Səyyar görüşdə qaldırılan məsələlər öz müsbət həllini tapıb
Qazax
Rayon İcra Hakimiyyətinin başçısı Rəcəb Babaşovun təyin olunduğu ilk gündən kəndlərdə
keçirdiyi səyyar görüşlər kənd sakinlərini narahat edən məsələlərin öz müsbət həllini
tapmasına xidmət edir. İcra başçısının səyyar görüşdə səsləndirilən hər bir məsələyə
xüsusi qayğı ilə yanaşması, həlli istiqamətində konkret tapşırıqlar verməsi bunu
hər zaman sübut edir. Ötən həftə Orta Salahlı kəndində keçirilən səyyar görüşdə səsləndirilən məsələnin həll olunması da bu
dediklərimizin əyani sübutudur. İcra
başçısının iyunun 13-də Orta Salahlı kəndində keçirilən səyyar görüşü zamanı sakinlər kənddə olan subartezian
quyularından 3 ədədinin işləməməsi barədə müraciət etmişdilər. Görüşün ertəsi gün Qazax
Rayon İcra Hakimiyyətinin başçısı Rəcəb Babaşovun qaldırılan məsələ və onun
həlli istiqamətində görülən işlərlə bağlı müşavirə keçirməsi, məsələ
ilə bağlı aidiyyəti şəxslərə konkret tapşırıqlar verməsi bir daha onu sübut
etdi ki, Qazaxda vətəndaş amili hər zaman ön planda olub və bundan sonra da
olacaqdır. İyunun 14-də keçirilən müşavirə zamanı verilən tapşırıq öz
müsbət nəticəsini verib. Belə ki, müşavirədə də deyildiyi kimi, şənbə günü hər
3 subartezian quyusunun matoru təmir olunaraq artezianların fəaliyyəti bərpa
olunub. Qazax RİHB
aparatındasosial-iqtisadi inkişafın təhlili və proqnozlaşdırılması şöbəsinin
müdir müavini Azad Hümbətov həmin gün Orta Salahlı kəndində
olub, yerində baxış keçirib. Sakinlərlə görüşərək bundan sonra da qaldırılan hər
bir məsələyə dəqiq və operativ şəkildə baxılacağını bildirib. Kənd sakinlərindən Nəbi Babacanov çıxış
edərək görülmüş işlərə, xüsusilə də səyyar görüş zamanı subartezian quyuları
ilə bağlı məsələnin qısa bir vaxtda öz müsbət həllini tapmasına görə rayon
rəhbərliyinə kənd sakinləri adından dərin minnətdarlığını bildirib. Qeyd edib
ki, həyata keçirilən bütün əməli işlər bir daha onu göstərir ki, bu gün Qazaxda
ölkə başçısının siyasətinin əsasını təşkil edən vətəndaş amili ön planda
tutulur. Sakinlər tərəfindən səsləndirilən hər xırda bir məsələyə belə həssaslıqla
yanaşılır vəmüsbət həllini tapır. Məlumat üçün onu da qeyd edək ki, səyyar
görüşdə qaldırılan digər bir məsələ - qəzalı vəziyyətdə olan elektrik dayaqları
ilə bağlı olan məsələ də həll olunub. 5 ədəd köhnə elektrik dayağı yenisi ilə
əvəz edilib. GOYEZEN.AZ
Facebook-da paylaş