“Abad məhəllə” layihəsi çərçivəsində N.Nərimanov qəsəbəsində son tamamlanma işləri görülür
Son 4 ildir ki, Qazaxda start götürən genişmiqyaslı abadlıq
işlərinin miqyası ildən-ilə artır. Bu gün böyük bir tikinti meydançasını
xatırladan Qazaxda ötən il aparılan quruculuq işləri bu il də uğurla davam
etdirilir. Artıq xeyli vaxtdır ki, Qazaxda icrasına başlanılan "Abad məhəllə” layihəsi çərçivəsində
N.Nərimanov qəsəbəsində görülən işlər də bunun əyani sübutudur. Su və
kanalizasiya sisteminin çəkilişi başa çatan 6 bloklu, beşmərtəbəli, 60 mənzilli
49 saylı, hər biri 8 mənzildən ibarət 1 bloklu, ikimərtəbəli 1,2,3 saylı
binaların yerləşdiyi ərazidən başlanan abadlıq işləri bina sakinləri ilə
yanaşı, rayon ictimaiyyətinin də razılığına səbəb olur. Bu layihə çərçivəsində
qəsəbənin yeni görkəm almasına, Qazaxın respublikamızın abad və müasir rayonları
sırasına daxil olmasına görə ölkə başçısı İlham Əliyevə və rayon rəhbərliyinə
minnətdarlıq edirlər. "Abad
məhəllə” layihəsinin icra olunduğu ərazidə demək olar ki, son tamamlanma işləri
görülür. Hazırda binaların qarşısına
və ətraf ərazilərdə lazım olan hissələrə asfalt vurulması işi başa çatmaq
üzrədir. Bundan başqa, binaların həyətində bardürlər düzülərək səkilər
yaradılıb. Həmişəyaşıl dekorativ gül kolları əkilərək park salınıb. Salınmış
parkın suvarılması üçün su xətti çəkilib. Məhəllədə olan köhnə elektrik və
rabitə xətləri səliqəyə salınıb. Gecə işıqlanması üçün əlavə işıq şarları
quraşdırılıb. Küçə boyu məhəllədə olan ağaclar budanaraq səliqəyə salınıb.
Binaların həyətində tikilmiş xeyir-şər evində rənglənmə işləri aparılıb. Bir
sözlə, layihə çərçivəsində N.Nərimanov qəsəbəsində qeyd etdiyimiz binaların
qarşısı və ətraf ərazi "Abad məhəllə” adı altında yeni görkəm alıb.
GOYEZEN.AZ
Facebook-da paylaş