Qazax: “Cəzasız cinayət” adlı ədəbi–bədii kompozisiya və sərgi keçirilib
Qazaxda Xocalı faciəsinin 27–ci ildönümünə həsr olunmuş "Cəzasız cinayət”
adlı ədəbi–bədii kompozisiya və sərgi keçirilib. Tədbir iştirakçıları əvvəlcə
Gənclər Mərkəzinin foyesində məktəblilərin Xocalı faciəsinə həsr
etdikləri 50 rəsm əsərindən ibarət sərgi ilə tanış olublar. Xocalı soyqırımının
Azərbaycan tarixinə ən dəhşətli və faciəli səhifələrdən biri kimi daxil
olduğunu qeyd edən icra başçısı Rəcəb Babaşov uşaqların Xocalı faciəsini öz
gözləri ilə görmədiklərinə baxmayaraq çəkdikləri rəsmlərdə faciəni
canlandırdıqlarını, rəsmlərdə düşmənə nifrətin və Xocalıya ədalətin çox canlı
şəkildə əks olunduğunu bildirib. Xocalı faciəsinə həsr olunmuş
film nümayiş olunduqdan sonra faciə qurbanlarının əziz xatirəsi 1 dəqiqəlik
sükutla yad olunub. İcra başçısı qeyd edib ki,
Xocalı soyqırımının tanıdılmasında ulu öndər Heydər Əliyevin böyük xidmətləri
olmuşdur. Ümummilli
lider Heydər Əliyevin hakimiyyətə qayıdışından sonra Xocalı faciəsi ermənilərin
Azərbaycan xalqına qarşı həyata keçirdiyi soyqırımı aktı kimi təsbit olunmuş,
əsl həqiqət dünya dövlətlərinə və beynəlxalq təşkilatlara çatdırılmışdır. 26
fevralın Xocalı soyqırımı günü kimi qeyd olunması qərara alınmışdır. Respublika
Prezidenti İlham Əliyev tərəfindən Xocalı soyqırımının beynəlxalq aləmdə bütün
dünya ictimaiyyətinə çatdırılması istiqamətində görülən işlərdən söz açan rayon
rəhbəri bu istiqamətdə məqsədyönlü tədbirlərin həyata keçirildiyini qeyd edib.
2008-ci ildən Heydər Əliyev Fondunun vitse-prezidenti Leyla Əliyevanın
təşəbbüsü ilə "Xocalıya ədalət!” beynəlxalq təbliğat-təşviqat
kampaniyasına başlanılmasının bu istiqamətdə görülən işlərin bariz nümunəsi
olduğunu bildirib. Ölkə başçısının apardığı
məqsədyönlü və düşünülmüş siyasət nəticəsində işğal altında olan
torpaqlarımızın azad ediləcəyi günün uzaqda olmadığını bildirən rayon rəhbəri
bunun üçün Azərbaycanın güclü ordusunun olduğunu qeyd edib. Sonra şəhər 2 saylı Uşaq
Musiqi Məktəbinin müəllim və şagird kollektivinin ifasında "Cəzasız cinayət”
adlı ədəbi-bədii kompozisiya nümayiş olunub. Vəli VƏLİYEV, 1 mart 2019-cu il
Sonra Mərkəzin böyük zalında keçirilən tədbir Azərbaycan Respublikasının Dövlət
Himninin səsləndirilməsi ilə başlayıb.
"Respublika” qəzeti
Facebook-da paylaş