Qazaxda mədəniyyət müəssisələri dezinfeksiya olunub
Qazaxda koronavirus (COVID-19) infeksiyasının
yayılmasının qarşısının alınması məqsədilə həyata keçirilən növbəti dezinfeksiya işləri bu gün
rayonda fəaliyyət göstərən mədəniyyət müəssisələrində aparılıb. Dezinfeksiya
işləri xüsusi karantin rejimi dövrü bitənədək şəhər və rayonların yaşayış
məntəqələrinin ərazilərində koronavirus infeksiyasına qarşı müəyyən edilmiş
tələblərə riayət edilməklə yerinə yetirilib. Ağstafa Regional Mədəniyyət İdarəsinin Qazax rayonu
üzrə nümayəndəliyi, Rayon Mədəniyyət Mərkəzi,Mərkəzləşdirilmiş Kitabxana Sisteminin E.Hüseynov
adına Mərkəzi Kitabxanası, MKS-nin Mərkəzi
Kitabxanasının Uşaq şöbəsi, Qazax Dövlət Dram Teatrı, Qazax Dövlət Rəsm
Qalereyası, Qazax Tarix-Diyarşünaslıq Muzeyi, şəhər 2 nömrəli Uşaq Musiqi Məktəbi dezinfeksiya olunub. Mədəniyyət müəssisələri Qazax
Rayon Gigiyena və Epidemiologiya
Mərkəzinin əməkdaşları tərəfindən koronavirus
infeksiyasına qarşı suya xüsusi dezinfeksiyaedici maddələr qatılmış
məhlulla əl aparatı ilə dərmanlanıb. Onu da qeyd edək ki, istər əl aparatı vasitəsilə,
istərsə də maşınla aparılan bütün dezinfeksiya işləri təlimata uyğun olaraq
həyata keçirilir. Mərkəzin əməkdaşları tərəfindən Xloromin B, xlorlu əhəng və Bromosepto-DEZ adlı
dezinfeksiyaedici maddələrdən istifadə olunaraq xüsusi məhlul hazırlanır.
Qapalı müəssisələrdə və yaşayış binalarında əl aparatları vasitəsilə aparılan
dezinfeksiya işlərində əsasən Xloromin B və Bromosepto-DEZ maddələrindən
istifadə edilir. 20 litr tutumu olan əl aparatında 20 litr suya qram hesabı ilə
200 qram Xloromin B, 200 qram Bromosepto-DEZ (10
litr suya hər maddədən 100 qram olmaqla) qatılır. Maşın vasitəsilə görülən
dezinfeksiya işlərində isə hər 1 ton suya 3 kiloqram hesabı ilə xlorlu
əhəng əlavə olunur. Qazax Tarix-Diyarşünaslıq Muzeyi Qazax Dövlət Rəsm Qalereyası Mərkəzləşdirilmiş Kitabxana Sisteminin E.Hüseynov adına Mərkəzi Kitabxanası Rayon Mədəniyyət Mərkəzi Qazax Dövlət Dram Teatrı 2 nömrəli Uşaq Musiqi Məktəbi GOYEZEN.AZ
Facebook-da paylaş