2019-cu
ilin birinci yarısında ölkənin ümumi daxili məhsulu əvvəlki ilin eyni dövrü ilə
müqayisədə 2,4 faiz artaraq 37825,2 milyon manata çatmış, əhalinin hər nəfərinə
düşən ÜDM isə 3828,1 manata bərabər olmuşdur. ÜDM istehsalının 44,6 faizi sənayenin,
9,9 faizi ticarət, nəqliyyat vasitələrinin təmiri, 6,2 faizi nəqliyyat və anbar
təsərrüfatı sahələrinin, 5,9 faizi tikintinin, 5,6 faizi kənd təsərrüfatı, meşə
təsərrüfatı və balıqçılıq, 2,6 faizi turistlərin yerləşdirilməsi və ictimai iaşə,
1,7 faizi informasiya və rabitə sahələrinin, 14,5 faizi digər sahələrin payına
düşmüş, məhsula və idxala xalis vergilər ÜDM-in 9,0 faizini təşkil etmişdir. Bu
dövrdə informasiya və rabitə sahələrində əlavə dəyər 15,8 faiz, kənd təsərrüfatı,
meşə təsərrüfatı və balıqçılıq sahələrində 13,1 faiz, turistlərin yerləşdirilməsi
və ictimai iaşə sahələrində 3,3 faiz, sənayedə 2,9 faiz, ticarət, nəqliyyat vasitələrinin
təmiri sahələrində 2,8 faiz, nəqliyyat və anbar təsərrüfatı sahələrində 2,5
faiz, digər xidmət sahələrində 1,8 faiz artmış, tikintidə isə 11,2 faiz
azalmışdır. İqtisadiyyatın neft-qaz sektorunda istehsal olunmuş əlavə dəyər 1,3
faiz, qeyri neft-qaz sektorunda isə 3,2 faiz artmışdır. Rayonun
iqtisadiyyatının əsas göstəriciləri cədvəldə qeyd olunduğu kimidir:
min manatla
Göstəricinin adı |
2019-cu
ilin
yanvar-iyun
ayları |
2019-cu
ilin
yanvar-iyun ayları 2018-ci ilin
yanvar-iyun aylarına
nisbətən, faizlə |
Ümumi məhsul
buraxılışı |
121566,8 |
127,0 |
Sənaye məhsulunun
(işlərin xidmətlərin) ümumi həcmi |
18971,7 |
137,5 |
Əsas
kapitala yönəldilən investisiyalar |
32930,3 |
194,9 |
Kənd təsərrüfatının
ümumi məhsulu |
35972,4 |
117,9 |
Nəqliyyat sektorunda yük daşınması, min ton |
809,0 |
102,7 |
Nəqliyyat sektorunda
sərnişin daşınması, min. sərnişin |
8103,0 |
102,5 |
Poçt və rabitə
xidmətlərinin həcmi |
828,9 |
111,2 |
Pərakəndə əmtəə dövriyyəsi |
93774,5 |
101,6 |
Əhaliyyə göstərilən
ödənişli xidmətlər |
13496,4 |
102,1 |
Bir işçiyə hesablanmış orta aylıq əməkhaqqı
(manatla) |
351,2 |
114,8 |
Cədvəldən
göründüyü kimi yanvar-iyun ayları ərzində ümumi daxili məhsul əvvəlki ilin eyni
dövrünə nisbətən 27,0 faiz artmışdır. Yarımil ərzində bir işçiyə hesablanmış
orta aylıq əməkhaqqı 351,2 manat olmuşdur ki, bu da ötən ilin müvafiq dövründəkindən
14,8 faiz çoxdur. Rayonda yarımil ərzində məhsul buraxılışının strukturu
aşağıdakı kimidir:
ƏHALİ
İlin
əvvəlindən rayon əhalisinin sayı 0,2 faiz artaraq 97869 nəfərə çatmışdır. Əhalinin
hər bir kvadrat kilometrə düşən sayı 141 nəfər olmuşdur. Rayon
əhalisinin 21931 nəfəri şəhər, 75938 nəfəri isə kənd sakinləridir. Ümumi sayın 49,8 faizi kişilərin, 50,2 faizi isə qadınların payına düşür. Ədliyyə
Nazirliyinin rayon qeydiyyat şöbəsi tərəfindən altı ay ərzində 548 nəfər
doğulan körpə qeydə alınmış və bu göstərici əhalinin hər 1000 nəfərinə 5,6 təşkil
etmişdir. 2019-cu ilin yarımili ərzində 346 nəfər ölüm halı qeydə alınmışdır. Təbii artım 202 nəfər olmuşdur. Yanvar-iyun
ayları ərzində qeydiyyat şöbəsi tərəfindən 264 nikah və 51 boşanma halları qeydə alınmışdır. Əhalinin hər 1000 nəfərinə nikahların sayı 2,7, boşanmaların sayı isə
0,5 olmuşdur. Hesabat dövrü ərzində 39 nəfər rayona daimi yaşamaq üçün gələn
qeydə alınmışdır. Rayondan gedən isə
qeydə alınmamışdır. Miqrasiya saldosu müsbət 39 nəfər təşkil etmişdir. Hal-hazırda
rayonda 656 nəfər qaçqın, 8051 nəfər məcburi köçkün məskunlaşmışdır.
KƏND TƏSƏRRÜFATI
2019-cu
ilin yarımilində kənd təsərrüfatının ümumi məhsul istehsalının faktiki qiymətlərlə dəyəri 35972,4 min manat təşkil etmişdir ki, bundan 23744,2 min manatı heyvandarlıq, 12228,2 min manatı isə
bitkiçilik məhsullarının payına düşür. Əvvəlki ilin müvafiq dövrü ilə müqayisədə
kənd təsərrüfatı məhsulununistehsalı 17,9 faiz artmışdır. Kənd təsərrüfatının əsas
sahələrindən biri bitkiçilikdir. Qаzах rаyonu üzrə 2019-cu ilin məhsulu üçün 19804,0 hektar sahədə payızlıq və
yazlıq bitkilər əkilmişdir ki, əkin sahəsi keçən ilə nisbətən 889,0 hektar çox
olmuşdur. Əkilmiş sahənin 12555 hektarı payızlıq taxıl olmuşdur ki, ondan 8305
hektarı buğda, 4250 hektarı arpa sahəsidir. Keçən ilə nisbətən 610,2 hektar
payızlıq buğda az, 813,5 hektar payızlıq arpa isə artıq səpilmişdir. Rayon üzrə
cəmi əkin sahəsinin strukturu aşağıdakı kimidir:
2019-cu
ilin məhsulu üçün 765,0 hektar sahədə yazlıq dənlilər səpilmişdir ki, ondan
70,0 hektarı vələmir, 600,0 hektarı qarğıdalı, 3,0 hektarı darı, 92,0 hektarı
sorqo olmuşdur. Keçən ilə nisbətən yazlıq bitkilər 208,2 hektar az səpilmişdir.
Əkinlər hamısı əhali təsərrüfatları tərəfindən əkilmişdir. 2019-cu ilin məhsulu üçün payızlıq və yazlıq 13579
hektar dənlilər və dənli paxlalılar biçiləcək sahə vardır. Bu da keçən ilə nisbətən 49,1 hektar çoxdur. Biçiləcək
sahənin payızlıqlardan başqa 600 hektarı qarğıdalı, 3 hektarı darı, 70 hektarı
vələmir, 92 hektarı sorqo, 259 hektarı dənli paxlalılardır. Keçən ilə nisbətən
qarğıdalı 56,5 hektar çox, paxlalılar isə 44,2 hektar az olmuşdur. 147 hektar sahədə
yazlıq texniki bitkilər əkilmişdir. Əkilmiş sahənin 65 hektarı tütün, 82
hektarı günəbaxandır. Keçən illə müqayisədə tütün əkilmiş sahə 5 hektar çox,
günəbaxan əkilmiş sahə isə 36 hektar azdır. 2019-cu ildə rayonda 1924 hektar
sahədə kartof, tərəvəz və bostan məhsulları əkilmişdir ki, ondan 1320 hektarı
kartof, 554 hektarı tərəvəz, 50 hektarı bostan əkilmiş sahədir. Keçən illə
müqayisədə tərəvəz 61,9 hektar, kartof 234 hektar, bostan məhsullarının səpini
19 hektar çox olmuşdur. Tərəvəz əkilmiş sahənin 22 hektarını kələm, ondan 10 hektarını gül kələm, 115
hektarını xiyar, 167 hektarını pomidor, 6 hektarını xörək üçün yerkökü, 3
hektarını baş soğan, 11 hektarını sarımsaq, 69 hektarını badımcan, 44 hektarını
şirin bibər, 43 hektarını acı bibər, 75 hektarını göyərti əkilmiş sahə təşkil
etmişdir. Cəmi əkin sahəsinin 4154 hektarı yem bitkiləridir ki, ondan 795
hektarı cari il yoncası, 3359 hektarı isə keçmiş illərdə əkilmiş yoncadır. Keçən
illə müqayisədə cari ildə əkilmiş yonca 256,3 hektar, keçmiş illərdə əkilmiş
yonca 326,2 hektar artıq olmuşdur.
2019-cu il üçün əkin sahəsinin
2018-ci illə müqayisəli cədvəli
Sıra
№ |
Bitkinin adı |
Ölçü vahidi |
01 iyun
2019-cu il |
01 iyun 2018-ci il |
Fərq + - |
1 |
Taxıl
payızlıq |
hektar |
12555 |
12351,7 |
+203,3 |
2 |
Yazlıq
dənlilər |
hektar |
765 |
973,2 |
-208,2 |
3 |
Paxlalılar |
hektar |
259 |
303,2 |
-44,2 |
4 |
Texniki
bitkilər |
hektar |
147 |
106,0 |
+41 |
5 |
Kartof |
hektar |
1320 |
1086,0 |
+234 |
6 |
Tərəvəz |
hektar |
554 |
492,1 |
+61,9 |
7 |
Bostan |
hektar |
50 |
31,0 |
+19 |
8 |
Yonca |
hektar |
4154 |
3571,5 |
+582,5 |
|
Cəmi |
hektar |
19804 |
18914,7 |
+889,3 |
01 iyul 2019-cu il tarixə 8260 hektar taxıl sahəsi biçilmişdir ki, bunun 4101 hektarını buğda, 4159 hektarını isə arpa sahəsi təşkil
edir. Taxıl sahələrindən 25091,2 ton məhsul
əldə edilmişdir. Taxılın orta məhsuldarlığı 30,4 sentner olmuşdur. Buğda sahəsindən 14817 ton, arpa sahəsindən 10274,2
ton məhsul toplanmışdır. Buğdanın orta məhsuldarlığı
36,1 sentner, arpanın orta məhsuldarlığı isə 24,7 sentner olmuşdur. 130 hektar tərəvəz əkilmiş sahənin məhsulu
toplanmış, 2534,5 ton məhsul əldə edilmişdir ki, bundan 52 hektar xiyar əkilmiş sahədən 1144,0 ton, 50
hektar pomidar əkilmiş sahədən 1225,0
ton, 3 hektar badımcan əkilmiş sahədən 40,5 ton, 25 hektar sair tərəvəz əkilmiş sahədən isə 125,0 ton məhsul
əldə edilmişdir. Yarımil ərzində meyvə
bağlarından 2802,5 ton məhsul toplanmışdır. Hazırda sahələrdə işlər davam edir. Rayonda kümçülər tərəfindən 7667,5 kiloqram barama istehsal olunub təhvil verilmişdir. Yarımildə heyvandarlıq məhsulları
istehsalı 23744,2 min manata bərabər olmuşdur. Heyvandarlıq məhsulları
istehsalı aşağıdakı cədvəldə göründüyü kimidir:
S/N |
Məhsulun
adı |
Ölçü
vahidi |
2019-cu
ilin
yanvar-iyun
ayları |
2018-ci
ilin yanvar-iyun
ayları |
Fərq
+, - |
1 |
Ət (diri çəkidə) |
ton |
2766,2 |
2741,6 |
+24.6 |
2 |
Süd |
ton |
16748,0 |
15627,7 |
+1120.3 |
3 |
Yumurta |
min ədəd |
6006 |
5984 |
+22 |
4 |
Yun (fiziki
çəkidə) |
sentner |
2664 |
2650 |
+14 |
Heyvandarlıq məhsulları istehsalı əsasən əhali
təsərrüfatlarının hesabına olmuşdur. Mal-qaranın baş sayı aşağıdakı cədvəldəki kimidir:
|
Ölçü
vahidi |
01.07.2016 |
01.07.2017 |
01.07.2018 |
01.07.2019 |
01.07.2019
01.07.2018-ci ilə nisbətən faizlə |
İribuynuzlu
mal-qara |
baş |
30275 |
30291 |
30305 |
30326 |
100,1 |
O cümlədən: inək və camışlar |
baş |
16056 |
16234 |
16245 |
16451 |
101,3 |
Qoyun və keçilər |
baş |
141890 |
142929 |
143040 |
143070 |
100,0 |
SƏNAYE
2019-cu
ilin yarımilində rayonun sənaye təşkilatlarında fiziki şəxslər də daxil
olmaqla istehsal olunmuş malların və
göstərilmiş xidmətlərin həcmi keçən ilin müfaviq dövrünə nisbətən 37,5 faiz artaraq 18971,7 min manat
təşkil etmişdir. İstehsal edilmiş məhsulun 5451,8 min manatı, 28,7 faizi dövlət
sektorunun, 13519,9 min manatı, 71,3 faizi isə qeyri-dövlət sektorunun payına düşür. Ümumi istehsalın 74,9 faizi sənaye
məhsulunun istehsalı, 25,1 faizi isə sənaye xarakterli xidmətlərin göstərilməsi
hesabına yaradılmışdır. İstehsal edilmiş məhsulun çox hissəsi istehlakçılara
göndərilmiş, əvvəlki dövrlərdə yaranmış ehtiyatlar da nəzərə alınmaqla sənaye
müəssisələrinin anbarlarında 01 iyul 2019-cu il tarixinə 3149,7 min manatlıq hazır
məhsul qalmışdır. Sənaye sahəsində məhsul
istehsalının seksiyalar üzrə müqayisəsi aşağıdakı diaqramda göstərildiyi kimidir:
Mədənçıxarma sənayesində istehsalın dəyəri
9421,0 min manat olmaqla əvvəlki ilə nisbətən 16,3 faiz artmışdır. Mədənçıxarma
sahəsinin əsas məhsulu olan əmtəəlik bentonit gili istehsalı 125843 ton,
tikinti daşı istehsalı isə 16250 ton, əhəng daşı tozu istehsalı 5691,3 ton təşkil
etmişdir. Bentonit gili istehsalının həcmi natura ifadəsində əvvəlki ilin müvafiq dövrü ilə müqayisədə
57,9 faiz, tikinti daşı istehsalı isə 6,1 faiz artmışdır. Emal sənayesinə aid
olan müəssisələr tərəfindən 4065,6 min manatlıq məhsul istehsal olunmuş və sənaye xarakterli xidmətlər göstərilmişdir. Bu
ümumi məhsul istehsalının 21,4 faizini təşkil edir. 2019-cu
ilin yarımilində 6,0 min manatlıq xalça,
3690,4 min manatlıq mebel istehsal olunub satılmışdır. Elektrik enerjisi, qaz və
buxar istehsalı, bölüşdürülməsi və təchizatı sektorunda altı ay ərzində göstərilən xidmətlərin dəyəri 5182,3 min manat təşkil etmişdir.
Su təchizatı, tullantıların təmizlənməsi və emalı sektorunda istehsal edilmiş məhsulların
həcmi araşdırılan dövr ərzində 302,8 min manat təşkil etmişdir. Bu məhsul istehsalının 1,6 faizini təşkil edir. Sənaye
müəssisələrinin anbarlarında 2-ci rübün sonuna 2837,9 min manatlıq gil, 155,0
min manatlıq təmiz spirt, 80,2 min manatlıq konservləşmiş məhsul qalığı
olmuşdur. 2019-cu ilin yanvar-iyun ayları ərzində istehsal olunmuş sənaye məhsullarının
natura ifadəsi aşağıdakı kimidir:
Məhsulun adı |
Ölçü
vahidi |
2019-cu
ilin yanvar-iyun ayları |
Göndərilmişdir |
Məhsul qalığı |
2018-ci
ilin
yanvar-iyun ayları |
2019-cu ilin yanvar-iyun ayları
2018-ci
ilin yanvar-iyun aylarına nisbətən; faizlə
|
Tikinti daşı |
ton |
16250,0 |
16250,0 |
- |
14840,0 |
109,5 |
Gil (əmtəlik) |
ton |
125843,0 |
83621,0 |
186673,0 |
79681,0 |
157,9 |
Tikinti qumu |
ton |
4540,0 |
4540,0 |
- |
24378,0 |
18,6 |
Çınqıl |
ton |
- |
- |
- |
45902,0 |
- |
Əhəng
daşı tozu |
ton |
5691,4 |
5691.4 |
- |
3601,6 |
158,0 |
Təmiz spirt |
min dkl |
- |
- |
10,7 |
- |
- |
Dondurulmuş
meyvə |
ton |
46,0 |
25,6 |
111,2 |
- |
- |
Xalça |
kv.m |
60,0 |
60,0 |
- |
60,0 |
100,0 |
Yataq mebel
dəsti |
ədəd |
1565 |
1565 |
- |
1482 |
105,6 |
Qonaq
otağı üçün mebel |
ədəd |
1705 |
1705 |
- |
807 |
211,3 |
Elektrik enerjisi
(əmtəlik) |
qvt.s |
45,7 |
45,7 |
- |
41,7 |
109,6 |
Qaz (əmtəlik) |
mly.kub
metr |
54,0 |
54,0 |
- |
56,8 |
95,1 |
Su (əmtəlik) |
min kub
metr |
535,4 |
535,4 |
- |
486,4 |
110,1 |
2019-cu
ilin yanvar-iyun aylarında rayonda müəssisələr tərəfindən 16250 ton tikinti
daşı istehsal olunmuş və hamısı satılmışdır. Əmtəəlik gil istehsalı 125843 ton
olmuş, 83621 ton gil satılmış və 2019-cu ilin iyul ayının 1-i tarixinə əvvəlki
dövrlərdə yaranmış ehtiyatlar da nəzərə
alınmaqla 186673 ton gil qalığı olmuşdur. 2019-cu ilin iyul ayının 1-nə əvvəlki
dövrlərdə yaranmış 10684 dekalitr təmiz spirt qalığı olmuşdur. Altı ay ərzində 60 kvadratmetr xalça, mebel
istehsalı ilə məşğul olan müəssisələr tərəfindən 1565 ədəd yataq mebel dəsti,
1705 ədəd qonaq otağı üçün mebel, 4810 kreslo istehsal olunub satılmışdır. Konservləşmiş meyvə-tərəvəz
istehsalı 46,0 ton, satışı isə 25,6 ton olmuşdur. Yarımil ərzində rayonda 45700 min kilovat elektirik enerjisi,
54000 min kub qaz bölüşdürülmüş, 535,4 min kub su istehsal olunub satılmışdır. 2019-cu
ilin altı ayında rayonun sənaye müəssisələrində
çalışan muzdlu işçilərin orta siyahı sayı 1098 nəfər olmuşdur ki, bu da əvvəlki illə müqayisədə 90,6 faiz təşkil edir. İşçilərin
418 nəfəri dövlət, 680 nəfəri isə qeyri-dövlət
sektorunda çalışır. İşçilərin 292 nəfəri mədənçıxarma, 419 nəfəri emal, 227 nəfəri
elektrik enerjisi, qaz, buxar istehsalı, bölüşdürülməsi və təchizatı, 160 nəfəri
isə su təchizatı, tullantıların təmizlənməsi və emalı bölmələrində çalışmışdır. Sənaye müəssisələrində orta aylıq əməkhaqqı əvvəlki
illin müvafiq dövrü ilə müqayisədə 28,0 faiz artaraq 424,9 manat olmuşdur. Orta
aylıq əməkhaqqı dövlət sektorunda 414,6 manat, qeyri-dövlət sektorunda isə 430,5 manat təşkil etmişdir. Sənaye müəssisələrinə
yarımil ərzində 49 nəfər işçi qəbul edilmiş, 21 nəfər işdən azad edilmişdir.
ƏSASLI TİKİNTİ
2019-cu
ilin yarımili ərzində rayonda istifadəyə verilmiş əsas fondların dəyəri 7694,8 min manat olmuşdur. İqtisadi və sosial sahələrinin
inkişafı üçün bütün maliyyə mənbələrindən 32490,3 min manat vəsait yönəldilmişdir. Ümumi vəsaitin 31708,1 min manatı və ya 97,6
faizi tikinti quraşdırma işlərinə sərf edilmişdir. Altı ay ərzində 129 fərdi yaşayış evi tikilib istifadəyə
verilmişdir ki, bunun da 92-i kənd yerindədir.
Yaşayış evlərinin ümumi sahəsi 19779,3 kv/m,
yaşayış sahəsi isə 10245,6 kv/m təşkil etmişdir. İstifadəyə verilmiş yaşayış evlərinin
dəyəri 4944,8 min manatdır. Altı ay ərzində
ümumi sahəsi 670, kv.metr olan 12 mənzil
özəlləşdirilmişdir. Tikinti müəssisələri tərəfindən görülən inşaat işlərinin həcmi 1420,9 min
manat olmuşdur ki, bu da keçən ilin müvafiq dövrünə nisbətən 130,3 faiz təşkil edir. 2019-cu ilin yanvar-iyun ayları
ərzində tikinti sektorunda işçilərin orta siyahı sayı 162 nəfər olmuş orta
aylıq əməkhaqqı 5,2 faiz artaraq 302,1 manat
təşkil etmişdir.
İSTEHLAK BAZARI
Altı
ay ərzində rayonda 8 iri, 38 kiçik ticarət, xidmət müəssisəsi, 180 ticarət
yerinə malik kənd təsərrüfatı məhsulları bazarı və hüquqi şəxs yaratmadan fərdi
sahibkarlıqla məşğul olan 2642 fiziki şəxs
ticarət fəaliyyəti göstərmişdir. Altı ay ərzində istehlakçıların tələbatlarının ödənilməsi məqsədilə rayonun
istehlak bazarında əhaliyə 93774,5 min manatlıq istehlak malları satılmışdır. Əhaliyə göstərilən ödənişli xidmətlərin
həcmi 2018-ci ilin eyni dövrü ilə müqayisədə 2,1 faiz artaraq 13496,4 min manat
olmuşdur. Əvvəlki ilin eyni dövrü ilə
müqayisədə pərakəndə əmtəə dövriyyəsinin fiziki həcm indeksi 101,6 faiz olmuşdur.
Pərakəndə ticarətin quruluşu aşağıdakı kimidir
Rayonda
pərakəndə əmtəə dövriyyəsinin ümumi həcmi
93774,5 min manat olmuşdur. Pərakəndə əmtəə dövriyyəsinin 12,7 faizi hüquqi şəxslərin,
65,0 faizi kənd təsərrüfatı bazarının, əşya və qarışıq mallar yarmarkasının, 22,3 faizi hüquqi şəxs
yaratmadan sahibkarlıqla məşğul olan
fiziki şəxslər tərəfindən yaranmışdır. Yarımil ərzində rayon əhalisinin hər bir nəfəri tərəfindən ticarət şəbəkələrindən
959,3 manatlıq istehlak malları alınmışdır. Hər bir sakinə 138,1 manatlıq ödənişli xidmət
göstərilmişdir. Hüquqi və fiziki şəxslər
tərəfindən rayon əhalisinə 1305,8 min manatlıq iaşə xidmətləri göstərilmişdir. İaşə
xidmətlərinin həcmi keçən ilin eyni dövrünə nisbətən 5,0 faiz artmışdır.
NƏQLİYYAT
Rüb
ərzində nəqliyyat müəssisələri və fiziki şəxslər tərəfindən məhsul buraxılışının həcmi
3796,5 min manat olmuşdur ki, bu da ümumi məhsul buraxılışının 3,1 faizini təşkil
edir. Yük daşınmasının həcmi 809,0 min ton olmuş, bu da keçən ilin müvafiq
dövrü ilə müqayisədə 2,7 faiz çoxdur. Yarımil ərzində 8103,0 min nəfər sərnişin
daşınmışdır. Bu da keçən ilin müvafiq dövrü
ilə müqayisədə 2,5 faiz çoxdur.
RABİTƏ
2019-cu
ilin altı ayı ərzində rabitə sektorunda məhsul buraxılışının faktiki qiymətlərlə həcmi 828,9 min manat olmuşdur. Rabitə müəssisələri
tərəfindən əhaliyə 791,1 min manatlıq
xidmət göstərilmişdir. Hesabat dövründə əldə edilmiş gəlirin 7,3 faizi şəhərlərarası və beynəlxalq rabitədən, 16,3 faizi şəhər telefon rabitəsindən,
25,4 faizi kənd telefon rabitəsindən, 51,0 faizi isə internet xidmətindən əldə edilmişdir. Əhalidən əldə edilmiş gəlirin həcminin 7,0 faizi şəhərlərarası və beynəlxalq telefon rabitəsindən, 15,0 faizi şəhər telefon rabitəsindən, 22,5
faizi kənd telefon rabitəsindən, 55,5 faizi internet xidmətindən olmuşdur. Altı ay ərzində poçt rabitəsindən 250,4
min manatlıq gəlir əldə olumuşdur ki,
bunun da 235,2 min manatı əhali tərəfindən ödənilmiş xidmətlərin dəyəridir. Altı ay ərzində göndərilən məktub korrespondensiyasının sayı 14866
ədəd, bunlardan 12 ədədi ölkə xaricinə göndərilmiş, daxil olanların sayı isə 16184 ədəd olmuşdur ki, bunlardan 13 ədədi ölkə xaricindən daxil olmuşdur. Poçt müəssisələri tərəfindən 1888 ədəd poçt bağlaması göndərilmişdir ki, 24 ədədi
xarici ölkələrə göndərilmiş, 1829 bağlama
isə daxil olmuşdur ki, bundan 28 ədədi ölkə xaricindən daxil olmuşdur.
ƏMƏK BAZARI
Əhalinin iqtisadi fəallığına dair keçirilən müayinənin
nəticələrinə əsasən hal-hazırda rayonda 56,2 min nəfər iqtisadi fəal əhali,
2535 nəfər işsiz əhali vardır. İqtisadi fəal əhalinin 53,6 min nəfəri
iqtisadiyyatda məşğul olanlardır. Altı ay ərzində 1659 nəfər məşğulluq
orqanlarına müraciət etmiş, ondan 768 nəfəri işlə təmin olunmuşdur. 01 iyul
2019-cu il tarixə 509 nəfər məşğulluq orqanlarında rəsmi qeydiyyatda olan işsiz,
6 nəfər isə işsizlik müavinəti alan şəxs vardır. Məşğul əhalinin 10728 nəfəri və
yaxud 20,0 faizi muzdla işləyir. Muzdla işləyənlərin 3988 nəfəri maddi istehsal
sahələrində, 6740 nəfəri isə xidmət sahələrində
çalışır. Mülkiyyət növləri üzrə muzdla işləyən işçilərin 68,1 faizi dövlət, 31,9 faizi qeyri-dövlət mülkiyyətnə məxsus
subyektlərdir. İqtisadi fəaliyyət növlərinə
uyğun olaraq muzdla işləyən işçilərin 453 nəfəri, 4,2 faizi kənd təsərrüfatında,
1098 nəfəri, 10,2 faizi sənayedə, 162 nəfəri, 1,5 faizi tikintidə, 2246 nəfəri,
20,9 faizi ticarət və turizmdə, 385 nəfəri,
3,6 faizi nəqliyyat sahəsində, 133 nəfəri, 1,2 faizi rabitədə, 84 nəfəri 0,8
faizi maliyyə və sığorta fəaliyyətində, 650 nəfəri, 6,1 faizi dövlət idarəetməsi və məcburi sosial təminatda, 3140 nəfəri, 29,3 faizi təhsildə,
1428 nəfəri, 13,3 faizi səhiyyədə, 949 nəfəri, 8,9 faizi digər sosial xidmət sahələrində
çalışmışdır.
Muzdla işləyənlərin strukturu
2019-cu
ilin yarımilində rayonun iqtisadiyyatında muzdla çalışan işçilərin orta aylıq
nominal əməkhaqqı 2018-ci ilə nisbətən 14,8 faiz artaraq 351,2 manat
təşkil etmişdir. Dövlət müəssisələrində çalışanların əməkhaqları 359,8 manat,
özəl müəssisələrdə çalışanların əməkhaqları isə 332,8 manat olmuşdur. Mədənçıxarma
sənayesində, maliyyə və sığorta fəaliyyəti sahəsində orta aylıq əməkhaqqı rayon
üzrə orta göstəricidən yüksək olmuşdur.
YENİ İŞ YERLƏRİNİN AÇILMASI
"Azərbaycan Respublikası Regionlarının sosial iqtisadi inkişafı Dövlət Proqramı”na uyğun olaraq rayonda yeni iş yerlərinin açılması ardıcıl olaraq davam edir. 2019-cu ilin
yanvar-iyun aylarında rayonda 545 daimi iş yeri açılmışdır ki, ondan 14-ü
yeni yaradılmış, 56-ı mövcud müəssisə və
təşkilatlarda, 469-u isə qeydiyyatdan keçən fiziki şəxslər tərəfindən
açılmışdır.
Faiq PAŞAYEV,
Qazax Rayon Statistika İdarəsinin rəisi
Facebook-da paylaş