyə
uyğun olaraq sözügedən yolun 4,5 km-lik Ürkməzli-Dəmirçilər hissəsində
təmir-tikinti işləri artıq yekunlaşıb. Burada mövcud örtük sökülərək kənara
daşınıb, yolun deformasiyaya uğramış hissələri qazılaraq çıxarılıb, təqribən 12
min kub.m həcmdə karxana qruntu ilə əks-dolğu işləri görülüb.
Yol
boyu mövcud suötürücü borular istismara yaramadığı üçün yeni suötürücü
boruların quraşdırılması və küvetlərin açılması tələb olunurdu. Bu səbəbdən yol
boyu 4 ədəd 48 paqonmetr uzunluğunda 500 mm-lik, 2 ədəd 24 paqonmetr
uzunluğunda isə 1000 mm diametrində yeni dəmir-beton suötürücü borular
quraşdırılıb, başlıqlar dəmir-betonla tikilib. Bundan başqa, avtoqreyderlə 3500
paqonmetr küvetlərin açılması işləri də görülüb.
Daha sonra tikinti norma və standartlarına
uyğun olaraq torpaq yatağnın avtoqreyderlə profilə salınması, 36 sm hündürlükdə
karxana çınqılı və optimal qum-qırmadaş qarışığından əsasın alt
və üst layının 50 min kv.m sahədə tikintisi işləri görülüb. Bunun ardınca isə
əlaqələndirici bitum səpilməklə yol örtüyünün alt layı 7 sm, üst layı isə 5 sm
qalınlıqda iri və xırda dənəli olmaqla asfalt beton qarışığı ilə salınması,
çiyin hissələrin 14 min kv.m sahədə optimal qum-qırmadaş qarışığı ilə bərkidilməsi
işləri aparılıb, 8 yol birləşməsi təmir edilib.
Daş
Salahlı-Ürkməzli-Dəmirçilər avtomobil yolunun 11,5 km-lik Daş Salahlı
hissəsinin yenidən qurulması işləri isə davam etdirilir. Anoloji işlər burda da
aparılır. Belə ki, mövcud asfalt-beton örtüyü sökülərək kənara daşınır, yolun
deformasiyaya uğramış hissələri qazılaraq çıxarılıb, təqribən 24 min kub.m
həcmdə karxana qruntu ilə əks-dolğu işləri görülür.
Yol
boyu 4 ədəd 48 paqonmetr uzunluğunda 500 mm diametrində yeni suötürücü
dəmir-beton borular quraşdırılaraq izolyasiya olunur, 4 nöqtədə müxtəlif
diametrlərə malik suötürücü boruların başlıqlarının isə təmiri işləri görülür,
5800 paqonmetr uzunluğunda küvet hissələr açılır.
Daha
sonra torpaq yatağı avtoqreyderlə profilə salınır, 36 sm hündürlükdə karxana
çınqılı və optimal qum-qırmadaş qarışığından əsasın alt və üst layının 130 min
kv.m sahədə tikintisi işləri görülür. Yol əsası hazır olan hissələrin isə artıq
asfaltlanması işlərinə də başlanılıb. Belə ki, əlaqələndirici bitum səpilməklə
yol örtüyünün alt layı 7 sm, üst layı isə 5 sm qalınlıqda iri və xırda
dənəli olmaqla asfalt beton qarışığı ilə inşa edilir, çiyin hissələr xüsusi
qruntla bərkidilir, 14 ədəd yol birləşməsi isə təmir edilir.
Layihənin
sonuncu mərhələsində 5 yerdə avtobus dayanacağı qoyulacaq, hərəkətin normal
təşkili üçün 42 km göstəricisi, 52 yol nişanı, 600 siqnal dirəyi
quraşdırılacaq, 48 km yolcizgi və yol göstərici xətləri çəkiləcək.
16
km uzunluğa malik Daş Salahlı-Ürkməzli-Dəmirçilər avtomobil yolu Azərbaycan
Avtomobil Yolları Dövlət Agentliyinin rəhbərliyinin birbaşa nəzarəti altında,
mövcud tikinti norma və qaydalarına uyğun şəkildə yüksək keyfiyyətlə yenidən
qurulur. Bunun üçün əraziyə lazımi sayda canlı qüvvə və texnika cəlb olunub. aayda.gov.az
Facebook-da paylaş