Tovuz, Ağstafa və Qazax rayonları üzrə təhsil işçilərinin sentyabr konfransı keçirilib
Bu gün Tovuz, Ağstafa və Qazax rayonları üzrə təhsil işçilərinin sentyabr konfransı keçirilib. Gənclər
Mərkəzində keçirilən konfransda Qazax
Rayon İcra Hakimiyyətinin başçısı Rəcəb Babaşov və icra aparatının məsul
şəxsləri, Milli Məclisin deputatı Ülviyyə Ağayeva, Təhsil Nazirliyinin məsul
işçisi Elçin Kərimov, Tovuz, Ağstafa,
Qazax rayon təhsil şöbələrinin müdirləri, əməkdaşları,
məktəb direktorları, direktor müavinləri, qabaqcıl
müəllimlər və praktik psixoloqlar, KİV nümayəndələri iştirak ediblər. Konfrans iştirakçıları əvvəlcə Ulu Öndər Heydər Əliyevin abidəsi önünə gül dəstələri
qoyub, əziz xatirəsini böyük ehtiramla yad ediblər.
Sonra konfrans Gənclər Mərkəzində öz işinə
başlayıb. Qazax Rayon Təhsil şöbəsinin əməkdaşı Şəfa
Yadigarova konfransı açıq elan etdikdən sonra Azərbaycan Respublikasının Dövlət
Himni səsləndirilib.
Qazax Rayon İcra Hakimiyyətin
başçısı Rəcəb Babaşov giriş sözü ilə çıxış edərək konfransda iştirak edən
qonaqları salamlayıb, təhsil sahəsində çalışanlara uğurlar arzulayıb, yeni dərs
ilinin başlaması və qarşıdan gələn Bilik Günü münasibətilə təbrik edib. Qeyd edib ki, Аzərbаycаn elminin, təhsilinin inkişafı Ulu Öndər Hеydər
Əliyеvin аdı ilə bаğlıdır. Ölkəyə rəhbərliyinin bütün dövrlərində Ümummilli
Lider bu sаhəyə diqqət və qаyğısını əsirgəməmiş, dаim еlmin, təhsilin himаyədаrı
kimi çıхış еtmişdir. Görkəmli dövlət xadimi Hеydər Əliyеv еlmin, təhsilin
inkişаfınа milli dövlət quruculuğu prоsеsinin zəruri əsаsı kimi yаnаşmış,
хаlqın intеllеktuаl səviyyəsinin аrtırılmаsını ən vаcib vəzifələrdən biri kimi
qarşıya qoymuşdur. İcra başçısı qeyd
edib ki, Ümummilli Liderin ötən əsrin 70-80-ci illərində uzaqgörənliklə həyata keçirdiyi
siyasət bu gün öz nəticələrini göstərir. Bu gün ölkəmizin müasir tələblərə
cavab verən milli təhsil sistemi formalaşır.Heydər Əliyev siyasətinin
layiqli davamçısı möhtərəm Prezidentimiz İlham Əliyev cənablarının böyük diqqət və
qayğısı sayəsində son illər təhsil sahəsində aparılan islahatlar onu söyləməyə əsas
verir ki, Azərbaycanda təhsilin keyfiyyəti ildən-ilə artır.
Rayon rəhbəri çıxışında son illər ölkədə təhsilin inkişafı istiqamətində mühüm addımların atılmasında Heydər Əliyev Fondunun prezidenti,
Birinci vitse-prezident Mehriban Əliyevanın da danılmaz xidmətləri olduğunu
bildirib. İcra başçısı Fond tərəfindən "Yeniləşən Azərbaycana yeni məktəb” layihəsi çərçivəsindəbütün bölgələrimizdə təhsil müəssisələrinin maddi-texniki
bazasının möhkəmləndirilməsini, yeni-yeni məktəblərin
inşa olunmasını və ya əsaslı şəkildə yenidən qurulmasını bu sahədə görülən işlərin
bariz nümunəsi kimi qiymətləndirib. Son
3 ildə Qazaxda təhsil sahəsində qazanılan uğurlardan, məktəb tikintisi və təmirindən
söz açan icra başçısı buna misal olaraq bu ilin fevralında əsaslı yenidənqurmadan
sonra istifadəyə verilən S.Vurğun adına 2 nömrəli tam orta məktəbi, əsaslı təmir
işləri aparılan V.Göşşüyev adına Çaylı kənd 1 nömrəli tam orta məktəbi, eləcə də
bu il cari təmir olunan S.Əfəndiyev adına şəhər 1 nömrəli və İ.Qayıbov adına şəhər
3 nömrəli tam orta məktəbləri göstərib. Heydər
Əliyev Fondunun gördüyü işləri xüsusilə vurğulayan icra başçısı "Yeniləşən Azərbaycana
yeni məktəb” layihəsi çərçivəsində respublikanın hər yerində olduğu kimi
rayonumuzda da təhsil müəssisələrinin maddi-texniki bazasının möhkəmləndirilməsi,
yeni məktəb binalarının inşası ilə bağlı görülən işlərin geniş vüsət aldığını
qeyd edib. İcra başçısı 5 illik Dövlət Proqramında Qazax rayonu üzrə 11 məktəb
binasının əsaslı təmir olunmasının salındığını bildirib. Həmin proqramda təmiri
nəzərdə tutulan məktəblərdən birinin Xalq yazıçısı İsmayıl Şıxlının adını
daşıyan 1176 şagird yerlik Kosalar kənd tam orta məktəbin istismara yararsız
olmasının nəzərə alınaraq Heydər Əliyev Fondu tərəfindən əsaslı şəkildə yenidən
qurulduğunu bildirib. Bundan başqa, həmin Dövlət Proqramında əksini tapan daha
bir məktəbin - Ş.Nəsibova adına Sarıvəlli kənd tam orta məktəbin də Fond tərəfindən
əsaslı tikintisinin nəzərdə tutulduğunu və yaxın günlərdə təmirinə
başlanılacağını vurğulayıb.
Rayon rəhbəri fəaliyyətə başladığı ilk gündən təhsil sahəsinin inkişafı
istiqmətində görülən bütün işlərə xüsusi həssaslıqla yanaşdığını və bu sahədə
uğurlu nəticələrin əldə olunduğunu vurğulayıb. Təhsil sahəsinin inkişaf
etdirilməsi istiqamətində atılan ilk addımlardan birinin məhz Rayon İcra
Hakimiyyətinin təşəbbüsü ilə Təhsil şöbəsinin nəzdində İşçi qrupunun yaradılmasının
olduğunu diqqətə çatdırıb. İcra başçısı qeyd edib ki, həmin İşçi qrupunu
yaratmaqda əsas məqsəd məktəblərə nəzarət etmək deyil, əksinə dərsin
keyfiyyətini, müəllim və şagirdlərin hazırlıq səviyyəsini, şagirdlərin dərsə davamiyyətini
öyrənmək idi. Ən əsası da rayonda təhsilin keyfiyyətini artımaq idi. Bir sözlə,
bütün görülən işlərin kökündə bir məqsəd dayanır ki, o da təhsilə olan
qayğıdır. Bu gün əminliklə söyləyə bilərik ki, biz bu istəyimizə nail ola
bildik. İldən-ilə artan qəbulun nəticələri bunu söyləməyə əsas verir. Ölkə
başçısının Qazax Müəllimlər Seminariyasının 100 illik yubileyinin qeyd olunması
ilə bağlı imzaladığı 3 noyabr 2018-ci il tarixli, Xalq yazıçısı İsmayıl
Şıxlının 100 illik yubileyinin qeyd edilməsi ilə bağlı imzaladığı 28 yanvar
2019-cu il tarixli Sərəncamlarını qazaxlılara verilən ən yüksək dəyər kimi
qiymətləndirən rayon rəhbəri hər iki Sərəncama görə ölkə başçısı İlham Əliyevə
bir daha bütün ziyalılar adından minnətdarlığını bildirib. Ölkə başçısı İlham
Əliyevin, Təhsil Naziri Ceyhun Bayramovun ziyalılara hər zaman böyük qiymət
verdiklərini bildirən icra başçısı təhsil sahəsində çalışan insanlara,
müəllimlərə fəxri adların, medalların verilməsini bunun əyani sübutu kimi qeyd
edib. Təhsil Nazirliyinin məsul işçisi Elçin Kərimov çıxış
edərək konfrans iştirakçılarını, bütün təhsil işçilərini Təhsil Naziri Ceyhun
Bayramovun adından yeni dərs ilinin başlanması münasibətilə təbrik edib, səmimi
arzularını çatdırıb. Son illər ölkə başçısı tərəfindən imzalanan çoxsaylı
Sərəncamların, Təhsil Naziri tərəfindən imzalanan Əmrlərin bilavasitə təhsil
sahəsinin inkişaf etdirilməsinə xidmət etdiyini bildirib. Təhsil sahəsində
çalışan insanların, ali məktəblərdə təhsil alan tələbələrin maddi rifah halının
yaxşılaşdırılması istiqamətində atılan addımları minnətdarlıq hissi ilə qeyd
edən E.Kərimov müəllimlərin əməkhaqlarının, tələbələrə verilən təqaüdlərin
artırılmasını buna misal olaraq göstərib. Bugünkü konfransın məqsəd və
əhəmiyyətindən söz açan nazirliyin əməkdaşı qeyd edib ki, əsas məqsəd
2018-2019-cu tədris ilində görülmüş işləri müzakirə etmək və yeni tədris ilində
qarşıda duran vəzifələrdən danışmaqdır. Yeni dərs ilində hansı aktual
məsələlərin mövcud olduğunu öyrənmək və həlli yollarını müzakirə etməkdir. Sonra konfransda Tovuz, Ağstafa və QazaxRayon Təhsil şöbələrinin müdirlərinin geniş hesabat
məruzələri dinlənilib. Hər üç rayonun təhsil sahəsində əldə etdiyi uğurlar slayt
vasitəsilə nümayiş olunub. Əldə olunan nailiyyətlərin müqayisəli təhlilini
aparan şöbə müdirləri ümumi təhsilin müxtəlif istiqamətləri üzrə görülmüş işlərə
diqqət çəkib, perspektiv məsələlərdən bəhs ediblər. Ötən ilin təhsil həyatında
bir sıra parlaq uğurlarla yadda qaldığını qeyd ediblər.
Tovuz Rayon Təhsil şöbəsinin müdiri əvəzi
Məhəbbət Hüseynova çıxış edərək 2018-2019-cu tədris ilində Tovuz rayonunda 84
ümumtəhsil, o cümlədən də 64 tam orta, 17 ümumi orta və 3 ibtidai məktəbin
fəaliyyət göstərdiyini qeyd edib. Ümumilikdə 1390 komplektləşdirilmiş sinifdə
23068 nəfər şagirdin təlim və tərbiyəsi ilə 3455 nəfər pedaqoji işçinin məşğul
olduğunu bildirib. Bu il ali məktəbə qəbul üçün XI sinfi bitirmiş 1504 nəfər
məzundan 1037 nəfərin ali məktəblərə qəbul üçün sənəd verdiyini, onlardan 567
nəfərin mülkü, 27 nəfərin ali hərbi məktəblərə qəbul olduğunu söyləyib. Ümumilikdə
ali məktəbə qəbul üçün sənəd verənlərin 57,3 faizinin ali məktəblərə daxil
olduğunu qeyd edib. 214 nəfər məzunun orta ixtisas məktəblərinə daxil olaraq
tələbə adını qazandığını vurğulayıb. 2019-cu ilin məzunlarından 17 nəfərin
600-dən, 91 nəfərin isə 500-dən yuxarı bal topladığını bildirib. Ən yüksək
nəticəni Tovuz şəhər A.S.Puşkin adına tam orta məktəbin məzunu Həsənov Eşqin
Eyvaz oğlunun 675 bal toplayaraq Bakı Ali Neft Məktəbinə daxil olaraq
göstərdiyini diqqətə çatdırıb.
Ağstafa Rayon Təhsil şöbəsinin müdiri Kamran
Abbasov çıxış edərək 2018-2019-cu tədris ilində Təhsil şöbəsinin nəzdndə 33 tam
orta, 2 ümumi orta və 3 ibtidai məktəbin, 1 texniki və humanitar təmayüllü
liseyin, Uşaq-Gənclər İnkişaf Mərkəzinin, Uşaq-Gənclər İdman-Şahmat Məktəbi kimi
2 məktəbdənkənar tərbiyə müəssisəsinin fəaliyyət göstərdiyini qeyd edib.
Ümumilikdə ibtidai təhsil pilləsində 262 komplektləşdirilmiş sinifdə 4746 nəfər
şagirdin, orta təhsil pilləsində 293 sinif komplektində 4980 nəfər şagirdin,
tam orta təhsil pilləsində 88 sinif komplektində 1337 nəfər şagirdin, cəmi
rayon üzrə 643 sinif komplektində 11063 nəfər şagirdin təlim və tərbiyəsi ilə
1468 nəfər müəllimin məşğul olduğunu bildirib. Qeyd edib ki, 2018-2019-cu
tədris ilində XI siniflər üzrə 642 nəfər məzun buraxılış imtahanında iştirak
edib, ana dili fənni üzrə 386 nəfər, riyaziyyat fənni üzrə 301 nəfər, xarici
dil fənni üzrə 294 nəfər məzunun topladığı bal 31-100 intervalında olub. 2019-cu
ilin məzunlarından 428 nəfər ali məktəblərə qəbul üçün sənəd vermişdir ki, bu
da 66,6 faiz deməkdir. Ali məktəblərə sənəd verənlərdən 274 nəfəri, ümumi sənəd
verənlərin 64,1 faizi, məzunların isə 42,6 faizi tələbə adını qazanıb. 2019-cu
ilin məzunlarından 12 nəfəri 600-dən, 52 nəfəri isə 500-dən yüksək bal
toplayıb.
Qazax Rayon Təhsil Şöbəsinin müdiri
Nizaməddin Babanlı çıxış edərək qeyd edib ki, Təhsil şöbəsinin tabeliyində 33 tam orta, o cümlədən
1 məktəb-lisey, 6 ümumi orta, 6 ibtidai məktəb, 2 məktəbdənkənar müəssisə fəaliyyət
göstərib. Ümumtəhsil məktəblərində 12882, o cümlədən 1048 nəfər məktəbəhazırlıq
qrupunda təhsilə cəlb edilib. Şagirdlərin təlim və tərbiyəsi ilə 1743 nəfər müəllim məşğul olub. Rayonun ümumtəhsil
məktəblərində 621 nəfər texniki işçi fəaliyyət
göstərib. 2018-2019-cu tədris ilində IX sinfi bitirən 982 şagird buraxılış imtahanlarında iştirak etmiş, 970 nəfər attestat alıb. Onlardan 22 nəfərə
fərqlənmə attestatı verilib. XI sinfi bitirən 701 şagird buraxılış imtahanlarında
iştirak edib və attestat alıb. Onlardan 11 nəfərə fərqlənmə attestatı verilib. 2018-2019-cu tədris
ilində Qazax rayonunun
ümumtəhsil məktəblərini bitirən 701 məzundan 488 nəfərin ali və orta
ixtisas məktəblərinə keçirilən imtahanlarda iştirak etmək üçün sənəd verdiyini
bildirib. Həmin məzunlardan 305 nəfərin dövlət ali
məktəblərinə, 14 nəfərin isə xüsusi təyinatlı ali məktəblərə
qəbul olduğunu qeyd edib. Cari ilin məzunlarından 319 nəfər, əvvəlki illərin məzunlarından 16 nəfər olmaqla
cəmi 335 nəfərin tələbə
adını qazandığını vurğulayıb. Məzunlardan 113 nəfərin orta
ixtisas təhsil müəssisələrinə daxil olduğunu diqqətə çatdırıb. Ali təhsil
müəssisələrinə daxil olan gənclərdən 15 nəfərin 600 baldan, 33 nəfərin isə 500 baldan yüksək nəticə
göstərdiyini bildirib. Həmçinin ali məktəbə qəbul olan abituriyentlərdən 110 nəfərin Bakı Dövlət
Universitetinin tələbəsi adını aldığını qeyd edib. Konfransda yüksək nəticə
göstrən məzunlardan 638 bal toplamış Aişən Əhmədovanın valideyni Şəfa Kazımova,
644 bal tolamış Kamil Bayramovun valideyni Arzu Bayramova çıxış edərək sevinclərini
bölüşüblər. Övladlarının yüksək nəticə göstərməsində əməyi olan insanlara təşəkkürlərini
çatdırıblar. Təhsil
sahəsinə göstərilən diqqət və qayğıya görə ölkə başçısı İlham Əliyevə, Birinci
vitse-prezident Mehriban Əliyevaya, rayon rəhbərliyinə minnətdarlıqlarını bildiriblər.
Təhsil Nazirliyinin məsul işçisi Elçin Kərimov yekunda çıxış edərək ümumi təhsilin prioritet istiqamətlərini
diqqətə çatdırıb, yeni dərs ilində qarşıda duran əsas hədəflərə toxunub, təhsil
işçilərinə yeni tədris ilində bir daha uğurlar arzulayıb. O, psixoloji işin təşkili,
təhsil şöbələri arasında əməkdaşlığın qurulması, qabaqcıl müəllimlərin pedaqoji
təcrübəsindən istifadə edilməsi, vətənpərvərlik tərbiyəsinin təbliği və s.
mövzularla bağlı fikirlərini bölüşüb və bununla əlaqədar tövsiyələrini verib.
Qazax
Rayon İcra Hakimiyyətinin başçısı Rəcəb Babaşov konfransa yekun vuraraq qarşıda
duran vəzifələrdən danışıb, yeni dərs ilinin başlanması münasibətilə müəllimləri
bir daha səmimi qəlbdən təbrik edərək gələcək işlərində uğurlar arzulayıb. Yekunda
Azərbaycan Respublikasının Prezidenti İlham Əliyevə konfrans iştirakçıları
adından müraciət qəbul olunub. GOYEZEN.AZ
Facebook-da paylaş