Qazaxda fəaliyyəti bərpa olunan ticarət obyektlərində çalışan insanlara tibbi maska paylanılıb
Məlum olduğu kimi, Azərbaycan
Respublikasının ərazisində xüsusi karantin rejiminin müddətinin uzadılması və həmin
rejimlə əlaqədar tətbiq edilən bəzi məhdudiyyətlərin aradan qaldırılması barədə
"Sanitariya-epidemioloji salamatlıq haqqında” Azərbaycan Respublikası Qanununun
25-ci maddəsinə əsasən, Azərbaycan Respublikası Nazirlər Kabinetinin 2020-ci il
28 fevral tarixli 73-1 nömrəli Qərarı ilə təsdiq edilmiş "Yoluxucu, parazitar və
kütləvi qeyriyoluxucu xəstəliklərin əmələ gəlməsi, yaxud yayılması təhlükəsi
yarandıqda karantin-təşkilat, profilaktika və digər zəruri tədbirlərin görülməsi
Qaydaları”na uyğun olaraq Azərbaycan Respublikasının Nazirlər Kabineti 1 may
2020-ci il tarixli qərar qəbul edib. Həmin qərara əsasən koronavirus
(COVID-19) infeksiyasının ölkə ərazisində yayılmasının, onun törədə biləcəyi fəsadların
qarşısının alınması məqsədilə Azərbaycan Respublikasının ərazisində xüsusi
karantin rejiminin müddəti 2020-ci il 31 may saat 00:00-dək uzadılıb. Lakin buna baxmayaraq "Koronavirus (COVID-19) infeksiyasının Azərbaycan
Respublikasının ərazisində geniş yayılmasının qarşısının alınmasına dair əlavə
tədbirlər haqqında” Azərbaycan Respublikası Nazirlər Kabinetinin 2020-ci
il 2 aprel tarixli 120 nömrəli Qərarının 3-cü hissəsi ilə fəaliyyəti
qadağan edilmiş iş və xidmət sahələrinin fəaliyyəti bərpa olunub. Fəaliyyəti bərpa
edilən sahələrdən biri də ticarət obyektləridir. Respublikamızın hər yerində
olduğu kimi, Qazaxda da Azərbaycan Respublikasının Nazirlər Kabineti yanında
Operativ Qərargah tərəfindən müəyyən edilmiş bütün tələb və qaydalara ciddi şəkildə
əməl olunur. Belə ki, fəaliyyətləri bərpa olunan bütün ticarət obyektlərinin
sahibləri tibbi maskadan istifadə edərək öz işlərini davam etdirirlər. Bu gün Qazax Rayon İcra
Hakimiyyətinin təşkilatçılığı ilə "Gənc
Könüllülər” tərəfindən fəaliyyəti bərpa olunan ticarət obyektlərində kosmetika və ətriyyat məhsullarının
satışı, geyim və ayaqqabıların, o cümlədən dəri məmulatlarının satışı, qızıl və
digər bəzək əşyalarının satışı, eləcə də bazarda ərzaq məhsullarının satışı ilə
məşğul olan insanlara tibbi maska paylanılıb.
Qazax Rayon İcra Hakimiyyəti
başçısının birinici müavini Məmməd Alıyev və Rayon Polis şöbəsinin xidmət üzrə rəis
müavini Şakir Rəsulov fəaliyyətləri bərpa olunan ticarət obyektlərinin
sahibləri ilə görüşüblər. Məhdudiyyətlərin
götürülməsinə, satış üçün icazənin verilməsinə baxmayaraq yenə də xüsusi karantin
rejiminin tələblərinə ciddi şəkildə yanaşmaları, məsuliyyətli davranmaları,
virusun yayılmasının qarşısının alınmasına dəstək olacaq hər cür ehtiyat tədbirləri
görmələri barədə maarifləndirici söhbətlər aparıblar. Qazaxda həyata keçirilən aksiyanı razılıq hissi ilə
qarşılayan mağaza sahibləri ölkəmizdə koronavirus infeksiyasının yayılmasının
qarşısının alınması istiqamətində dövlət tərəfindən görülən işləri yüksək
qiymətləndiriblər. Ölkə vətəndaşlarının sağlamlığının qorunması sahəsində
həyata keçirilən qabaqlayıcı tədbirlərə görə dövlət başçısı İlham Əliyevə, Birinci
vitse-prezident Mehriban xanım Əliyevaya minnətdarlıqlarını bildiriblər. Bu cür
təşəbbüsün reallaşmasına və göstərilən qayğıya görə rayon rəhbərliyinə
təşəkkürlərini çatdırıblar.
GOYEZEN.AZ
Facebook-da paylaş