İcra başçısı çoxmənzilli yaşayış binalarında görülən işlərin hazırki vəziyyəti ilə maraqlanıb
Bu gün Qazax Rayon İcra Hakimiyyətinin başçısı Rəcəb Babaşov şəhərin
mərkəzində təmir işləri aparılan, Bağanıs Ayrım kəndindən məcburi köçkün olan
sakinlərin yaşadığı Ş.Xiyabanı 27, şəhər sakinlərinin yaşadığı Ş.Xiyabanı 25 saylı binalarda görülən işlərin hazırki vəziyyəti ilə maraqlanıb. Rayon rəhbərliyinə
bildirilib ki, Ş.Xiyabanı 25 saylı binanın xarici fasadında görülən suvaq və
bloklarda aparılan astar-üzlük vurulması işi tam başa çatıb. Hazırda bloklarda
rənglənmə və köhnə pəncərələrin yeni plastik pəncərələrlə əvəzlənməsi işləri
aparılır. Ş.Xiyabanı 27 saylı binanın
bloklarında da astar-üzlük vurulması işi yekunlaşmaq üzrədir. Binanın xarici
fasadında da bir hissədə rənglənmə işləri aparılıb. Digər hissədə isə lazım
olan yerlərdə suvaq işləri davam edir. Binanın bloklarında giriş hissədə olan günlüklərin
dəyişdirilməsi işlərinə başlanılıb. Eyni zamanda hər iki binada bloklara giriş
qapıları qoyulub. Təmir işləri ilə yaxından
tanış olan icra başçısı binalarla yanaşı sakinlərin istəyinə əsasən həyətdə də
abadlıq işlərinin aparılmasını bildirib. Görülən bütün işlərin bina sakinlərinin
istəyinə uyğun şəkildə yerinə yetirilməsini qeyd edib və işlərin keyfiyyətlə
aparılmasını vurğulayıb. Eyni zamanda əlavə görüləcək işlərlə bağlı aidiyyəti
üzrə tapşırıq verib. Məlumat üçün qeyd edək ki, son
3 ildə Qazaxda vətəndaşlara olan diqqət və qayğı sayəsində əhalinin mənzil-məişət
şəraiti xeyli dərəcədə yaxşılaşdırılıb. Bu istiqamətdə həyata keçirilən işlərin
nəticəsidir ki, rayonda Mənzil İstismar İdarəsinin balansında olan 163
çoxmənzilli yaşayış binasından 120-ə yaxın binanın dam
örtüyündə, bloklarında və xarici fasadında təmir işləri aparılıb. GOYEZEN.AZŞ.Xiyabanı 25 saylı bina
Ş.Xiyabanı 25 saylı bina
Ş.Xiyabanı 27 saylı bina
Facebook-da paylaş