İcra başçısı Heydər Əliyev parkında yaradılmış süni göldə görülən işlərlə tanış olub
Xəbər verdiyimiz kimi, 1998-ci ildə Ümummilli Liderin
anadan olmasının 75 illik yubileyi münasibətilə şəhərin mərkəzində Ağstafa
çayının sağ sahilində salınmış Heydər Əliyev parkında yaradılmış 4 hektar
ərazini əhatə edən süni gölün əvvəlki vəziyyətinin bərpa olunması üçün xeyli
vaxtdır ki, bir sıra işlər aparılıb, xüsusi bənd yaradılıb. Bu gün Qazax Rayon İcra Hakimiyyətinin başçısı Rəcəb
Babaşov həmin göldə görülən işlərlə tanış olub. Göldə su axının qarşısını almaq
məqsədilə yaradılmış bəndə bir daha baxış keçirib, görüləcək işləri müzakirə
edib. Göldəki təmizlik işlərinin sürətləndirilməsini bildirib. İcra başçısı
nəinki göldə, eləcə də bütün park ərazisində səliqə-sahman yaradılmasının,
insanların asudə vaxtlarını təmiz bir məkanda keçirmələri üçün təmizlik işlərinin
daim nəzarətdə saxlanılmasını bildirib və aidiyyəti üzrə tapşırıq verib. GOYEZEN.AZ
Facebook-da paylaş