Vətəndaşlar özünüməşğulluq proqramına görə ölkə başçısına minnətdarlıq edir
Çox hörmətli cənab Prezident. Sizin rəhbərliyinizlə həyata keçirilən və son vaxtlar
daha da genişləndirilən islahatlar Azərbaycan xalqının sosial rifahının
yaxşılaşdırılmasına yönəldilmişdir. Bu il ərzində iki dəfə minimum əməkhaqqının
və təqaüdlərin artırılması aztəminatlı ailələr tərəfindən böyük sevinclə
qarşılandı. Sosial sahədə görülən mühüm işlərdən biri də özünüməşğulluq
proqramıdır. Bu proqram Qazax rayonunda da uğurla həyata keçirilir və əhali
tərəfindən böyük rəğbətlə qarşılanır. Biz bu proqramdan yararlanmaq üçün məşğulluq mərkəzinə
müraciət etdik və bizim təsərrüfat şəraitimizə baxış keçirildi. Daha sonra
təlim kursuna cəlb olunduq. Təlim kursunu bitirdikdən sonra qiymətləndirmədən
uğurla keçdik və biznes planımıza uyğun olaraq aktivlərlə təmin olunduq. Bu
işin təşkilindən razı qalmışıq. Cənab Prezident, biz də öz növbəmizdə verilmiş
aktivlərdən səmərəli istifadə edərək öz təsərrüfatlarımızı genişləndirməyə,
ölkə iqtisadiyyatına töhfə verməyə çalışacağıq. Hər birimiz ailəmiz adından bir
daha Sizə öz minnətdarlığımızı bildiririk. Hörmətlə, İsgəndərov Təmraz Fərhad oğlu, Nəsibov Məmməd Əhməd oğlu, Daşdəmirova Zöhrə Zülfəli qızı, Qaracayev Şahmurad Zirəddin oğlu, Mehdixanov Elfaq Elçin oğlu və başqaları (cəmi: 15
nəfər). Azərbaycan
Respublikası, Qazax rayonu.Təmraz İskəndərov və başqalarından
Facebook-da paylaş