Qazaxda Səhiyyə Nazirliyi tərəfindən səyyari kursların təşkilinə başlanılıb
Aprel ayının 8-dən etibarən Azərbaycan Respublikası
Səhiyyə Nazirliyi tərəfindən davamlı tibbi təhsillə əlaqədar Qazaxda səyyari kursların
təşkilinə başlanılıb. Qazax Müalicə Diaqnostika Mərkəzində təşkil olunmuş
səyyari kurslar həkim terapevt, pediatr və ailə həkimi üzrə aparılır. Səyyari kurslarda
Qazax rayon Mərkəzi Xəstəxanasının həkimləri ilə yanaşı, Qazax Müalicə Diaqnostika
Mərkəzinin, eləcə də qonşu rayonlardan Şəmkir, Tovuz və Ağstafa rayon Mərkəzi Xəstəxanalarının
həkimləri də iştirak edirlər. Yüksək ixtisaslı həkimlərin iştirakı ilə təşkil
olunmuş kurslar isə aprelin 17-dək davam edəcək. 8 aprel tarixində təşkil olunmuş kursda Bakı şəhərindən
gəlmiş Ə.Əliyev adına
Azərbaycan Dövlət Həkimləri Təkmilləşdirmə İnstitutundan (ADHTİ) assisent Rəsul İlahə Telmənqızı anemiya, onun
müalicəsi və profilaktikası haqqında məruzə ilə çıxış edib. Bugünkü səyyari kursda isə ADHTİ-nin "Ailə təbabəti” kafedrasının müdiri, tibb elmləri
doktoru, professor Səadət Mahmudova tərəfindən "Ailə təbabəti konsepsiyasının
Azərbaycanda inkşafı” və "Ağciyərin xroniki obstruktiv xəstəlikləri” adlı məruzələrdə
həkimlərə mövzu ilə bağlı ətraflı məlumatlar verilib. Səyyari kursa 65 nəfər müxtəlif ixtisasdan olan həkimlər
qatılıb. Məlumat üçün qeyd edək ki, davamlı tibbi təhsillə əlaqədar təşkil
edilmiş səyyari kursda həkimlər sertifikat və balla qiymətləndiriləcəklər. Qazax Rayon İcra
Hakimiyyəti başçısı aparatında baş məsləhətçi Gülnar Quliyeva bugünkü kursda
iştirak edərək bu cür kursların təşkil olunmasının böyük əhəmiyyət daşıdığını qeyd
edib və həkimlərə uğurlar arzulayıb. GOYEZEN.AZ
Facebook-da paylaş