Qazaxda məcburi köçkünlər üçün salınmış yeni qəsəbədə “Uşaqlarla sevinək” adlı bayram tədbiri keçirilib
Bu gün Qazax Rayon Heydər
Əliyev Mərkəzi və Qazaxbəyli kəndində məcburi köçkünlər üçün salınmış yeni
qəsəbədə məskunlaşmış Aşağı Əskipara kənd tam orta məktəbin birgə
təşkilatçılığı, Mədəniyyət İşçiləri Həmkarlar İttifaqı Qazax rayon Komitəsinin dəstəyi
ilə həmin məktəbin birinci sinif şagirdləri üçün 31 Dekabr - Dünya
Azərbaycanlılarının Həmrəylik Günü və Yeni il bayramları münasibətilə
"Uşaqlarla sevinək” adlı bayram tədbiri keçirilib. Mərkəzin direktoru Ceyhunə
Hüseynova çıxış edərək körpə fidanları əlamətdar bayramlar münasibətilə təbrik
edib, 31 Dekabr - Dünya Azərbaycanlılarının Həmrəylik Gününün yaranma
tarixindən danışıb. Qeyd edib ki, XX yüzillikdə xalqa rəhbərlik kimi
məsuliyyətli missiyanı üzərinə götürən Ulu Öndər bu işin öhdəsindən yüksək
məharətlə, böyük əzm və şərəflə gəlmiş, öz xalqını bir bayraq altında
birləşdirərək bütün dünyaya səpələnmiş azərbaycanlıları bir olmağa, həmrəy olmağa
səsləyərək vahid bir xalq kimi həmişə Vətənimiz Azərbaycan üçün çalışmağa
çağırmışdır. Dünya azərbaycanlılarının birliyini yaratmağın əhəmiyyətini nəzərə
alaraq 1991-ci ilin 16 dekabrında dekabrın 31-ni Dünya
Azərbaycanlılarının Həmrəylik Günü elan etmiş, beləliklə, bütün azərbaycanlılar
üçün əziz olan bu gün bütün dünyada millətimizin və xalqımızın birlik,
həmrəylik bayramı kimi qeyd edilir. Bu gün bu bayram dünyanın 70-dən çox
ölkəsində azərbaycanlılar tərəfindən qeyd olunur və ayrı-ayrı ölkələrdə yaşayan
azərbaycanlılar bir–biri ilə əlaqələr qurur, aralarında birlik və həmrəylik yaratmaqla
doğma Azərbaycana töhfələr verirlər. O, Ulu Öndərin əsasını
qoyduğu azərbaycançılıq ideologiyasının Qazax Rayon Heydər Əliyev Mərkəzinin
əməkdaşları tərəfindən də yüksək səviyyədə təbliğ olunduğunu diqqətə çatdırıb.
Bu gün bayram sevincini birlikdə bölüşmək məqsədilə Qazaxbəyli kəndində məcburi
köçkünlər üçün salınmış yeni qəsəbədə fəaliyyət göstərən Aşağı Əskipara kənd
tam orta məktəbində keçirilən bayram tədbirini Ümummilli Liderin miras qoyduğu
ənənələrə sadiqliyin bariz nümunəsi kimi qeyd edib. Sonra birincilərdən Ömər Məmmədli,
Fatma Alıyeva, Hüseyn Alıyev, Fazil Nəsibov, Elcan Mustafayev və başqalarının
hazırladıqları şeirlər dinlənilib, onlarla birlikdə mahnılar oxunub. Tədbirdə
MİHİ Qazax rayon Komitəsi tərəfindən uşaqlara bayram sovqatları təqdim edilib. Sonda məktəbin təlim-tərbiyə
işləri üzrə direktor müavini Nərminə Namazova və ibtidai sinif müəllimi Turanə Rüstəmova
tədbirin təşkilatçılarına minnətdarlıqlarını bildiriblər. Bu cür tədbirlərin
uşaqlarda böyük sevinc hissi yaratdığını qeyd ediblər. GOYEZEN.AZ
Facebook-da paylaş