Heydər Əliyev Fondu Qazaxda daha bir məktəb inşa etdirir
RESPUBLİKA MƏTBUATI QAZAX
HAQQINDA Azərbaycan
təhsilinin inkişafında əvəzsiz xidmətlər göstərən Heydər Əliyev Fondu 3 aya
yaxındır ki, Qazax rayonunun Kosalar kəndində daha bir məktəbin tikintisinə
başlamışdır. Xalq yazıçısı İsmayıl Şıxlının adını daşıyan məktəb
1176 şagirdlikdir. Layihəyə əsasən təhsil ocağında müasir standartlara cavab
verən şərait nəzərdə tutulmuşdur. İş icraçısı Əhməd Rəhimov görülən işlər
barədə məlumat verərək dedi ki, artıq əsas binanın və keçidlərin dam örtüyünün
vurulması başa çatmışdır. Üçmərtəbəli binanın arakəsmələri hörülmüş, suvaq
işləri yekunlaşmış, istilik sistemi, elektrik xətləri çəkilmiş, santexnika
işləri görülmüşdür. Tədris ocağının qapı və pəncərələri də qoyulmuşdur. Hazırda
divarlarda astar və üzlük vurulması işləri aparılır. Yaxın günlərdə alçipanın vurulmasına
başlanacaq. Bunlardan əlavə, məktəbin akt zalı və yeməkxanası üçün
nəzərdə tutulan binalarda söküntü və suvaq işləri başa çatdırılmış, ətrafına
hasar çəkilmişdir. İdman zalında isə suvaq işləri yekunlaşmaq üzrədir. Məktəbin təhlükəsizliyini təmin etmək məqsədilə
binanın arxa hissəsində 160 kubmetrlik 2 yanğından mühafizə və 100 kubmetrlik
içməli su hovuzları, nasosxana, qazanxana inşa edilmişdir. Həmçinin kənd
sakinlərinin, eləcə də idmançıların istəyi nəzərə alınaraq məktəbin ərazisində
əlavə güləş məktəbinin inşasına start verilmişdir. Sabir ƏLİYEV, "Azərbaycan” qəzetinin bölgə müxbiri 26 oktyabr 2019-cu il
Facebook-da paylaş