Bala Cəfərli kəndində sakinlərlə səyyar görüş keçirilib
"Sərhəddə yaşayan sakinlər hər
cür diqqət və qayğıya layiqdir”. Bu gün Qazax Rayon İcra Hakimiyyətinin başçısı
Rəcəb Babaşovun Bala Сəfərli kənd sakinləri ilə keçirdiyi səyyar görüşdə bu
fikir səslənib. Bəli, bu gün Qazax
rayonunun nəinki Bağanıs Ayrım, Yuxarı Əskipara, Aşağı Əskipara, Barxudarlı,
Sofulu, Xeyrımlı, Qızılhacılı kimi 7 kəndi işğal altındadır. Eləcə də rayonun
bir neçə kəndi hər an düşmən gülləsinin atəşinə məruz qalır. Düşmənlə ən yaxın
məsafədə yerləşən kəndlərdən biri də Bala Cəfərli kəndidir. Bu gün rayonun bütün
sərhəd kəndləri kimi, Bala Cəfərli kəndi də sərhəddə yerləşməsinə baxmayaraq
özünün inkişaf dövrünü yaşayır. Son 2 il yarımda göstərilən diqqət və qayğının
nəticəsidir ki, kənd günü-gündən inkişaf edir, dövlət qayğısı ilə tam təmin
olunmuş kənd sakinləri təsərrüfat və heyvandarlıqla məşğul olurlar. Qazax Rayon İcra Hakimiyyətinin başçısı Rəcəb Babaşov rəhbər kimi təyin
olunduğu ilk gündən bütün sərhəd kəndlərinə, o cümlədən də Bala Cəfərli
kəndinə, orada yaşayan sakinlərə xüsusi qayğı ilə yanaşır. Rayon rəhbərinin mütəmadi
olaraq kənddə olması, sakinlərin qayğıları ilə maraqlanması, onlar tərəfindən
qaldırılan hər bir məsələyə xüsusi həssaslıqla yanaşması həmin qayğının bariz
nümunəsidir.
Rayon rəhbəri bu gün də proqrama uyğun olaraq Bala Cəfərli kəndinin
sakinləri ilə səyyar görüş keçirib. Aidiyyəti idarə, müəssisə və təşkilat
rəhbərlərinin də iştirak etdiyi görüşdə kənd sakinləri həmişə olduğu kimi rayon
rəhbərini böyük səmimiyyətlə qarşılayıblar. Rayon rəhbəri görüşdə çıxış edərək bütün kənd sakinlərini salamlayıb, keçirilən
görüşün məqsəd və əhəmiyyətindən danışıb. İcra başçısı bildirib ki, bu il birinci dəfədir ki, sizinlə belə səyyar görüşümüz
keçirilir. Məqsədimiz sizi narahat edən məsələləri öz dilinizdən eşitmək və
həlli istiqamətində əməli işlər görməkdir. "Ölkə başçısı İlham Əliyevin
siyasətinin əsasını təşkil edən vətəndaş amili mənim fəaliyyətimin də əsasını
təşkil edir. Fəaliyyətə başladığım ilk gündən mən hər zaman rayon sakinlərinin
qayğıları ilə yaxından tanış olmağı, sizi narahat edən məsələləri öz dilinizdən
eşitməyi qarşıma məqsəd qoymuşam. Bununla əlaqədar rəsmi qəbul günündən başqa
fərdi qəbullar da keçirir, tez-tez sizin görüşünüzə də gəlirəm”, - deyən rayon
rəhbəri bugünkü görüşün də məhz o məqsədə xidmət etdiyini qeyd edib. Prezident İlham Əliyevin apardığı quruculuq siyasətinin Qazaxda olduğu kimi
həyata keçirilməsini qeyd edən icra başçısı rayonumuzda bütün sahələrin inkişaf
etdiyini, uğurlu göstəricilərin əldə edildiyini bildirib. Qeyd edib ki, rayonda
genişmiqyaslı quruculuq işləri aparılır, yeni iş yerlərinin yaradılması ilə
bağlı çox ciddi tədbirlər görülür.
İcra başçısı son iki il yarımda
Qazaxda aparılan abadlıq və quruculuq işlərini müqayisə edərək bildirib ki, bu
gün tam əminliklə deyə bilərik ki, rayonumuz 2018-ci ildə bir çox uğurlara imza
atıb. Bunu rayonda inşa olunan sosial obyektlərin sayı, kənd təsərrüfatının
ildən-ilə inkişaf etməsi, əkin sahələrinin artırılması, təhsil, səhiyyə, mədəniyyət,
idman, eləcə də digər sahələrdə əldə etdiyimiz nailiyyətlərdən də görmək olar. Ötən il rayonda yeni iş yerlərinin yaradılması
istiqamətində həyata keçirilən tədbirlərdən danışan rayon rəhbəri həmin işlərin
2019-cu ildə də davam etdiriləcəyini qeyd edib. Buna misal olaraq başlanılması
nəzərdə tutulan su-kanalizasiya xəttinin, Gəncə-Qazax-Gürcüstan dövlət sərhəddi
avtomobil yolunun çəkilməsini, "Saloğlu” fərdi mebel firması tərəfindən
yeni tikiləcək fabrikin inşasını göstərib. Rayon rəhbəri qeyd edib ki, bu gün Qazaxda bir məsələnin köklü şəkildə
həllinə böyük ehtiyac vardı ki, həmin məsələ də ölkə başçısının diqqəti,
qayğısı sayəsində öz əksini tapır. Su-kanalizasiya sistemi yenidən qurulur.
Bunun üçün lazımi işlərin görüldüyünü qeyd edən icra başçısı bununla bağlı
layihənin təqdimat mərasiminin keçirildiyini də diqqətə çatdırıb. "Azərbaycan Respublikası regionlarının 2019–2023-cü illərdə
sosial-iqtisadi inkişafı Dövlət Proqramı”nın təsdiq edilməsi haqqında Respublika Prezidenti İlham Əliyevin 29 yanvar
2019-cu il tarixli Fərmanından söz açan icra başçısı bildirib ki, həmin dövlət
proqramı Azərbaycanın növbəti 5 il ərzində daha böyük uğurlara imza atacağından
xəbər verir. Vətəndaşların rifah halının, yaşayış şəraitinin yaxşılaşdırılmasına
xidmət edən dövlət proqramının qəbul olunmasını yüksək qiymətləndirən icra
başçısı həmin proqrama əsasən 2019-cu ildə də genişmiqyaslı işlərin
görüləcəyini diqqətə çatdırıb.
Rayon rəhbəri bildirib ki, son iki il yarımda gördüyümüz işlərdən biri
də uzun illərdən bəri mövcud olan su probleminin aradan qaldırılması oldu. Həyata
keçirdiyimiz məqsədyönlü işlər sayəsində artıq Qazaxbəyli, Ürkməzli, Xanlıqlar, Alpout, Kəmərli,
Orta Salahlı, Daş Salahlı, Bala Cəfərli, Ağköynək, Qarapapaq, Çaylı, Bala Çaylı kəndlərinə içməli su çəkilib.
2017-2018-ci illərdə rayonda su ilə bağlı görülən işləri, xüsusilə də artezian
quyularının qazılması sahəsində atılan uğurlu addımları qeyd edən rayon rəhbəri
həmin işlərin 2019-cu ildə də davam etdiriləcəyini bildirib. Rayon rəhbəri yola saldığımız 2018-ci ilin əhalinin
mənzil-məişət şəraitinin yaxşılaşdırılması istiqamətində görülən işlərlə də
yadda qaldığını vurğulayıb. Son iki il yarımda rayonda mövcud olan 163 ədəd
çoxmənzilli yaşayış binasından artıq 100-dən çoxunun təmir olunmasını və sakinlərin
istifadəsinə verilməsini, bundan əlavə, rayonda sakinlərin istəyini nəzərə
alaraq çoxmənzilli binaların həyətlərində xeyir-şər evlərinin tikilməsini yüksək
dəyərləndirib. Həmin işlərin uğurla davam etdirildiyini və şəhərdə daha 4 binada
təmir işlərinin aparıldığını diqqətə çatdırıb. İcra başçısı qeyd edib
ki, Azərbaycan
Respublikasının şəhər və rayonlarında çoxmənzilli binaların dam örtüklərinin
təmiri ilə bağlı əlavə tədbirlər haqqında ölkə prezidentinin 4 fevral
2019-cu il tarixli Sərəncamı bu sahədə görülən işlərin bundan sonra da uğurla həyata
keçirilməsindən xəbər verir. Şəhid ailələrinə göstərilən dövlət qayğısından danışan rayon rəhbəri
ölkə başçısı tərəfindən imzalanan Sərəncam və Fərmanları bu istiqamətdə görülən
işlərə nümunə göstərib. Qeyd edib ki, dövlət başçısının ötən ay imzaladığı
Azərbaycan Respublikasının ərazi bütövlüyünün, müstəqilliyinin və konstitusiya
quruluşunun müdafiəsi ilə əlaqədar əlil olmuş şəxslərin və şəhid ailələrinin
sosial-məişət şəraitinin yaxşılaşdırılmasına dair əlavə tədbirlər haqqında Azərbaycan
Respublikası Prezidentinin 28 yanvar 2019-cu il tarixli Sərəncamı, "Azərbaycan
Respublikasının ərazi bütövlüyü uğrunda həlak olmuş, ölmüş və hərbi əməliyyatlarla
əlaqədar xəbərsiz itkin düşdüyünə görə ölmüş elan edilmiş hərbi qulluqçuların
ailə üzvlərinin sosial müdafiəsinin yaxşılaşdırılması ilə bağlı əlavə tədbirlər
haqqında” Azərbaycan Respublikası Prezidentinin 2018-ci il 19 aprel tarixli 1
nömrəli Fərmanında dəyişiklik edilməsi barədə Azərbaycan Respublikası
Prezidentinin 28 yanvar 2019-cu il tarixli Fərmanı, şəhid
ailəsi üçün Azərbaycan Respublikası Prezidentinin təqaüdünün artırılması
haqqında Azərbaycan Respublikası Prezidentinin 30 yanvar 2019-cu il
tarixli Fərmanı Azərbaycanda şəhidlərimizə, onların ailə üzvlərinə olan yüksək
diqqət və qayğını, verilən dəyəri bir daha sübut etdi. Kənd sakinlərindən İradə Mehdiyeva, Ceyhun Rəhimov, ağsaqqal Telman
Kosayev, Nuriyyə Qasımova, Murad Kosayev, Vəli Vəliyev, Vəsilə Salamatova çıxış
edərək sərhəd kəndlərinin sakinlərinə göstərdiyi böyük diqqət və qayğıya görə
Prezident İlham Əliyevə, onlarla mütəmadi olaraq görüşə gəldiyinə görə Rayon İcra
Hakimiyyətinin başçısı Rəcəb Babaşova bütün kənd sakinləri adından öz dərin
minnətdarlıqlarını bildiriblər. Səmimi söhbət əsasında keçən səyyar görüşdə minnətdarlıq dolu sözlərlə
yanaşı, sakinləri narahat edən məsələlərdən, qayğılardan da söz açılıb. Sakinlər
kənddə daha bir ədəd artezian quyusunun qazılması, internet və rabitə xəttinin
optik kabelləşməsi, kənddəki göldə balıq ovuna icazə verilməsi və digər
məsələlərlə bağlı müraciət ediblər. Sakinlərin qaldırdıqları məsələləri diqqətlə dinləyən rayon rəhbəri hər bir
məsələyə diqqətlə baxılacağını bildirib. Göldə balıq ovunun isə təhlükəli
olduğunu qeyd edib. Rayon İcra
Hakimiyyətinin başçısı Rəcəb Babaşov görüşə yekun vuraraq bundan sonra da tez-tez
görüşə gələcəyini bildirərək kənd sakinlərinə gələcək işlərində uğurlar
arzulayıb. GOYEZEN.AZ
<!--
[if !supportLineBreakNewLine]
-->
<!--
[endif]
-->
Facebook-da paylaş