Çoxmənzilli binalarda görülən işlər sürətlə davam etdirilir
Ötən il
çoxmənzilli binalarda aparılan təmir-tikinti işləri bu il də davam etdirilir.
Demək olar ki, yeni ilin ilk günündən çoxmənzilli binaların təmirinə böyük
sürətlə start verilib. Respublikanın şəhər və rayonlarında çoxmənzilli
binaların dam örtüklərinin təmiri ilə bağlı əlavə tədbirlər haqqında dövlət
başçısının imzaladığı 4 fevral 2019-cu il tarixli Sərəncam isə bu sahədə
görülən işlərin uğurla davam etdirilməsinin əyani sübutudur. Qeyd etdiyimiz
kimi, hazırda şəhərin Bakı küçəsi 1 ünvanında yerləşən 3 bloklu, 5
mərtəbəli, 30 mənzilli, Heydər Əliyev prospektində yerləşən hər biri 4
blokdan, 5 mərtəbədən ibarət olan 173 və 175 saylı, eləcə də 9 mərtəbəli, 2
bloklu 179 saylı, Azadlıq küçəsi 107 saylı və N.Nərimanov yaşayış massivində
yerləşən 40 saylı binalarda təmir işləri aparılır. Daha bir binanın – Azadlıq
küçəsi 206A saylı binanın qarşısında isə sakinlərin istəyini nəzərə alaraq
xeyir-şər evi tikilir. Qazax Rayon İcra Hakimiyyətinin başçısı Rəcəb Babaşov demək
olar ki, təmir işləri başlayan ilk gündən mütəmadi olaraq tikinti aparılan
həmin binalarda olur, görülən işlərin keyfiyyəti ilə maraqlanır, özünün lazımi
tapşırıq və tövsiyələrini verir. İcra başçısı bu gün Azadlıq küçəsi 206A ünvanında
yerləşən və əsaslı şəkildə təmir olunan 6 bloklu, 5 mərtəbəli binada yaşayan
sakinlərin istəyini nəzərə alaraq tikilən xeyir-şər evində görülən işlərlə
maraqlanıb. Bildirilib ki, hörgü işləri yekunlaşmaq üzrədir. Yaxın günlərdə isə
dam örtüyünün vurulmasına başlanılacaq. Sonra rayon
rəhbəri şəhərin Heydər Əliyev prospekti yerləşən 173 və 179 saylı binalarda
görülən təmir işləri ilə də tanış olub. Şəhərin Heydər Əliyev prospekti 179 saylı binada yaşayan sakinlərdən Şahin
Əliyev rayonda görülən genişmiqyaslı işlərə, eləcə də çoxmənzilli binalarda
aparılan abadlıq işlərinə görə ölkə başçısı İlham Əliyevə, rayon rəhbərliyinə
minnətdarlıq edib. Vətəndaşların yaşayış şəraitinin yaxşılaşdırılması
istiqamətində həyata keçirilən məqsədyönlü işləri yüksək qiymətləndirdiklərini
bildirib.
GOYEZEN.AZ
Azadlıq küçəsi 206 A saylı binanın həyətində tikilən xeyir-şər evi
Heydər Əliyev prospekti 179 saylı bina
Heydər Əliyev prospekti 173 saylı bina
Facebook-da paylaş