İcra başçısı Səməd Vurğun və Molla Pənah Vaqif küçələrində görülən işlərlə maraqlanıb
Son illər cənab
Prezident İlham Əliyevin rəhbərliyi altında qəbul olunmuş regionların sosial-iqtisadi inkişafı Dövlət
Proqramlarının uğurlu icrası nəticəsində paytaxt Bakı ilə yanaşı, respublikamızın
bütün bölgələri gündən-günə inkişaf edir. Sevindirici haldır ki, ölkə
başçısının qayğısını, dəstəyini hiss edən rayonlarımızdan biri də Qazax
rayonudur. Dövlət başçısının və rayon rəhbərliyinin diqqəti, qayğısı sayəsində son
illər rayonda yeni asfalt yollar çəkilir, əhalinin mənzil-məişət şəraiti
yaxşılaşdırılır, çoxmənzilli yaşayış binaları təmir olunur. Rayonda çoxsaylı
məktəb binaları, körpələr evi-uşaq bağçaları tikilir, təmirə ehtiyacı olan
məktəblər əsaslı şəkildə yenidən qurulur. Bütün bunlar isə Qazaxda ildən-ilə
geniş vüsət alan abadlıq və quruculuq işlərinin bariz nümunəsidir. Ölkə rəhbərinin
qayğısı nəticəsində "Azərsu” Açıq Səhmdar Cəmiyyəti tərəfindən Qazaxda
şəhərin içməli su və kanalizasiya sisteminin yenidən qurulması da rayonun
abadlaşması deməkdir. Bunu şəhərdə paralel olaraq aparılan su və kanalizasiya
xətlərinin çəkilişi ilə yanaşı, çəkiliş başa çatan Molla Pənah Vaqif və Səməd Vurğun küçələrində aparılan abadlıq işləri, yeni asfalt örtüyün döşənməsi əyani şəkildə sübut edir. Həyata keçirilən
quruculuq işləri onu söyləməyə əsas verir ki, qısa zaman kəsiyində Qazax müasir
yolları ilə yeni görkəm alaraq respublikamızın abad rayonlarından birinə
çevriləcək. Bu gün Qazax Rayon İcra Hakimiyyətinin başçısı Rəcəb Babaşov su-kanalizasiya sisteminin çəkilişi yekunlaşan, yeni asfalt örtüyü döşənən S.Vurğun və M.P.Vaqif küçələrində görülən abadlıq işlərinin mövcud vəziyyəti ilə maraqlanıb. Rayon rəhbərliyinə məlumat verilib ki, S.Vurğun küçəsi
döngə 6 ünvanında artıq səkilərdəki köhnə bardürlər sökülərək yenilənib, asfalt
örtüyü döşənib. Elektrik, rabitə və qaz xətləri səliqəyə salınıb, dayaqlar və
ağaclar rənglənib. Küçənin asfaltlanması və digər abadlıq işləri də sürətlə
davam etdirilir. Görülən işlərlə tanış olan icra
başçısı ümumiyyətlə S.Vurğun küçəsi boyunca elektrik, rabitə və qaz xətlərinin səliqəyə
salınmasını, dayaqların rənglənməsini qeyd edib. Görülən işlərin keyfiyyətinə
üstünlük verilməsini bildirib. Bununla bağlı aidiyyatı üzrə tapşırıq və
tövsiyələrini verib. S.Vurğun küçəsi döngə 6 M.P.Vaqif küçəsi GOYEZEN.AZ
Facebook-da paylaş