Çoxmənzilli binalarda görülən işlər davam edir
Xəbər
verdiyimiz kimi, genişmiqyaslı abadlıq işlərinin geniş vüsət aldığı Qazax
rayonunda bütün sahələrlə yanaşı, vətəndaşların yaşayış şəraitinin
yaxşılaşdırılması istiqamətində də məqsədyönlü işlər görülür. Çoxmənzilli
yaşayış binalarının əsaslı şəkildə təmir olunması da bu dediklərimizin əyani
sübutudur. Hazırda şəhərin Bakı
küçəsi 1 ünvanında yerləşən 3 bloklu, 5 mərtəbəli, 30 mənzilli, Heydər
Əliyev prospektində yerləşən hər biri 4 blokdan, 5 mərtəbədən ibarət olan 173
və 175 saylı, eləcə də 9 mərtəbəli, 2 bloklu 179 saylı, Azadlıq küçəsi 107
saylı və N.Nərimanov yaşayış massivində yerləşən 40 saylı binalarda təmir
işləri aparılır. Demək olar ki, 2019-cu
ilin ilk günündən çoxmənzilli binaların təmirinə böyük sürətlə start verilib. Respublikanın şəhər və rayonlarında çoxmənzilli
binaların dam örtüklərinin təmiri ilə bağlı əlavə tədbirlər haqqında ölkə
prezidentinin 4 fevral 2019-cu il tarixli Sərəncamına əsasən təmir işləri aparılan çoxmənzilli binalardan biri də
şəhərin Azadlıq küçəsində yerləşən 107 saylı binadır. Bu gün Qazax Rayon İcra Hakimiyyətinin başçısı Rəcəb Babaşov həmin binada olub, görülən işlərlə
maraqlanıb. Rayon rəhbərinə
məlumat verilib ki, binanın dam örtüyü dəyişdirilib və bloklarda təmir işləri
davam edir. Köhnə suvaqlar çapılaraq yeni suvaq və üzlük vurulur. Eyni zamanda,
binanın xarici fasadında da suvaq işləri görülür. Qeyd olunub ki,
çoxmənzilli yaşayış binası ilə yanaşı, Azadlıq küçəsi 109 və 113-də yerləşən
fərdi yaşayış evlərinin dam örtüyü də dəyişdirilir.
Məlumat verdiyimiz
kimi, Azadlıq küçəsi 206A ünvanında yerləşən və əsaslı şəkildə təmir olunan 6
bloklu, 5 mərtəbəli binada yaşayan sakinlərin istəyini nəzərə alaraq xeyir-şər
evinin tikintisi də davam etdirilir. Hazırda hörgü işləri görülür və köhnə dam
örtüyü sökülür.
Təmir işləri
aparılan binada yaşayan sakinlər yaşadıqları binanın təmir olunmasına, xüsusilə
də onların istəyini nəzərə alıb xeyir-şər evlərinin tikilməsinə görə ölkə
başçısına və rayon rəhbərliyinə dərin minnətdarlıqlarını bildirirlər.
Azadlıq küçəsi 206 A-da tikilən xeyir-şər evi
Azadlıq küçəsi 109 və 113-də dam örtüyü təmir olunan evlər
GOYEZEN.AZ
Facebook-da paylaş