Vətəndaşlar fərdi şəkildə qəbul edilib
Bu gün Qazaxda
daim diqqət mərkəzində saxlanılan sahələrdən biri də vətəndaş amilidir. Bu
sahənin hər zaman ön planda dayanmasını sakinlərlə keçirilən səyyar görüşlərdən,
fərdi qəbullardan aydın şəkildə görmək olar. Rayon rəhbəri tərəfindən keçirilən
hər bir görüşün arxasında vətəndaş məmnunluğu dayanır. Qazaxda dövlət
başçısının da söylədiyi kimi xalqa xidmət prinsipinə söykənən bu cür görüşlərin
keçirilməsi artıq bir ənənə halını alıb. Qazax
Rayon İcra Hakimiyyətinin başçısı Rəcəb Babaşov bu gün bir qrup rayon
sakinini fərdi şəkildə qəbul edib, onları narahat edən məsələləri dinləyib. Şəhər
sakini Babacanov Fəxrəddin Məsim oğlu müraciətində xəstəliyi ilə bağlı əlillik
dərəcəsinin alınmasına köməklik olunmasını bildirib. Vətəndaşa aidiyyəti üzrə
müraciət etməsi tövsiyə olunub, eyni zamanda, ona rəsmi qaydada cavab
veriləcəyi bildirilib. Şəhər
sakini Bünyatov Nadir Nürəddin oğlunun qəyyumluq məsələsi ilə bağlı istəyinə
cavab olaraq rəsmi qaydada müraciət etməsi tövsiyə edilib. Vətəndaşa
müraciətinə baxılacağı və köməklik olunacağı qeyd olunub. Qarapapaq
kənd sakinləri Həsənov Hüseyn Saleh oğlunun, Qurbanova Vüsalə İsmayıl qızının,
Canalı kənd sakini Səfərov Osman Omar oğlunun, kollektiv şəkildə müraciət etmiş
İkinci Şıxlı kənd sakinlərindən Abdullayev Hacıxəlil Vahid oğlunun, Nuruyev
Həmid Məhəd oğlunun, Süleymanov Orxan Kamandar oğlunun, Qədimov Xasməmməd
Nəsrəddin oğlunun müxtəlif səpkili müraciətləri də müvafiq olaraq
cavablandırılıb. Fərdi
qəbul zamanı müraciət edən rayon sakinləri onlara göstərilən diqqət və qayğıya
görə rayon rəhbərinə razılıqlarını bildiriblər. Qeyd ediblər ki, bu gün hər bir
rayon sakininin etdiyi müraciət öz müsbət həllini tapırsa, qaldırdığı hər hansı
bir məsələyə operativ şəkildə baxılırsa, mümkün olan qədər köməklik olunursa,
həlli vacib olan məsələlərə diqqətlə yanaşılırsa, bu, dövlətin, dövlət
başçısının hər zaman öz vətəndaşının yanında olması deməkdir. GOYEZEN.AZ
Facebook-da paylaş