İcra başçısı Qazaxbəyli kəndində məcburi köçkünlərin məskunlaşdığı yeni qəsəbədə olub
Hər kəsə yaxşı məlumdur ki,
bu gün ölkəmizdə dövlət başçısı İlham Əliyevin yürütdüyü məqsədyönlü siyasətin
mərkəzində hər zaman vətəndaş amili dayanır. Həyata keçirilən tədbirlər, atılan
bütün addımlar vətəndaş amilinə söykənir. Bu gün onu da tam əminliklə söyləyə
bilərik ki, son illərdir ki, Qazaxda da vətəndaş mövqeyi hər şeydən üstün
tutulur. Qazaxda şəhid ailələri, Qarabağ müharibəsi əlilləri
və veteranları ilə yanaşı, məcburi köçkün ailələrinə də daim qayğı ilə yanaşılır.
Onları narahat edən məsələlər yerindəcə öyrənilir. Ölkə başçısının məcburi
köçkün ailələri ilə bağlı həyata keçirdiyi dövlət siyasəti rayon rəhbəri
tərəfindən də hər zaman olduğu kimi yerinə yetirilir. Qazax Rayon
İcra Hakimiyyətinin başçısı Rəcəb Babaşovun fəaliyyətə başladığaı ilk gündən işğal altında olan Bağanıs Ayrım, Xeyrımlı, Barxudarlı, Sofulu, Yuxarı
Əskipara və Aşağı Əskipara kənd sakinlərinin məskunlaşdığıyeni qəsəbədə olması,
mütəmadi olaraq görüşlər keçirməsi, sakinlər tərəfindən qaldırılan hər bir
məsələnin dərhal həll olunması istiqamətində tapşırıq verməsi bunu bir daha
sübut edir. İcra başçısı Rəcəb Babaşov bu
gün də Qazaxbəyli kəndində salınmış həmin yeni qəsəbədə olub, orada məskunlaşmış
məcburi köçkün ailəsi ilə görüşüb, qəsəbənin qayğıları ilə maraqlanıb. Rayon rəhbəri ölkəmizdə koronavirus infeksiyasının yayılmasının
qarşısının alınması məqsədilə xüsusi karantin rejimi elan olunduğunu və Azərbaycan
Respublikası Nazirlər Kabineti yanında Operativ Qərargahın xüsusi rejimlə bağlı
tələblərinə əməl olunmasının vacibliyini diqqətə çatdırıb. Xüsusi karantin rejiminin
tələblərinə əməl edərək insanların evlərindən
çıxmamalarını, yalnız təxirəsalınmaz tibbi yardıma zərurət olduqda, həyat və
sağlamlığa bilavasitə təhlükəli vəziyyət yarandıqda çıxmalarını, insanlarla
təmas zamanı 2 metrlik ara məsafəsini gözləməyi tövsiyə edib. Ölkəmizdə yaranan
vəziyyətlə bağlı görülən işlərə hər bir vətəndaşın da öz evində qalaraq dəstək
ola biləcəyini qeyd edib. Aşağı Əskipara
kənd sakini Front Həsənov qəsəbədə aparılan dezinfeksiya işlərini xüsusi
vurğularaq vətəndaşların sağlamlığının qorunması istiqamətində koronavirus
infeksiyasına qarşı dövlətimiz tərəfindən görülən qabaqlayıcı tədbirlərə görə
ölkə Prezidenti İlham Əliyevə və rayon rəhbərliyinə bütün məcburi köçkün
ailələri adından minnətdarlığını bildirib. O, dövlətimiz tərəfindən görülən
işlər sayəsində ölkəmizdə yaşanan bu vəziyyətin aradan qalxacağını və dünyada
yayılan bu infeksiyanın ölkəmizdən az fəsadla sovuşacağını qeyd edib.
GOYEZEN.AZ
Facebook-da paylaş