Vətəndaş yazır: "Biz Sizin gücünüzdən güc alırıq, Azərbaycan dövləti Sizin sayənizdə güclüdür"
Hörmətli cənab Prezident. Valideyn öz övladını qol açıb
qucaqladığı kimi, Siz də koronavirus pandemiyasının dünyanı cənginə aldığı
çətin günlərdə Azərbaycan xalqını öz diqqətinizlə, qayğınızla əhatə etdiniz.
Sizə minnətdaram. Siz əbəs yerə deməmisiniz ki, mən
hər bir azərbaycanlının Prezidentiyəm, hər bir azərbaycanlının yanındayam.
İnsanın sağlamlığı hər şeydən üstündür. Biz Sizin gücünüzdən güc alırıq.
Azərbaycan dövləti Sizin sayənizdə güclüdür. Cənab Prezident, Siz yaşı 65-dən
yuxarı olan məhbusları azad etdiniz, onları bağışladınız, neçə-neçə ailəni
sevindirdiniz. Ulu Tanrı bağışlamağı və bağışlayanı sevir. Biz inanırıq ki, Sizin rəhbərliyiniz
və göstərişləriniz sayəsində Azərbaycan xalqı bu çətin vəziyyətdən də uğurla
çıxacaqdır. Sizin sayənizdə biz tezliklə Kəlbəcərə də qovuşacağıq. Biz birlikdə
güclüyük. Hazırda müəllim işlədiyim Qazax rayonu, E.Cəfərov adına Çaylı kənd 2
saylı tam orta məktəbin müəllim kollektivi adından Sizə minnətdarlığımı
bildirirəm. Ulu Tanrı Sizi qorusun. Hörmətlə, Cəlilov Mətləb Cavanşir oğlu, Kəlbəcər rayonundan
məcburi köçkün. Azərbaycan
Respublikası, Qazax rayonu, Çaylı kəndi. 25 aprel
2020-ci il
Facebook-da paylaş