Qazax Rayon Mədəniyyət Mərkəzində Xocalı soyqırımının 28-ci ildönümünə həsr olunmuş “Dönə-dönə xatırlayın” adlı tədbir keçirilib
Bu gün Qazax Rayon Mədəniyyət Mərkəzində Xocalı soyqırımının 28-ci ildönümü
ilə əlaqədar "Dönə-dönə xatırlayın” adlı tədbir keçirilib. Tədbirdə Mədəniyyət Mərkəzinin, Mərkəzi Kitabxananın, muzeylərin,
Qazax şəhər 1 və 2 nömrəli Uşaq Musiqi Məktəblərinin işçiləri iştirak ediblər. Tədbirdə əvvəlcə Xocalı soyqırımı qurbanlarının xatirəsi bir dəqiqəlik
sükutla yad olunub. Ağstafa Regional Mədəniyyət İdarəsinin Qazax rayonu üzrə nümayəndəsi
Valeh Vəliyev tədbiri giriş sözü ilə açaraq qeyd edib ki, 26 fevral 1992-ci ildə
Azərbaycan yalnız ərazi itkisi ilə üzləşmədi, həm də əsrin misli görünməyən
faciələrindən birini yaşamağa məhkum oldu. O, Xocalı haqqında həqiqətlərin dünyaya
çatdırılmasından, bu faciənin xalqımıza qarşı soyqırımı aktı kimi tanınması
üçün Azərbaycan dövləti tərəfindən bütün zəruri addımların atılmasından da
danışıb. Bu sahədə məqsədyönlü fəaliyyətin Ümummilli Lider Heydər Əliyevin Azərbaycanda
siyasi hakimiyyətə qayıdışından sonra geniş vüsət tapdığını, Ulu Öndərin təşəbbüsü
ilə Xocalı soyqırımına siyasi-hüquqi qiymət verildiyini, fevralın 26-nın Xocalı
Soyqırımı Günü elan edildiyini bildirib. 2008-ci ildən Heydər Əliyev Fondunun
vitse-prezidenti Leyla Əliyevanın təşəbbüsü ilə başlanılmış "Xocalıya ədalət!”
beynəlxalq kampaniyasının bu istiqamətdə təbliğat işini daha da fəallaşdırdığını
qeyd edib. Faciə ilə əlaqədar dəhşətli faktların bu kampaniya çərçivəsində
aparılan işlər sayəsində geniş beynəlxalq ictimaiyyətə çatdırıldığını
vurğulayıb.
Tədbirdə iştirak
edən Mədəniyyət İşçiləri Həmkarlar İttifaqı Qazax Rayon Komitəsinin sədri İsgəndər
Qurbanov, Mədəniyyət Mərkəzinin metodistləri Məfrubə Mehdiyeva, Zülfiyyə Mürsəlova,
Qazax Dövlət Rəsm Qalereyasının direktoru Münəvvər Xəlilova, Qazax şəhər 1 nömrəli
Kitabxana filialının müdiri Fəridə Xuduyeva və başqaları çıxış edərək ölkə rəhbərliyinin apardığı uğurlu siyasət nəticəsində
Dağlıq Qarabağ probleminin sülh yolu ilə həll olunacağı, işğal altında olan torpaqlarımızın
azad ediləcəyi və şəhidlərimizin ruhunun rahatlıq tapacağı günün uzaqda
olmadığını bildiriblər.
GOYEZEN.AZ
Facebook-da paylaş