Qazaxda Nazirlər Kabineti yanında Operativ Qərargahın ictimai-iaşə müəssisələrinin iş müddəti ilə əlaqədar qərarına əsasən bir sıra obyektlərə baxış keçirilib
Bildiyiniz kimi, respublikamızda koronavirus infeksiyasının
yayılmasının qarşısının alınması istiqamətində görülən məqsədyönlü tədbirlər
davam etdirilir. Nazirlər Kabineti
yanında Operativ Qərargahın 21 mart 2020-ci il tarixli qərarına əsasən növbəti addım kimi Azərbaycan Respublikası ərazisində fəaliyyət
göstərən kafe, restoran, çayxana, internet klubları və adamların toplaşdığı
başqa ictimai-iaşə müəssisələrinin iş müddəti martın 22-dən başlayaraq səhər
saat 09.00-dan 15.00-dək müəyyən edilir. Məqsəd vətəndaşların təmas imkanlarını minimuma endirmək, eyni
zamanda zəruri qidalanma imkankarını da saxlamaqdır. İctimai iaşə
müəssisələrinə tətbiq olunan yeni iş rejiminə respublikamızın hər yerində
olduğu kimi, Qazaxda da əməl olunur. Nazirlər Kabineti yanında Operativ Qərargahın 21 mart 2020-ci il
tarixli qərarı ilə bağlı bu gün saat
15:00-dan saat 18:00-dək ilkin olaraq Qazax şəhərində fəaliyyət
göstərən bir sıra çayxana, restoran, kafe və internet klublarda canlı video
çəkilişlər aparılıb. Video
çəkilişlər zamanı baxış keçirilən çayxana, kafe, restoran və digər ictimai iaşə
obyektlərinin saat 15:00-dan etibarən bağlandığı müşahidə olunub. Bu
gün həmçinin koronavirus infeksiyasının yayılmasının qarşısının alınması
məqsədilə şəhər ərazisində dezinfeksiya işləri aparılan əhalinin sıx toplaşdığı
parklarda ("Fəxri qazaxlılar” və Mədəniyyət Mərkəzinin qarşısındakı park),
Şəhidlər Xiyabanında, Qazax Avtovağzalında, "Əsədoğlu” marketin qarşısında,
Bayraq Meydanında, kəndlərə gedən avtomobil yolunun kənarındakı dayanacaqlarda
və ətraf ərazilərdə video çəkilişlər həyata keçirilib. Bütün
video çəkilişlər Göyəzən.az internet portalının facebook səhifəsində canlı yayımlanıb. Oxucular https://www.facebook.com/profile.php?id=100013464840214 linkə daxil olmaqla bütün video çəkilişləri izləyə bilərlər. Qeyd: Nazirlər Kabineti yanında Operativ Qərargahın 23
mart 2020-ci il tarixli Məlumatına əsasən Azərbaycan
Respublikasında 24 mart 2020-ci il saat 00:00-dan etibarən 20 aprel saat
00:00-dək xüsusi karantin rejimi elan edilir. Bu müddət ərzində ictimai iaşə müəssisələrinə
yeni iş rejimi tətbiq olunacaq. Müştərilərə yerində xidmət vaxtı saat
12.00-15.00 arası müəyyən ediləcək. Evə götürmə, çatdırma və onlayn satışlara
məhdudiyyətsiz icazə veriləcək. Fəxri qazaxlılar parkı Şəhidlər xiyabanı
Qazax Avtovağzalı GOYEZEN.AZ
Facebook-da paylaş