Qazaxda ulu öndər Heydər Əliyevin anadan olmasının 96-cı ildönümü ilə əlaqədar “Açıq qapı” günləri elan olunub
Azərbaycan
xalqının tarixində və taleyüklü məsələlərin həllində müstəsna xidmətləri olan
tarixi şəxsiyyət, görkəmli siyasət və dövlət adamı Heydər Əliyevin
anadan olmasının 96-cı ildönümü ilə əlaqədar Qazax rayon Heydər
Əliyev Mərkəzində 25 aprel-10 may 2019-cu il tarixlərində "Açıq qapı”
günləri elan olunub. Həmçinin, ulu öndərə həsr olunmuş silsilə tədbirlərə start
verilib. "Açıq qapı”
günlərində rayonun bütün idarə, müəssisə və
təşkilatların kollektivləri, təhsil, mədəniyyət, səhiyyə sahəsində çalışan
işçilər, rayon məktəbliləri, ictimaiyyət nümayəndələri ümummilli lider Heydər Əliyevin xatirəsinə hörmət
və ehtiram əlaməti olaraq Onun abidəsini ziyarət edir, muzeyə
ekskursiya edərək dahi şəxsiyyətin keçdiyi ömür yolu, xalqımızın tarixi
taleyində, mənəvi, siyasi və ictimai həyatında, dövlət quruculuğunda misilsiz
xidmətlərindən bəhs edən mühazirələr dinləyirlər. Fenomenal şəxsiyyətə həsr
olunmuş "Sən əlçatmaz zirvəsən” başlıqlı kitab və jurnallardan ibarət sərgi ilə
tanış olur, filmlərə baxırlar. 25 apreldən start
götürən "Açıq qapı” günlərində Qazax şəhər S.Əfəndiyev adına 1 saylı tam orta
məktəbin, Q.Hacımahmudova adına şəhər ümumi orta məktəbin və Ş.Çobanov adına Ağköynək
kənd tam orta məktəbin şagird və müəllimlərindən ibarət 190 nəfər ekskursiyaçı
muzeyə gələrək dahi insanın abidəsini ziyarət edib, Onun həyat və siyasi
fəaliyyəti haqqında mühazirələr dinləyib və filmə baxıblar. GOYEZEN.AZ
Facebook-da paylaş