Milli Məclisin deputatı Səməd Seyidov Qazaxda qayğıya ehtiyacı olan ailələrə dəstək olub
Ölkə Prezidenti cənab İlham
Əliyevin rəhbərliyi altında Azərbaycan Respublikası Nazirlər Kabineti yanında
Operativ Qərargah tərəfindən dünyanı cənginə alan koronavirus (COVID-19)
infeksiyasının Azərbaycanda geniş yayılmasının qarşısının alınması, insanların
sağlamlığının qorunması ilə bağlı təxirəsalınmaz tədbirlər həyata keçirilir. Dövlət başçısının ölkəmizdə
koronavirus pandemiyasına qarşı mübarizə məqsədilə verdiyi qərarlar, aparılan məqsədyönlü
tədbirlər, xüsusilə də ölkə rəhbərinin "Biz birlikdə
güclüyük!” çağırışı bu gün hər birimiz üçün örnəkdir və vətəndaşlarımız tərəfindən böyük rəğbətlə
qarşılanır. Dövlətimizin başçısının xalqımıza olan qayğısının bariz nümunəsi
kimi qiymətləndirilir. Ölkə Prezidenti cənab İlham Əliyevin "Biz birlikdə güclüyük!”
çağırışına qoşulanların sayı getdikcə artır. Respublikamızın hər yerində
olduğu kimi, Qazaxda da "Biz birlikdə güclüyük!” devizi altında keçirilən
xeyriyyə aksiyaları geniş vüsət alıb. Ölkə Prezidentinin "Biz birlikdə güclüyük!” çağırışına və Qazax Rayon İcra Hakimiyyətinin təşəbbüsünə Milli Məclisin deputatı Səməd Seyidov da qoşulub. Hər zaman qazaxlıların, həmyerlilərinin
yanında olan S.Seyidov birlik, həmrəylik nümayiş etdirərək onlarla olduğunu bir
daha göstərib. O, koronavirus pandemiyası dövründə xüsusi karantin rejiminin tətbiq
olunması ilə əlaqədar Qazaxda məcburi köçkün ailələrinə və qayğıya ehtiyacı
olan aztəminatlı ailələrə dəstək olub. Bu gün Qazax
Rayon İcra Hakimiyyətinin başçısı Rəcəb Babaşov və Milli Məclisin deputatı Səməd Seyidov rayonun işğal olunmuş Barxudarlı,
Sofulu kəndlərindən
məcburi köçkün olan ailələrlə, eləcə də Orta Salahlı kəndində qayğıya ehtiyacı olan aztəminatlı
ailələrlə görüşüblər. İcra başçısı Rəcəb Babaşov ölkəmizdə
koronavirus pandemiyasının geniş yayılmasının qarşısının alınması, əhalinin
sağlamlığının qorunması ilə bağlı görülən işlərin xalqımız tərəfindən yüksək
qiymətləndirildiyini bildirib. Rayon rəhbəri dövlət başçısının və Azərbaycan
Respublikasının Birinci vitse-prezidenti Mehriban xanım Əliyevanın azərbaycanlıların
hər zaman, xüsusilə çətin anlarda bir-birilərinə, böyüklərimizə mərhəmətlə,
qayğı və həssaslıqla yanaşılması ilə bağlı çağırışlarına bu gün hər bir ölkə vətəndaşının
qoşulduğunu qeyd edib. Rayon rəhbəri bu günə kimi Qazax Rayon İcra Hakimiyyəti, eləcə
də "Qazax” Xeyriyyə İctimai Birliyinin üzvləri tərəfindən ümumilikdə 5 mindən çox aztəminatlı ailəyə dəstək
olunduğunu bildirib. Bu gün Səməd Seyidov tərəfindənBarxudarlı
kəndindən məcburi köçkün olan 42 ailəyə, Sofulu kəndindən məcburi köçkün olan
20 ailəyə, Orta Salahlı kəndində isə 98 ailə olmaqla, ümumilikdə 160 aztəminatlı
ailəyə gündəlik
tələbatlarını ödəyəcək ərzaq məhsullarından ibarət sovqatların verilməsini dövlət
qayğısının davamı kimi qiymətləndirib. Milli Məclisin deputatı Səməd Seyidov çıxış edərək bildirib ki, bu
gün hər birimizin ölkə başçısının "Biz birlikdə güclüyük!” çağırışına səs verməsi,Qazax Rayon İcra Hakimiyyətinin və "Qazax” Xeyriyyə İctimai Birliyinin başladığı xeyriyyə aksiyasına qoşulması, qayğıya ehtiyacı olan
insanlarımıza dəstək olması bir daha onu göstərir ki, Azərbaycan xalqı hər zaman
çətin məqamda yumruq kimi birləşməyi bacarıb və bundan sonra da bacaracaq.
Çünki biz bu gücü, əzmi ölkə başçısından alırıq. Onun qətiyyətli addımları sayəsində
bütün çətinliklərin öhdəsindən layiqincə gələ bilirik. Dövlət başçısının müdrik
və uzaqgörən siyasəti sayəsində Azərbaycan dövləti bütün dünyada öz gücünü,
qüdrətini nümayiş etdirə bilir. "Bu gün mən də özümə borc bildim ki, doğma el-obamda
qayğıya ehtiyacı olan insanların yanında olum, onlara tək olmadıqlarını hiss
etdirim”, - deyən S.Seyidov hər zaman dəstək olmağa hazır olduğunu bildirib. "Gənc Könüllülər”in də
iştirak etdiyi, özündə birliyi, həmrəyliyi, dövlət qayğısını əks etdirən bu
nəcib təşəbbüs və aksiya vətəndaşlar tərəfindən də böyük razılıqla qarşılanıb. Barxudarlı
kənd sakinlərindən Niyazi Hüseynov, Yusif Həsənov, Orta Salahlı kənd sakinləri
Nəbi Babacanov, Rəcəb Abdulkərimov çıxış edərək onlara
göstərilən diqqət və qayğıya görə ölkə başçısına, Birinci vitse-prezidentə minnətdarlıqlarını
bildiriblər. Dövlət başçısının "Biz birlikdə güclüyük!” çağırışına dəstək olaraq, hər
zaman həmyerililərin yanında olan Səməd Seyidova təşəkkürlərini çatdırıblar.
Dövlətin dəstəyini hər an hiss etdiklərini qeyd edən sakinlər bu gün bunun bir
daha şahidi olduqlarını dilə gətiriblər. Barxudarlı və Sofulu kəndlərindən məcburi köçkün olan ailələrlə görüş
Orta Salahlı kəndində qayğıya ehtiyacı olan aztəminatlı ailələrlə görüş GOYEZEN.AZ
Facebook-da paylaş