Qazax rayonu ərazisində koronavirus infeksiyasına qarşı qabaqlayıcı təhlükəsizlik tədbirlərinin və digər zəruri təxirəsalınmaz işlərin görülməsi məqsədilə yaradılmış Qərargahın - MƏLUMATI
Bildiyiniz kimi,
son zamanlar bütün dünyanın rastlaşdığı koronavirus
infeksiyasının (COVID-19) Azərbaycanda geniş şəkildə yayılmasının
qarşısını almaq məqsədilə ölkə başçısının rəhbərliyi altında bir sıra
işlər görülür. Qazax rayonu ərazisində də aparılan bütün
dezinfeksiya işləri Rayon İcra Hakimiyyətinin birbaşa nəzarəti altında dövlət tərəfindən
həyata keçirilir. Bu gün çox təəssüflər olsun ki, bəzi işbazlar ölkəmizdə
koronavirusla mübarizə tədbirləri zamanı dezinfeksiya işləri apararkən əhalidən
və iş adamlarından gördükləri işin müqabilində ödəniş tələb edirlər. Qazax rayon sakinlərinin nəzərinə çatdırmaq istəyirik
ki, bu, yolverilməzdir. Bu cür hallarla qarşılaşan rayon sakinlərindən Qazax rayonu ərazisində koronavirus infekiyasına qarşı
qabaqlayıcı təhlükəsizlik tədbirlərinin və digər zəruri təxirəsalınmaz işlərin
görülməsi məqsədilə yaradılmış Qərargahın aşağıda
qeyd olunan nömrələrinə və ya elektron ünvanına məlumat vermələri tələb olunur. Telefon: 295-31-55 Bir
daha vətəndaşlardan son dərəcə diqqətli olmaları, məsuliyyətli davranmaları,
xüsusi zərurət olmadan digər şəxslərlə təmasda olmamaları və virusun
yayılmasının qarşısının alınmasına dəstək olacaq hər cür ehtiyat tədbiri
görməklə bu qaydalara riayət etmələri xahiş olunur. GOYEZEN.AZ
Fax: 295-23-35
e-mail: mail@qazax-ih.gov.az
Facebook-da paylaş