“Abad məhəllə” layihəsi çərçivəsində N.Nərimanov qəsəbəsində görülən işlər uğurla davam etdirilir
Son 4 ildir ki, böyük bir tikinti meydançasını
xatırladan Qazaxda həyata keçirilən quruculuq işlərinin miqyası ildən-ilə
artmaqda davam edir. Ötən il aparılan abadlıq işləri bu il də geniş vüsət alıb.
Artıq xeyli müddətdir ki, Qazaxda icrasına başlanılan "Abad
məhəllə” layihəsi çərçivəsində N.Nərimanov qəsəbəsində görülən
işlər də bunun əyani sübutudur. Su və kanalizasiya sisteminin çəkilişi başa
çatan 6 bloklu, beşmərtəbəli, 60 mənzilli 49 saylı, hər biri 8 mənzildən ibarət
1 bloklu, ikimərtəbəli 1,2,3 saylı binaların yerləşdiyi ərazidən start götürən
abadlıq işləri bina sakinləri ilə yanaşı, rayon ictimaiyyətinin də könlünü
oxşayır. Bu layihə çərçivəsində qəsəbənin yeni görkəm almasını, Qazaxın
respublikamızın abad və müasir rayonları sırasına daxil olmasını sakinlər
razılıq hissi ilə qarşılayır. Qazaxda həyata keçirilən genişmiqyaslı quruculuq
işlərinə görə ölkə başçısı İlham Əliyevə və rayon rəhbərliyinə minnətdarlıq
edirlər. Bu gün Qazax Rayon İcra Hakimiyyətinin başçısı Rəcəb
Babaşov "Abad
məhəllə” layihəsinin icra olunduğu ərazidə görülən işlərlə tanış olub. Rayon rəhbərinə məlumat verilib ki, hazırda binaların
qarşısına və ətraf ərazilərdə lazım olan hissələrə asfalt vurulması işi davam
etdirilir. Bundan başqa, binaların həyətində bardürlər düzülərək səkilər
yaradılıb. Həmişəyaşıl dekorativ gül kolları əkilərək park salınıb. Salınmış
parkın suvarılması üçün su xətti çəkilib. Məhəllədə olan köhnə elektrik və
rabitə xətləri səliqəyə salınıb. Gecə işıqlanması üçün əlavə işıq şarları quraşdırılıb.
Küçə boyu məhəllədə olan ağaclar budanaraq səliqəyə salınıb. Binaların
həyətində tikilmiş xeyir-şər evində rənglənmə işləri aparılıb. Bir sözlə,
layihə çərçivəsində N.Nərimanov qəsəbəsində qeyd etdiyimiz binaların qarşısı və
ətraf ərazi "Abad məhəllə” adı altında yeni görkəm alır.
GOYEZEN.AZ
Facebook-da paylaş