Qazax Sement Zavodunun kollektivi imkansız ailələri sevindirir
Respublika
mətbuatı Qazax haqqında Ölkəmizdə koronavirus (COVID-19) infeksiyasının
yayılmasının qarşısının alınması ilə bağlı Azərbaycan Respublikası Nazirlər
Kabineti yanında Operativ Qərargah tərəfindən verilən qərarlar Qazax rayonunda
da uğurla icra olunur. Xüsusilə Heydər Əliyev Fondunun bu infeksiyanın
qarşısının alınması üzrə tədbirlər çərçivəsində başladığı sosial layihəyə indi
rayonda fəaliyyət göstərən onlarca müəssisə də qoşulmuşdur. Belə müəssisələrdən
biri də "Qazax Sement Zavodu” MMC-dir. Müəssisənin kollektivi "Evdə qal, sağlam ol!”
çağırışını əldə rəhbər tutaraq Qazaxda yaşayan və yaşı 65-dən yuxarı olan tənha
insanlara yardım etməyə başlamışdır. Kollektiv qısa vaxt ərzində 129 nəfəri
ərzaq məhsulları ilə təmin etmişdir. Xeyirxah iş rayonun Bala Cəfərli, Quşçu
Ayrım, Qarapapaq və s.kəndlərində də həyata keçirilmişdir. Özündə həmrəyliyi, birliyi əks etdirən bu
təşəbbüs ziyarət olunan sakinlər tərəfindən yüksək qiymətləndirilmiş və onları
gündəlik tələbat malları ilə təmin edən zavod rəhbərliyinə razılıqlarını
bildirmişlər. Sabir ƏLİYEV, "Azərbaycan” qəzetinin bölgə müxbiri 9 aprel
2020-ci il
Facebook-da paylaş